लेवी 10:6 - Sunuwar Bible

⁶ मिनु मोसाम हारून नु आ तौ एलाजर नु इथामार आन कली “रोंका पा इन पिया ङा चां मप्रेक्‍कीन। इन वा मखाक्‍कीन। मो पाइतीनी हना, गेपुकी बेक्‍नीनी। मिनु परमप्रभु यावे आ गाइक्‍तीक नेल्‍ल मुर आन तारी जुक्‍ब। तन्‍न परमप्रभु यावे आ सोइश्‍शो मीम दुप्‍शा बेक्‍ब आस पर्बम इन खिं ङा मुर नु इस्राएली ङा मुर नेल्‍ल रोंका पचा दुम्‍ब। लेवी २१:१०

लेवी 10:6 ပူးပေါင်းရင်းမြစ်များ

२ सामुएल 24:1

मिनु परमप्रभु यावे इस्राएली आन पर्बम लेंशा गाइक्‍ता बाक्‍त। मिनु मेकोमी दाऊद कली मेको आन पर्बम मरिम्‍शो पपाइक्‍चा कली क्‍युक्‍गा बाक्‍त। मिनु दाऊदमी “इस्राएल नु यहूदा ङा मुर आन कली हिक्‍कीन” देंमाक्‍त।

एज्रा 7:5

बुककी आ आफ अबीशुआ बाक्‍त। अबीशुआ आ आफ फिनेहास बाक्‍त। फिनेहास आ आफ एलाजर बाक्‍त। एलाजर आ आफ नेल्‍ल क्‍येङा ठेयब चढ़ेब हारून बाक्‍त।

प्रस्‍थान 33:5

मारदे हना परमप्रभु यावेमी मोसा कली “इस्राएली आन कली ‘गेपुकी काइ मटीब मुर बाक्‍नीनी। गो याम का गे नु गाक्‍ती हना, नेल्‍ल इन कली साइक्‍नन्‍नी। मुल इन सुन चांदी नेल्‍ल प्रुतीन। मिनु इन कली मार पचा माल्‍नुङा, दे मिम्‍नुङ’ ” देंशो बाक्‍त। योएल २:१३

प्रस्‍थान 6:23

मिनु हारूनम नहशोन आ समी अम्‍मीनादाब आ तमी एली-शेबा चाक्‍गा बाक्‍त। मेकोमी नादाब, अबीहु, एलाजर नु इथामार थिमाक्‍त। प्रस्‍थान २८:१

येरमीया 7:29

गे इ चां प्रेक्‍शा ताइक्‍तो। मिनु गोरशो डांडा मेर रोंका पा गाक्‍को। मारदे हना परमप्रभु यावेमी आ कली गाइक्‍पाइक्‍ब आन पाला ङा मुर आन कली प्रोंइशा तिल्‍तु’ दे‍नो” देंत। मीका १:३६

लेवी 13:45

कोव़र प‍शो मुरुम गाक्‍शो वा फेक्‍शा, आ पियाम मारेइ गुप्‍चा मदुम्‍ब। मेकोमी आ गाल शोक्रे कली सुम्‍शा ‘ग्रांग्रा दिशो, ग्रांग्रा दिशो’ दे ग्रीचा माल्‍ब।

मीका 1:16

मिनु इन दाक्‍शो आल आन पर्बम इन चां प्रेक्‍कीन। चां नेल्‍ल प्रेक्‍शा, गिदद खोदेंशो दुमीन। मारदे हना इन आल नेल्‍ल ग्‍याइश्‍शा, मुर आन रागीम लाइक्‍चा पुंइसाक्‍म।

गन्‍ती 1:53

लेवी आ मुर चहिं परमप्रभु यावे आ कबल पशो सन्‍दोस वोइश्‍शो ताम्‍बु आ एर ओंथ आन ताम्‍बु कीचा माल्‍नीम। इस्राएलीपुकी ग्रुम्‍तीके ताम्‍बु आ नेक्‍था लचा मदुम्‍नीम। मिनु मेको आन पर्बम परमप्रभु यावे मगाइक्‍ब। मिनु लेवीपुकीमी परमप्रभु यावे आ कबल पशो सन्‍दोस वोइश्‍शो ताम्‍बु खाल पचा माल्‍नीम” दे परमप्रभु यावेमी देंत। गन्‍ती १७:११; गन्‍ती १८:५; २सामुएल २४:१; २इतिहास १९:२; यसैया ५७:१७; यसैया ६४:४-६

