लेवी 11:45 - Sunuwar Bible

⁴⁵ गो परमप्रभु यावे, इन कली इजीप्‍त रागी रे ग्रुंइशा एक चाक्‍ब, इन परमप्रभु नङ। मोपतीके गेपुकी ग्रांग्रा दिशो रे ङोन बाक्‍कीन। मारदे हना गो ग्रांग्रा दिशो रे ङोन बाक्‍नुङ’ देनो” देंत।

लेवी 11:45 ပူးပေါင်းရင်းမြစ်များ

उत्पत्ती 17:7

मिनु गो गे नु लोव़ पा आं कबल पाइनुङ। गो इ चच युइ नु यो आं कबल पाइनुङ। मेको गेना हना यो लीब कबल बाक्‍ब। गो इ परमप्रभु नु इ चच युइ आन परमप्रभु नङ।

प्रस्‍थान 19:10

मिनु परमप्रभु यावेमी मोसा कली “मुलाक्‍ती नु दीसा इस्राएली आन कली गो नु ग्रुम्‍पाइक्‍चा ठीक पावो। आन फेक्‍शो वा मुरपतो। लेवी ११:४४; यहोसु ३:५; अय्‍युब १:५

प्रस्‍थान 19:6

गे आं कली चढ़ेब आन राज्‍य नु आं योव़शो जात ङा मुर दुम्‍चा माल्‍नीनी’ दे मेको लोव़ इस्राएली आन कली देंचा माल्‍नेवे” दे माइक्‍तु। यसैया ६१:६; १ पत्रुस २:९; प्रकाश १:६; लेवी १९:२

प्रस्‍थान 20:2

“गो परमप्रभु यावे, इन परमप्रभु नङ। गो इन कली वाइलीम वाइल दुम्‍शो इजीप्‍त रागी रे ग्रुंइताक्‍न्‍नी। न्‍यायाधीस ६:८; येरमीया ३४:१३

प्रस्‍थान 22:30

इन बी ब्‍यफ नु इन भेडा रे यो मोदेंशो पचा माल्‍नीनी। ७ नाक्‍त आन ममा नु बाक्‍चा माल्‍नीमी। मेको नोले ङा नाक्‍ती आं कली गेचा माल्‍नीनी।

प्रस्‍थान 6:7

मिनु गो इन कली आं मुर सेल्‍नुङ। गो इन परमप्रभु दुम्‍नुङ। मिनु गो इन कली इजीप्‍त ङा मुर आन गेशो श्‍येत रे ग्रुंइब, परमप्रभु यावे, इन परमप्रभु नङ, दे तुइक्‍चा माल्‍नीनी।

होसे 11:1

मिनु परमप्रभुमी “इस्राएल आल बाक्‍मेनु, गो मेको कली दाक्‍ताक्‍ङ। मिनु गो आं तौ कली इजीप्‍त रागी रे ब्रेत्‍ताक्‍ङ। ब्‍यवस्‍था ७:८; प्रस्‍थान ४:२२-२३; मत्ती २:१५

लेवी 11:44

मिनु गो परमप्रभु यावे, इन परमप्रभु नङ। मोपतीके गेपुकी ग्रांग्रा दिशो मदुम्‍थु मेको रे ङोन बाक्‍कीन। मारदे हना गो ग्रांग्रा दिशो रे ङोन बाक्‍नुङ। गेपुकी खपीम ग्रे‍शा गाक्‍ब जन्‍तु रे ग्रांग्रा दिशो मदुमीन। लेवी १९:२

लेवी 11:46

एको रागी ङा जन्‍तु, चिक्‍ब नु ब्‍वाक्‍कुम गाक्‍ब नु खपीम ग्रे‍शा गाक्‍ब जन्‍तु आन पर्बम अरेतीक बाक्‍ब।

लेवी 19:2

“इस्राएली आन ग्रुम्‍तीक ङा मुर नेल्‍ल आन कली ‘गेपुकी आं कली ला ठेयब सेलीन। मारदे हना गो परमप्रभु यावे, इन परमप्रभु का ला नङ। लेवी ११:४४-४५; मत्ती ५:४८; १ पत्रुस १:१५-१६

