लेवी 1:13 - Sunuwar Bible

¹³ मेकोमी मेको आ गा क्‍यी नु खोइली चहिं ब्‍वाक्‍कुम मुरचा माल्‍नीम। मिनु चढ़ेबपुकीमी मेको नेल्‍ल कली चढ़ेतीकेमी चोचा माल्‍नीम। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब।

लेवी 1:13 ပူးပေါင်းရင်းမြစ်များ

उत्पत्ती 8:21

मिनु परमप्रभु यावेमी मेको ब्रोव़शो रिना नाम्‍शा, ग्‍येरसे बाक्‍त। आ थुंमी “मुरुम मरिम्‍शो पतीकेम खप कली मुल सराप गेनायो मपाइनुङ। मुर आ थुं मरिम्‍शो बाक्‍त हना यो, गेनायो सराप मपाइनुङ। गो ब्रोंइशा बाक्‍ब नेल्‍ल आन कली साइश्‍शा क्‍याम्‍ताक्‍ङ। मोदेंशो गेनायो लेंशा मपाइनुङ। उत्‍पत्ती ६:५; अय्‍युब १४:४; भजन संग्रह १४:३; मत्ती १५:१९; रोमी ३:२३

२ इतिहास 4:6

मिनु सोलोमनम चिनु तेम्‍शा १० ओटा आइक्‍च कांसा के चिक्‍तीक बोस सेल्‍पदा बाक्‍त। मिनु मेको के ५ ओटा दोम्‍ली आ ग्‍युरा गे नु ५ ओटा आ पेरा गे वोइक्‍पाइक्‍मी बाक्‍त। मिनु चोशा चढ़ेचा कली मार मार मुरचा माल्‍तेक्‍म हना, मेकेर मुरबाक्‍मा बाक्‍त। मेको दोम्‍ली चहिं चढ़ेब आन चिक्‍तीक बाक्‍माक्‍त।

इजीकीएल 40:38

पिंडी आ नेक्‍था लाप्‍चो पाइश्‍शो कोठा का बाक्‍त। मेकेर चोशा चढ़ेतीक ब्‍वाक्‍कुम मुरबाक्‍तेक्‍म।

लेवी 1:9

मेकोमी मेको आ गा क्‍यी नु खोइली चहिं ब्‍वाक्‍कुम मुरचा माल्‍नीम। मिनु चढ़ेबपुकीमी मेको नेल्‍ल कली चढ़ेतीकेमी चोचा माल्‍नीम। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब। उत्‍पत्ती ८:२१; प्रस्‍थान २९:१८

लेवी 2:11

गेपुकीमी परमप्रभु यावे कली अन्‍न चढ़ेतीकेमी गेनायो बोरब ओख्‍ती सुप्‍चा मदुम्‍ब। परमप्रभु यावे कली मीम चोशा चढ़ेतीकेमी बोरब ओख्‍ती नु खुदो गेनायो चोचा मदुम्‍ब।

लेवी 2:2

मिनु मेकोमी मेको चढ़ेब हारून आ तौ आन बाक्‍तीके चाक्‍चा माल्‍ब। मिनु चढ़ेबमी मेको तेल नु धूप ब्‍वाइश्‍शो रिम्‍शो फस मुठी का हुइश्‍शा, मीम चोचा माल्‍ब। मिनु मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीके बाक्‍ब।

लेवी 3:5

मिनु हारून आ तौपुकीमी मेको नेल्‍ल कली चढ़ेतीके ङा मी तार ङा शीम वोइश्‍शा, चोचा माल्‍नीम। मेको परमप्रभु यावे कली आ दाक्‍शो ब्रोव़शो रिना पाइश्‍शो मीम चोशा चढ़ेतीक बाक्‍ब।

लेवी 4:31

मेकोमी आ बोंसो नेल्‍ल दुशा बाक्‍चा आ पर्बम चढ़ेशो आ बोंसो खोदेंशो पा शोल्‍चा माल्‍ब। मिनु चढ़ेबमी मेको चढ़ेतीकेमी चोशा परमप्रभु यावे आ दाक्‍शो ब्रोव़शो रिना पाइक्‍चा कली चोचा माल्‍ब। मोपा चढ़ेबमी मेको आ पाप आ पर्बम पाप क्‍याम्‍तीक गेय पाइब। मिनु मेको माफ ताइब। लेवी ३:१४-१५