गन्‍ती 14:6

मिनु मेको रागीम क्‍यारी पथ लाइब नून आ तौ यहोसु नु यपुन्‍ने आ तौ कालेबमी सुर्ता पा आस आस वा खाक्‍ताक्‍स। गन्‍ती १३:६,८,१६,३०

गन्‍ती 16:22

मिनु मोसा नु हारूनमी खुम्‍की पा “परमप्रभु मुर नेल्‍ल आन कली ब्रोंइचा गेब परमप्रभु, मुर कामी पाप पतीके गे मुर नेल्‍ल नु गाइक्‍नीनी?” देंताक्‍स। अय्‍युब १०:१२; अय्‍युब १२:१०; २सामुएल २४:१७; गन्‍ती २७:१६

गन्‍ती 18:5

मिनु गे इस्राएली आन दातेमी लेंशा गाइक्‍तीक गेनायो मजाक्‍ल, दे परमप्रभु यावे आ बाक्‍तीक नु चढ़ेतीक ङा गेय आंमा पचा माल्‍नेवे। गन्‍ती १७:११

गन्‍ती 20:25

हारून नु मेको आ तौ एलाजर आस कली होर डांडा लाइश्‍शा लावो।

गन्‍ती 5:18

मिनु चढ़ेबमी मेको मीश मुर कली परमप्रभु यावे आ ङोंइती राप्‍पा, मेको आ चां प्रुइक्‍चा माल्‍ब। मिनु मेकोमी मेको मिम्‍चा कली अन्‍न चढ़ेतीक आ गुइमी वोइक्‍चा माल्‍ब। मेको रुश पशो आ पर्बम अन्‍न चढ़ेतीक बाक्‍ब। मिनु मेको चढ़ेबमी मेको सराप चीले रशो कशो ब्‍वाक्‍कु आ गुइमी ग्‍याइक्‍चा माल्‍ब।

ब्‍यवस्‍था 33:9

मेकोमी आ आम आफ आस पर्बम “गो मेको आस कली ममिम्‍नुङ। मेकोमी आं खिं ङा मुर आन कली प्रोंइतु। आ तौ आन कली मतुइक्‍त। मारदे हना मेकोमी इन लोव़ टिप्‍तु। मिनु गे नु कबल पशो बाक्‍त। प्रस्‍थान ३२:२७-२९; मत्ती १०:३७

यहोसु 22:18

मुलाक्‍त गेपुकी परमप्रभु यावे रे नोले शोंइसीनी? गे मुलाक्‍ती परमप्रभु यावे कली टिचा प्रोंइतीनी हना, मेको आ दीसा इस्राएली नेल्‍ल आन कली तशा, गाइक्‍ब, दे मतुइक्‍तीनी?

यहोसु 22:20

मिनु जेराह आ तौ आकानमी मटिथु, खुइ पवानु, परमप्रभु यावे आ गाइश्‍शोमी नेल्‍ल आन कली मार दुम्‍मे? आकान ला मबे, इस्राएली नेल्‍लेमी श्‍येत जाम्‍तेक्‍म’ ” देंतेक्‍म। यहोसु ७:६-१३

यहोसु 7:1

मिनु इस्राएलीपुकीमी मटिथु, खतम सेल्‍चा माल्‍शो परमप्रभु यावे आ थोव़क रे खुइ पाम्‍तेक्‍म। यहूदा आ थर ङा जेराह आ युइ, जब्‍दी आ चच, कारमी आ तौ आकानमी मलाइक्‍चा थोव़क रे पा मार मार खुइ पा लदा बाक्‍त। मोपतीके परमप्रभु यावे इस्राएली नेल्‍ल आन कली तशा चुरमाक्‍त। यहोसु ६:१८

यहोसु 7:11

इस्राएलीपुकीमी पाप पाम्‍तेक्‍म। मेकोपुकीमी आं माइश्‍शो ‘पचा माल्‍ब’ दे पशो कबल प्रोंइ‍तेक्‍म। खतम सेल्‍चा माल्‍शो थोव़क खुइ पा लाइश्‍शा, आंम थोव़क नु ब्‍वाइश्‍शा, ख्रुइश्‍शा वोइक्‍तेक्‍म।