लेवी 12:3 - Sunuwar Bible

³ मिनु ८ नाक्‍ती मेको आ तौ कली ख्रोइक्‍तीक चिनु ख्रोइक्‍चा माल्‍ब। उत्‍पत्ती १७:१०-१२; लूका २:२१; यूहन्‍ना ७:२२

लेवी 12:3 ပူးပေါင်းရင်းမြစ်များ

प्रस्‍थान 22:30

इन बी ब्‍यफ नु इन भेडा रे यो मोदेंशो पचा माल्‍नीनी। ७ नाक्‍त आन ममा नु बाक्‍चा माल्‍नीमी। मेको नोले ङा नाक्‍ती आं कली गेचा माल्‍नीनी।

लेवी 12:4

मिनु मेको मीश मुर आ हुश चोव़खेचा कली ३३ नाक्‍त सम्‍म दुम्‍चा माल्‍ब। मिनु मेकोमी चोव़खो दुम्‍तीक नाक्‍ती मगाम सम्‍म मारेइ चोव़खो थोव़क थिचा मदुम्‍ब। मिनु ग्रुम्‍तीक ताम्‍बु यो ओव़चा मदुम्‍ब।

लेवी 15:3

मेको आ रां रे यितीके मार बाक्‍ब देंशा हना, रां रे यित हना यो, देक्‍त हना यो, मेको मुर ग्रांग्रा दिशो बाक्‍ब।

लूका 1:59

मिनु आल ८ नाक्‍त दुम्‍मेनु, जकरिया आ खिंमी मुर देल्‍शा, ख्रोइक्‍तीक चिनु ख्रोइश्‍शा, आल आ नें वोइक्‍चा‍मेनु, नेल्‍लेमी “आ आफ आ नें खोदेंशोन वोइक्‍चा” देंमा बाक्‍त। उत्‍पत्ती १७:१२

लूका 2:21

मिनु आल जरमेसे आ ८ नाक्‍ती ख्रोइक्‍तीक चिनु ख्रोदमे बाक्‍त। मिनु आ नें येसु वोदमे बाक्‍त। मारदे हना परमप्रभु यावे आ स्‍वर्ग ङा गेय पाइबमी “मेको आ नें येसु वोइक्‍चा” दे आ कोव़ज कुरचा क्‍येङा ङोंइती मरीयम कली देंशो बाक्‍माक्‍त। लूका १:५९; उत्‍पत्ती १७:१२; लूका १:३१

प्रेरित 15:1

मिनु नोले यहूदीया रागी रे मुरपुकी यिशा, एन्‍टीओकमी जाक्‍मा बाक्‍त। मेकोपुकीमी “साइ मोसामी देंशो ख्रोइक्‍तीक चिनु ख्रोइक्‍चा माल्‍ब। मपाइतीनी हना, पाप रे ब्रोंइचा मताइनीनी” दे शेंबाक्‍मा बाक्‍त। गलाती ५:२

रोमी 3:19

अरेशो लोव़ अरेशो टीब आन कली ब्रेक्‍शो बाक्‍ब। मेको लोव़ मटिम्‍तेक्‍म हना, सिक्‍सी पचा माल्‍नीम। यहूदी नु रागी ङा मुर नेल्‍ल पापी दुम्‍तेक्‍म। मोपतीके परमप्रभु यावेमी मुर नेल्‍ल आन कली निसाफ पाइब। रोमी २:१२; गलाती ३:२२

गलाती 3:17

आं देंशो रुपीन। परमप्रभु यावेमी अब्राहाम कली गेशो लोव़ कागज ब्रेक्‍शा, ब्रेप्‍चो दिप्‍शो खोदेंशो बाक्‍ब। मेको लोव़ गेशा, ४ सहे ३० बर्स नोले आ अरेशो लोव़ तुइक्‍पाइश्‍शो बाक्‍त। मेको अरेशो लोव़मी ङोंइती गेशो लोव़ ख्रोइक्‍ने मचाप्‍ब। प्रस्‍थान १२:४०

गलाती 5:3

लोव़ थोक्‍शा का का पा शेंनन्‍नी, ख्रोइक्‍तीक चिनु ख्रोंइ‍सीबपुकीमी अरेशो लोव़ नु रिती थितीम बाक्‍शो नेल्‍ल पचा माल्‍नीम। का यो प्रोंइचा मदुम्‍ब।

ब्‍यवस्‍था 30:6

मिनु परमप्रभु यावे, इन परमप्रभुमी इन थुं नु इन तमी तौ आन थुं ख्रोइक्‍तीक चिनु खोदेंशो पा ख्रोइक्‍ब। मोपा ला गे परमप्रभु यावे, इन परमप्रभु कली इन थुं नु सोक्‍त नेल्‍लेमी दाक्‍शा, ब्रोंइने चाप्‍नीनी। ब्‍यवस्‍था १०:१६; येरमीया ४:४; इजीकीएल ११:१९; रोमी २:२९

फिलिप्‍पी 3:5

गो ८ नाक्‍त ङा आल बाक्‍ङानु, ख्रोइक्‍तीक चिनु ताता। गो इस्राएली नङ। गो बेन्‍यामीन आ थर ङा मुर नङ। हिब्रू मुर रे जरमेशो, हिब्रू नङ। परमप्रभु यावे आ अरेशो पशा, फरिसी दुम्‍ती। २तिमोथी १:३; प्रेरित २६:५

कलस्‍सी 2:11

मेको आ पशोमी ख्रोइक्‍तीक चिनु पाइश्‍शो खोदेंशो दुम्‍तीनी। मेको ख्रोइक्‍तीक चिनु मुरुमी ख्रोइश्‍शो ममाइ, गेपुकी ख्रीस्‍त कली थमा सुइश्‍शा, इन मरिम्‍शो पशो ताइश्‍शो इन ख्रोइक्‍तीक चिनु दुम्‍त। रोमी २:२९; रोमी ६:५; १पत्रुस ३:२१