लेवी 1:17 - Sunuwar Bible

¹⁷ मेकोमी मेको कली मचेक्‍थु, फ्रां आस दाते रे चेत्‍चा माल्‍ब। मिनु चढ़ेबमी चढ़ेतीक ङा मी तार ङा शीम मेको चोचा माल्‍ब। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब।

लेवी 1:17 ပူးပေါင်းရင်းမြစ်များ

उत्पत्ती 15:10

मिनु अब्राममी मेको नेल्‍ल चाक्‍शा क्‍योरशा, फेके पा रिक्‍शा, फेके का एर गे, फेके का ओंथ गे पा वोदा बाक्‍त। ढुकुर नु परवा चहिं फेके मसेला बाक्‍त, येरमीया ३४:१८-१९

उत्पत्ती 8:21

मिनु परमप्रभु यावेमी मेको ब्रोव़शो रिना नाम्‍शा, ग्‍येरसे बाक्‍त। आ थुंमी “मुरुम मरिम्‍शो पतीकेम खप कली मुल सराप गेनायो मपाइनुङ। मुर आ थुं मरिम्‍शो बाक्‍त हना यो, गेनायो सराप मपाइनुङ। गो ब्रोंइशा बाक्‍ब नेल्‍ल आन कली साइश्‍शा क्‍याम्‍ताक्‍ङ। मोदेंशो गेनायो लेंशा मपाइनुङ। उत्‍पत्ती ६:५; अय्‍युब १४:४; भजन संग्रह १४:३; मत्ती १५:१९; रोमी ३:२३

भजन संग्रह 16:10

मारदे हना गे आं कली बेक्‍चा मगेनीनी। इन योव़शो कली राक्‍चा मगेनीनी। प्रेरित १३:३५

लेवी 1:13

मेकोमी मेको आ गा क्‍यी नु खोइली चहिं ब्‍वाक्‍कुम मुरचा माल्‍नीम। मिनु चढ़ेबपुकीमी मेको नेल्‍ल कली चढ़ेतीकेमी चोचा माल्‍नीम। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब।

लेवी 2:2

मिनु मेकोमी मेको चढ़ेब हारून आ तौ आन बाक्‍तीके चाक्‍चा माल्‍ब। मिनु चढ़ेबमी मेको तेल नु धूप ब्‍वाइश्‍शो रिम्‍शो फस मुठी का हुइश्‍शा, मीम चोचा माल्‍ब। मिनु मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब।

लेवी 3:5

मिनु हारून आ तौपुकीमी मेको नेल्‍ल कली चढ़ेतीके ङा मी तार ङा शीम वोइश्‍शा, चोचा माल्‍नीम। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीक बाक्‍ब।

लेवी 5:8

मेकोमी मेको चढ़ेब आन बाक्‍तीक चाक्‍चा माल्‍नीम। मिनु चढ़ेबमी का कली पाप आ पर्बम ङोंइती चढ़ेचा माल्‍ब। मिनु मेको कली आ शुर रोप्‍चा माल्‍ब। तन्‍न मेको कली प्रोइक्‍चा मदुम्‍ब।

लेवी 6:14

एको अन्‍न चढ़ेतीक आ पर्बम अरेशो लोव़ बाक्‍ब। हारून आ तौपुकीमी परमप्रभु यावे आ ङोंइती चढ़ेतीक आ नेक्‍था चाक्‍चा माल्‍नीम।

लेवी 8:21

मेकोमी गा क्‍यी नु फिला मुरतु। मोपा मोसामी मेको सांड नेल्‍ल चढ़ेतीकेमी चोप्‍तु। मेको परमप्रभु यावे कली ब्रोव़शो रिना पाइश्‍शो मीम चोशा चढ़ेशो बाक्‍त। मिनु परमप्रभु यावेमी मोसा कली दोदेंशो पा अरेवा, मोदेंशो पा पाप्‍तु।

लेवी 9:13

मिनु मेकोपुकीमी मेको चोशा चढ़ेतीके टुक्रा टुक्रा पा चेक्‍शा, पिया सुन्‍दा चाक्‍शा, मेको कली गेम्‍तेक्‍म। मिनु हारूनमी मेको चढ़ेतीकेमी चोप्‍तु।

गन्‍ती 15:3

गे कसम जशो खाप्‍चा कली मीम चोशा चढ़ेतीक चढ़ेचा दाक्‍ताक्‍नी हना, यो, चोशा चढ़ेतीके चढ़ेचा दाक्‍तीनी हना यो, क्‍योरशा चढ़ेचा दाक्‍ताक्‍नी हना यो, इन कली देंशो चाडमी ग्‍येरशा परमप्रभु यावे कली चढ़ेचा दाक्‍ताक्‍नी हना यो, गे इन गोठ नु बगाल रे परमप्रभु यावे कली आ दाक्‍शो ब्रोव़शो रिना पाइश्‍शो चढ़ेचा माल्‍नीनी।

गन्‍ती 28:8

मेको अर्को पाठा नां रिक्‍चावानु, चढ़ेचा माल्‍नीनी। मेको नु सुनी ङा खोदेंशो पा अन्‍न चढ़ेतीके नु तूचा थोव़क चढ़ेतीके चढ़ेचा माल्‍नीनी। एको परमप्रभु यावे कली मीम चोशा चढ़ेशो आ दाक्‍शो ब्रोव़शो रिना पाइश्‍शो चढ़ेतीके बाक्‍ब।

मत्ती 27:50

मिनु येसुमी लेंशा वाइ ब्रेश्‍शा, आ सोक्‍त प्रोना बाक्‍त।

यूहन्‍ना 19:30

मिनु येसुमी युप्‍शा “मुल थुम्‍ता” देंत। मिनु आ पिया खुक्‍शा बेक्‍त।

रोमी 4:25

येसु ख्रीस्‍त इं पाप क्‍याम्‍चा कली साइक्‍चा पुंइसाक्‍व। मिनु इं कली ठीक दुम्‍पाइक्‍चा कलीन बेक्‍शो रे सेंचा पुंइसाक्‍व। रोमी ८:३२-३४; यसैया ५३:४-६

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।