लेवी 10:12 - Sunuwar Bible

¹² मिनु मोसामी हारून नु आ लीशो तौ एलाजर नु इथामार आन कली “परमप्रभु यावे कली मीम चोशा अन्‍न चढ़ेशो रे लीशो बोरब ओख्‍ती मसुप्‍थु चढ़ेतीके आ नेक्‍था बाक्‍शा जने। मारदे हना मेको थम चोव़खो बाक्‍ब। लेवी ९:१७,१८

लेवी 10:12 ပူးပေါင်းရင်းမြစ်များ

२ इतिहास 31:14

मिनु इम्‍नाह आ तौ कोरे पूर्ब ङा लाप्‍चो खाल पाइब लेवी बाक्‍माक्‍त। मेकोमी मुर आन परमप्रभु कली ग्‍येरशा चढ़ेतीक गेशो मारेइ मारेइ कोव़ब बाक्‍माक्‍त। मिनु चढ़ेशो, चाक्‍शो मारेइ मारेइ परमप्रभु यावे कली नु सु सु कली योक्‍चा माल्‍बा, मेको नेल्‍ल कोव़ब बाक्‍माक्‍त।

एज्रा 7:5

बुककी आ आफ अबीशुआ बाक्‍त। अबीशुआ आ आफ फिनेहास बाक्‍त। फिनेहास आ आफ एलाजर बाक्‍त। एलाजर आ आफ नेल्‍ल क्‍येङा ठेयब चढ़ेब हारून बाक्‍त।

प्रस्‍थान 29:2

मिनु रिम्‍शो चेरब फस के बोरब ओख्‍ती मसुप्‍शो शोब्‍ले, तेल ब्‍वाइश्‍शो जिज शोब्‍ले नु तेल ख्रेक्‍शो बोरब ओख्‍ती मसुप्‍शो शोब्‍ले सेल्‍पाइक्‍चा माल्‍नेवे।

प्रस्‍थान 29:33

मेको ङोंइती आन पाप क्‍याम्‍चा कली चढ़ेशो थोव़क आंम कली परमप्रभु यावे कली ला गेय पाइब दुम्‍चा, दे जचा माल्‍नीम। तन्‍न अरुमी मेको जचा मदुम्‍नीम। मारदे हना मेको परमप्रभु यावे के बाक्‍ब। लेवी १०:१७

प्रस्‍थान 6:23

मिनु हारूनम नहशोन आ समी अम्‍मीनादाब आ तमी एली-शेबा चाक्‍गा बाक्‍त। मेकोमी नादाब, अबीहु, एलाजर नु इथामार थिमाक्‍त। प्रस्‍थान २८:१

इजीकीएल 44:29

मेकोपुकीम अन्‍न चढ़ेशो, पाप आ पर्बम चढ़ेशो नु दोस आ पर्बम चढ़ेशो जचा माल्‍नीम। इस्राएलम परमप्रभु यावे कली गेचा माल्‍शो थोव़क नेल्‍ल मेको आन के दुम्‍ब। गन्‍ती १८:१४

लेवी 10:13

गेपुकीम मेको कली चोव़खो बाक्‍तीकेमी जने। मारदे हना परमप्रभु यावे कली मीम चोशा चढ़ेशो चढ़ेतीक रे मेको गे नु इ तौ इन भाग बाक्‍ब। आं कली मोदें अरेशो बाक्‍ब। लेवी २:३

लेवी 21:22

मेकोमी आंम परमप्रभु कली चढ़ेशो नु चोव़खो नु थम चोव़खो जचा थोव़क चहिं जने ब्‍वने चाप्‍ब।

लेवी 24:9

मेको शोब्‍ले हारून नु आ तौ चच आन कली बाक्‍नीम। मेकोपुकीमी मेको शोब्‍ले चोव़खो बाक्‍तीकेमी बाक्‍शा जचा माल्‍नीम। मारदे हना मेको शोब्‍ले परमप्रभु यावे कली मीम चोशा चढ़ेशो रे नेल्‍ल क्‍येङा चोव़खो हारून नु आ तौ चच आन भाग बाक्‍ब’ दे अरेवो” देंत।

लेवी 7:9

मिनु चुप्‍लुम चोशो, दिउरेमी क्‍येशो नु तांवाम चोशो चढ़ेशो नेल्‍ले मेको चढ़ेब केन दुम्‍ब। लेवी २:४,५,७

गन्‍ती 3:2

हारून आ तौ आन नें, आ ङोंइती जरमेशो तौ नादाब नु अबीहु, एलाजर नु इथामार बाक्‍तेक्‍म।