लेवी 6:14

एको अन्‍न चढ़ेतीक आ पर्बम अरेशो लोव़ बाक्‍ब। हारून आ तौपुकीमी परमप्रभु यावे आ ङोंइती चढ़ेतीक आ नेक्‍था चाक्‍चा माल्‍नीम।

लेवी 8:21

मेकोमी गा क्‍यी नु फिला मुरतु। मोपा मोसामी मेको सांड नेल्‍ल चढ़ेतीकेमी चोप्‍तु। मेको परमप्रभु यावे कली ब्रोव़शो रिना पाइश्‍शो मीम चोशा चढ़ेशो बाक्‍त। मिनु परमप्रभु यावेमी मोसा कली दोदेंशो पा अरेवा, मोदेंशो पा पाप्‍तु।

गन्‍ती 15:3

गे कसम जशो खाप्‍चा कली मीम चोशा चढ़ेतीक चढ़ेचा दाक्‍ताक्‍नी हना, यो, चोशा चढ़ेतीके चढ़ेचा दाक्‍तीनी हना यो, क्‍योरशा चढ़ेचा दाक्‍ताक्‍नी हना यो, इन कली देंशो चाडमी ग्‍येरशा परमप्रभु यावे कली चढ़ेचा दाक्‍ताक्‍नी हना यो, गे इन गोठ नु बगाल रे परमप्रभु यावे कली आ दाक्‍शो ब्रोव़शो रिना पाइश्‍शो चढ़ेचा माल्‍नीनी।

गन्‍ती 15:4

मिनु सुमी परमप्रभु यावे कली चढ़ेबा, मेकोमी अन्‍न चढ़ेतीके यो चढ़ेचा माल्‍ब। मेको अन्‍न चढ़ेतीक एफाह का ङा १० भाग ङा भाग का रिम्‍शो फस, हिन का ङा ४ भाग ङा भाग का तेल ब्‍वाइश्‍शा, चढ़ेचा माल्‍नीनी। एफाह का २२ लिटर पुक्‍तीके बाक्‍ब। हिन का ४ लिटर खोदेंशो बाक्‍ब। लेवी २:-; गन्‍ती २८:५

गन्‍ती 28:11

मिनु गे नेल्‍ल महिना ङा ङोंइती ङा नाक्‍त परमप्रभु यावे कली चोशा चढ़ेतीके चढ़ेचा माल्‍नीनी। मेको ब्‍यफ निक्‍शी, सांड का नु ७ ओटा मारेइ मदुम्‍शो थम रिम्‍शो बर्स का का गाप्‍शो पाठा चढ़ेचा माल्‍नीनी। गन्‍ती १०:१०; इजीकीएल ४६:१,३,६; यसैया १:१३

गन्‍ती 28:8

मेको अर्को पाठा नां रिक्‍चावानु, चढ़ेचा माल्‍नीनी। मेको नु सुनी ङा खोदेंशो पा अन्‍न चढ़ेतीके नु तूचा थोव़क चढ़ेतीके चढ़ेचा माल्‍नीनी। एको परमप्रभु यावे कली मीम चोशा चढ़ेशो आ दाक्‍शो ब्रोव़शो रिना पाइश्‍शो चढ़ेतीके बाक्‍ब।

ब्‍यवस्‍था 12:27

मिनु इन चोशा चढ़ेशो श्‍ये नु मेको आ हुश परमप्रभु यावे, इन परमप्रभु कली चढ़ेतीकेम चढ़ेचा माल्‍नीनी। इन क्‍योरशा चढ़ेशो आ हुश परमप्रभु यावे, इन परमप्रभु कली चढ़ेतीके आ पुंम जारचा माल्‍नीनी। मेको आ श्‍ये गे ब्‍वने चाप्‍नीनी। ब्‍यवस्‍था १२:६