बिलाप 5:20 - Sunuwar Bible

²⁰ गे मारदे आंइ कली प्रेंदी‍नी? गे मारदे आंइ कली इश ङा नाक्‍त सम्‍म प्रोंइनी?

बिलाप 5:20 ပူးပေါင်းရင်းမြစ်များ

भजन संग्रह 13:1

परमप्रभु यावे, आं कली गेना सम्‍म प्रेंनीनी? गेना सम्‍म इन कुल ख्रुइक्‍नीनी? भजन संग्रह ७७:८; हाबाकुक १:२

भजन संग्रह 13:2

गो गेना सम्‍म सुर्ता पा, नाक्‍त किंत किंत आं थुं खाइश्‍शा बाक्‍चा माल्‍नुङा? आं जोरी सत्रु गेना सम्‍म आं क्‍येङा बोल्‍यो बाक्‍नीमी?

भजन संग्रह 42:10

आं कली दिप्‍बपुकीमी आं रुश जिक्‍शो खोदेंशो पा शुक्‍शी पाइनीम। मिनु मेकोपुकीमी गेना हना यो “इ परमप्रभु ते बाक्‍मे” दे शुक्‍शी पा, हिल्‍लो पस ङा पस बाक्‍नीम।

भजन संग्रह 44:24

गे मारदे इन कुल ख्रुइक्‍नीनी? मिनु आंइ श्‍येत नु आंइ कली दिप्‍शो प्रेंनीनी?

भजन संग्रह 74:1

परमप्रभु, गे मारदे आंइ कली मदाक्‍थु, गेना हना यो प्रोंइनीनी? इन भेडा आन कली तशा मारदे गाइक्‍नीनी?

भजन संग्रह 79:5

परमप्रभु यावे, गे गेना सम्‍म गाइक्‍स ङा गाइक्‍स बाक्‍नीनी? इन गेहे पतीके गेना सम्‍म मी खोदेंशो पा ब्रस ङा ब्रस बाक्‍बा?

भजन संग्रह 85:5

मार, गे गेना हना यो गोपुकी नु गाइक्‍स ङा गाइक्‍स बाक्‍नीनी? गे गोपुकी नु आंइ चच युइ आन पाला सम्‍म गाइक्‍स ङा गाइक्‍स बाक्‍नीनी?

भजन संग्रह 89:46

परमप्रभु यावे, गे गेना सम्‍म ख्रुइश्‍शा बाक्‍नीनी? इन गाइक्‍चा गेना सम्‍म मी खोदेंशो पा ब्राइबा?

यसैया 49:14

तन्‍न सियोनमी “आं परमप्रभु यावे, परमप्रभुम आं कली प्रोंइशा प्रेंताक्‍यी” देंत।

यसैया 62:6

यरूसलेम, गो इ गारो तार खाल पाइब मुर वोइक्‍ता। मेकोपुकी नाक्‍दो नाक्‍ती सिक्‍सी पा मबाक्‍नीम। परमप्रभु यावे कली मिम्‍पाइक्‍बपुकी, मनांइसीन” देंत। यसैया ५२:८

येरमीया 14:9

गे मारदे इन थुं ग्‍येत्‍थ लुक्‍च दुम्‍शा बाक्‍शो मुर खोदेंशो दुम्‍नीनी? मारदे प्रोंइने मचाप्‍ब सक्ति मबाक्‍शो लडाइ पाइब खोदेंशो दुम्‍नीनी? परमप्रभु यावे, गे आंइ दातेम बाक्‍शो बाक्‍नीनी। गो इन नेंमी ब्रेत्‍‍चा पुंइसीशो बाक्‍नीकी। आंइ कली मप्रोनीन” देंनीम। येरमीया १५:१६; यसैया ४३:७