लेवी 19:36

इन नाक्‍तीकेम तुला ठीक दुम्‍चा माल्‍ब। इन ढक ठीक दुम्‍चा माल्‍नीमी। मिनु इन पुक्‍तीके ठीक दुम्‍चा माल्‍नीमी। गो इन कली इजीप्‍त रे ग्रुंइब परमप्रभु यावे, इन परमप्रभु नङ। ब्‍यवस्‍था २५:१३-१६; हितोपदेस ११:१

लेवी 20:7

मोपतीके आं कली जिम्‍मा गेंसीशा आं के दुमीन। मारदे हना गो परमप्रभु यावे, इन परमप्रभु नङ। लेवी १९:२

लेवी 22:33

मिनु इन परमप्रभु दुम्‍चा कली गो इन कली इजीप्‍त रागी रे ग्रुंइताक्‍ङ। गो परमप्रभु यावे नङ, दे शेंदो” देंत।

लेवी 25:38

गो इन परमप्रभु दुम्‍चा नु इन कली कनान रागी गेचा, दे इन कली इजीप्‍त रागी रे ग्रुंइशा, एक चाक्‍ब, गो परमप्रभु यावे, इन परमप्रभु नङ।

लेवी 26:45

तन्‍न गो मेको आन कली मिम्‍शा, आन किकी पिपी नु पशो आं कबल मिम्‍नुङ। गो नेल्‍ल रागी ङा मुरपुकीम तचा ङा पा मेको आन परमप्रभु दुम्‍तीके, मेको आन कली इजीप्‍त रागी रे ग्रुंइशा चाक्‍ताक्‍मी। गो परमप्रभु यावे नङ” दे परमप्रभु यावेमी देंत। उत्‍पत्ती १२:७

गन्‍ती 15:40

गे परमप्रभु यावे आ शेंतीक नेल्‍ल मिम्‍शा पचा माल्‍नीनी। मिनु गे इन परमप्रभु आ ङोंइती ग्रांग्रा मदिशो दुम्‍चा माल्‍नीनी।

१ थिस्‍सलोनिकी 4:7

परमप्रभु यावेमी इं कली ग्रांग्रा दिचा ङा गेय पचा कली मयोव़ङ। पाप रे ङोन बाक्‍चा कली योव़तु।

यहोसु 24:19

मिनु यहोसुमी मुर आन कली “गेपुकीमी परमप्रभु यावे कली ठेयब सेल्‍ने मचाप्‍नीनी। मारदे हना मेको का ला परमप्रभु नु रुश पाइब परमप्रभु बाक्‍ब। मिनु मेकोमी इन मरिम्‍शो पशो नु इन पाप मक्‍याम्‍ब। ब्‍यवस्‍था २९:३; प्रस्‍थान २०:५

१ पत्रुस 1:16

परमप्रभु यावे आ ब्रेक्‍पाइश्‍शो लोव़मी “गेपुकी आं कली ला ठेयब सेलीन। मारदे हना गो का ला इन परमप्रभु नङ” दे ब्रेक्‍शो बाक्‍ब। लेवी १९:२

१ सामुएल 2:2

परमप्रभु यावे खोदेंशो अरु सुइ मबाक्‍नीम। इन क्‍येङा लाक्‍शो अर्को सुइ मबाक्‍नीम। आंइ परमप्रभु, सेरथे फुल्‍लु खोदेंशो अरु सुइ मबाक्‍नीम। ब्‍यवस्‍था ४:३५; उत्‍पत्ती ४९:२४; ब्‍यवस्‍था ३२:१८; भजन संग्रह १८:२२

१ सामुएल 6:20

मिनु बेथ-शेमेश ङा मुरपुकीम “मेको परमप्रभु यावे, का ला परमप्रभु आ ङोंइती सु राप्‍ने चाप्‍बा ङा? मिनु आंइ बाक्‍तीके रे मुल मेको सु आ बाक्‍तीके लाइक्‍चा माल्‍बा?” देंमा बाक्‍त।