बिलाप 5:5 - Sunuwar Bible

⁵ गोपुकी जुवा लाप्‍शो खोदेंशो पा आंइ कली खेदा पाइनीम। गोपुकी दशो बाक्‍नीकी। तन्‍न नाइक्‍चा मताइ‍नीकी। प्रस्‍थान २०:५; येरमीया ३१:२९

बिलाप 5:5 ပူးပေါင်းရင်းမြစ်များ

येरमीया 27:2

परमप्रभु यावेमी मार लोव़ पाप्‍तु देंशा हना “कुशुल के डोरी नु थरपु ङा शी के जुवा का सेलो। मिनु मेको इ शुरम लाम्‍सो। येरमीया २८:१०

येरमीया 27:8

तन्‍न तेकोइ रागी तेकोइ राज्‍य नु पिपम बेबीलोन ङा पिप नेबुकदनेसर आ वाइल दुम्‍चा नु मेको आ जुवा आन शुरम वोइक्‍ने मबिस्‍साक्‍म हना, गो मेको रागी ङा मुर आन कली तरवार, अन्‍काल नु मुर बेक्‍तीक रोइम सजाइ गेनुङमी। गो मेको आन कली मसाइक्‍पदुमी सम्‍म मो पाइनुङ’ दे परमप्रभु यावेम देंत।

येरमीया 28:14

मिनु मुर नेल्‍ल आन परमप्रभु यावे, इस्राएली आन परमप्रभुमी “बेबीलोन ङा पिप नेबुकदनेसर आ वाइलीम वाइल दुम्‍पाइक्‍चा कली गो रागी नेल्‍ल ङा मुर नेल्‍ल आन शुरम फलाम के जुवा लाप्‍नुङमी। थमा पा, मेको आ वाइलीम वाइल दुम्‍नीम। गो ब्‍वाकी ङा जन्‍तु आन कली यो आ सासनमी गेतामी, देंशो बाक्‍ब, देनो” देंत। ब्‍यवस्‍था २८:४८; येरमीया २७:६

येरमीया 51:58

मुर नेल्‍ल आन परमप्रभु यावेम “बेबीलोन ङा ब्रेम्‍शो गारो दिंम दुम्‍ब। मिनु मेको आ लाइश्‍शो ठेयब लाप्‍चोपुकी मीम नेक्‍ब। मुरपुकी मोशा गेय पाइनीम। रागी रागी ङा मुर आन श्‍येत पा पशो गेय नेल्‍ल मी कली ला दुम्‍ब” दे परमप्रभु यावेमी देंत। हबकुक २:१३

बिलाप 1:14

मेकोमी आं हेंथे पतीके जुवा खोदेंशो सेल्‍तु। मिनु मेको आ गुइमी फ्रेंसाक्‍व। मेको आं बला तारी शुश हेल्‍शो बाक्‍ब। मोपा आं बोल ग्‍युम्‍त। मिनु परमप्रभुमी आं कली आं ग्राने मचाप्‍चा ङा मुर आन गुइमी गेती।

बिलाप 1:3

यहूदा श्‍येत जशा, ग्‍याइश्‍शा लाइक्‍चा पुंइसाक्‍व। मुल श्‍येत पा गेय पाइब दुम्‍त। मुल मेको रागी रागी ङा मुर आन दातेमी बाक्‍ब। नाइक्‍चा कली बाक्‍तीक मबा। आ कली खेदा पाइबपुकीमी मेको कली श्‍येतमी ग्‍याइश्‍शा लाइक्‍तेक्‍म।

बिलाप 4:19

आंइ कली खेदा पाइबपुकी सरीङम बेरब ककाकुली क्‍येङा यो रीब पा जाक्‍तेक्‍म। मेकोपुकीमी आंइ कली पहाडम खेदा पाम्‍तेक्‍म। गोरशो रागीमी बाप्‍शा बाक्‍तेक्‍म।

मीका 2:3

मोपतीके परमप्रभु यावेमी मार देंत देंशा हना “गो मेको आन खिं ङा मुर आन कली श्‍येत गेनुङ। मेको रे आंम कली प्रोंइने मचाप्‍नीम। ठेयब लेश्‍शा गाक्‍ने मचाप्‍नीम। मारदे हना मेको थम श्‍येत जतीक नाक्‍त बाक्‍ब। आमोस ५:१३

मत्ती 11:29

आं जवा लाम्‍सीशा, गो नु शेंसीने। मारदे हना गो शिशी पाइब नु ब्रेम्‍शो थुं ङा नङ। मिनु गे इन थुं नाइक्‍चा ताइनीनी। यसैया २८:१२; येरमीया ६:१६

प्रेरित 15:10

परमप्रभु यावेमी मेको आन कली रिम्‍शो सेल्‍तु, दे तुइश्‍शा, इं किकी पिपीमी लाइ यो कुरने मचाप्‍चा ङा भारी मेको आन कली कुरपाइक्‍चा दुम्‍बा ङा? परमप्रभु क्‍येङा लाक्‍शा जोक्‍ब तुइक्‍ब दुम्‍चा शिरबा ङा? मत्ती २३:४; गलाती ५:१

ब्‍यवस्‍था 28:48

मोपतीके परमप्रभु यावेमी इन कली जोरी सत्रु सोइक्‍ब। गेपुकी शोव़लु बेक्‍शा नु तूतू दाक्‍ना दाक्‍न, फेक्‍चा मतथु नु मारेइ मगाप्‍शो दुम्‍शा, मेको आन गेय पचा माल्‍नीनी। मिनु मेकोमी इन कली मक्‍याम्‍दमे सम्‍म फलम के हलो इन तारी वोइक्‍नीम। येरमीया २८:१३-१४