लेवी 1:2 - Sunuwar Bible

² गे “इस्राएली आन कली ‘इन दाते ङा सुइम परमप्रभु यावे कली इन बी ब्‍यफ, क्‍यारश भेडा चढ़ेनीनु, आंम इन बगाल रे चढ़ेने।

लेवी 1:2 ပူးပေါင်းရင်းမြစ်များ

उत्पत्ती 4:3

काबु काइनमी आ रू ङा सिश्‍शो मारेइ मारेइ थोव़क परमप्रभु यावे कली चढ़ेवा बाक्‍त। प्रस्‍थान २३:१९

उत्पत्ती 4:5

तन्‍न काइन आ चढ़ेशो मब्रवा बाक्‍त। मिनु काइन आ कुल राव किक्‍पा चुरमाक्‍त। प्रस्‍थान ३३:१९; हिब्रू ११:४

१ इतिहास 16:29

परमप्रभु यावे कली आ नें शिरचा ङा पा मान पने। चढ़ेतीक चाक्‍शा, आ ङोंइती जाक्‍कीन। आंम आन कली परमप्रभु यावे आ ङोंइती ठीक सेल्‍शा मेको कली ठेयब सेलीन।

एज्रा 3:5

मिनु नाक्‍त किंत किंत ङा चोशा चढ़ेतीके, औंसी नाक्‍त ङा चढ़ेतीके नु परमप्रभु यावेमी देंशो चाड ङा चढ़ेतीके चढ़ेम्‍तेक्‍म। सु सुमी आन ग्‍येरशो थुं रे परमप्रभु यावे कली चढ़ेचा दाक्‍तमे, मेको चढ़ेम्‍तेक्‍म।

प्रस्‍थान 20:24

गे आं कली खप के चढ़ेतीके सेल्‍चा माल्‍नीनी। मेको तारी चोशा चढ़ेतीक चढ़ेचा माल्‍नीनी। इन दुशा बाक्‍चा आ पर्बम चढ़ेतीक चढ़ेन। भेडा, ब्‍यफ चढ़ेचा माल्‍नीनी। गो ते ते इन कली आं नें मिम्‍पाइक्‍नुङा, मेक मेक इन कली आसीक गेनुङ। प्रस्‍थान १७:१५; प्रस्‍थान २७:१-८; ब्‍यवस्‍था १२:५

गन्‍ती 15:3

गे कसम जशो खाप्‍चा कली मीम चोशा चढ़ेतीक चढ़ेचा दाक्‍ताक्‍नी हना, यो, चोशा चढ़ेतीके चढ़ेचा दाक्‍तीनी हना यो, क्‍योरशा चढ़ेचा दाक्‍ताक्‍नी हना यो, इन कली देंशो चाडमी ग्‍येरशा परमप्रभु यावे कली चढ़ेचा दाक्‍ताक्‍नी हना यो, गे इन गोठ नु बगाल रे परमप्रभु यावे कली आ दाक्‍शो ब्रोव़शो रिना पाइश्‍शो चढ़ेचा माल्‍नीनी।

गन्‍ती 5:15

मेको वोंइश मुरुमी आ मीश कली चढ़ेब आ बाक्‍तीके चाक्‍चा माल्‍ब। मिनु मेको आ मीश आ पर्बम एफाह का ङा १० भाग ङा भाग का क्‍योव़ज फस चाक्‍चा माल्‍ब। मेको आ तारी तेल लुक्‍चा नु धूप वोइक्‍चा मदुम्‍ब। मारदे हना मेको रुश पशो आ पर्बम अन्‍न चढ़ेतीक बाक्‍ब। मेको अन्‍न चढ़ेतीक मरिम्‍शो पशो मिम्‍चा कली बाक्‍ब। एफाह का २२ लिटर ङा पुक्‍तीक बाक्‍ब।

गन्‍ती 7:15

चोशा चढ़ेचा कली ब्‍यफ का, सांड का नु बर्स का गाप्‍शो पाठा का चाक्‍तु।

मर्कूस 7:11

गेपुकीमी चहिं सुमी आम आफ आस कली ‘इन कली गेचा माल्‍शो थोव़क लाइश्‍शा, कुरबन कली गेता’ दे माइक्‍बा, मेकोमी आम आफ आस कली मारेइ गेचा ममाल्‍ब दे शेंनीनी। ‘कुरबन गेता’ देंशो चहिं ‘परमप्रभु कली गेता’ देंशो रुम्‍सीब।

रोमी 12:1

आं लोक्‍बपुकी, इन कली मुल यो शुश शेंचा दाक्‍ताक्‍ङ। परमप्रभु यावेमी इन कली शिशी पा आ मुर सेल्‍तु। मोपतीके आ मुर दुम्‍शा, इन रां, थुं, गिंम नेल्‍ल, सेसीन परमप्रभु यावे आ दाक्‍शो चढ़ेतीक खोदेंशो पा जिम्‍मा गेंसीन। मेको इन परमप्रभु यावे कली रिम्‍शो पशो गेय बाक्‍ब। रोमी ६:१३

रोमी 12:6

गोपुकीमी परमप्रभु यावे आ शिशी पा गेशो गेय का का पय। परमप्रभु यावेमी इ कली आ लोव़ तुइक्‍पाइश्‍शा नेंपाइक्‍ब योव़तु हना, थमा सुइश्‍शा मेको लोव़ नेंपतो। १कोरिन्‍थी ४:७; १कोरिन्‍थी १२:४; १पत्रुस ४:१०

एफिसी 5:2

मिनु येसु ख्रीस्‍तमी इं कली दाक्‍शो खोदेंशो पा दाक्‍मुने। मेकोमी दोपा दाक्‍ताक्‍व देंशा हना, आंम कली ममिम्‍थु, ब्रोव़शो रिना पाइश्‍शो धूप नु क्‍योरशा चढ़ेशो खोदेंशो पा, इं पाप क्‍याम्‍चा कली बेक्‍शा, परमप्रभु यावे कली जिम्‍मा गेंसाक्‍व।