बिलाप 5:16 - Sunuwar Bible

¹⁶ सिरपेच आंइ पिया रे दोक्‍त। आबी, गो पाप पाइतक। येरमीया १३:१८

बिलाप 5:16 ပူးပေါင်းရင်းမြစ်များ

अय्‍युब 19:9

मेकोमी आं मान ततीक रोइक्‍ताक्‍यी। आं पिया रे आं सिरपेच पुइक्‍तु।

भजन संग्रह 89:39

गे इन गेय पाइब नु पशो कबल प्रोंइशो बाक्‍तीनी। गे मेको आ सिरपेच खपीम ताइश्‍शा, ग्रांग्रा दिशो सेल्‍तीनी।

हितोपदेस 14:34

रागीम ठीक पाइब शुश बाक्‍तेक्‍म हना, मेकोपुकीम मेको रागी ठेयब नु रिम्‍शो सेल्‍नीम। तन्‍न मरिम्‍शो पाइब शुश बाक्‍तेक्‍म हना, मेको रागी कली महिक्‍सीशो सेल्‍नीम।

हितोपदेस 27:24

मारदे हना शोंप गेना हना यो मलीब। सिरपेच यो नेल्‍ल पाला कली मलीब।

यसैया 3:8

मिनु यरूसलेम दाइल पांइसीशा गोल्‍त। यहूदा खतम दुम्त। मारदे हना मेकेर ङा मुर आन लोव़ नु आन पतीके परमप्रभु यावे कली काइ मगारचा ङा बाक्‍त। परमप्रभु आंमा मेको आन दातेमी बाक्‍शा यो, मेकोपुकीम महिंथु मरिम्‍शो पना पन बाक्‍नीम।

येरमीया 13:18

पिप नु पिप आ ममा आस कली ‘इन नित्‍तीक रे उइ तोंइ‍सीन। मारदे हना इन पिया रे इन ठेयब दुम्‍तीक सिरपेच दोक्‍ब’ माइक्‍सी” देंत। २राजा २४:१-१६; यसैया ६२:३; बिलाप ५:१६

येरमीया 2:17

इन कली लां कोंइब, इन परमप्रभु यावे कली प्रोंइशा, गे मोदेंशो श्‍येत आंमा इन कली मचाक्‍नी ङा?

येरमीया 2:19

इन परमप्रभु यावे आ अरेशो लोव़ मटि‍तीकेमी इन कली सजाइ गेब। इन प्रोंइशोमी इन कली हुइक्‍ब। गेपुकीम इन परमप्रभु यावे कली प्रोंइशो थम मरिम्‍शो नु इन थुं कशो दुम्‍शो बाक्‍ब, दे तुइक्‍तीन। मिनु आं कली मान पा हिंतीके गे नु मबाक्‍ब” दे परमप्रभु, मुर नेल्‍ल आन परमप्रभु यावेमी देंत।

येरमीया 32:23

मिनु मेकोपुकी ओव़शा, मेको रागी आन के सेल्‍‍तेक्‍म। तन्‍न मेकोपुकीमी इन देंशो, इन अरेशो नु मार पचा माल्‍बा शेंशो मबिस्‍सम। गे मेको आन कली पन देंशा शेंशो लोव़ मेकोपुकीमी मटीमे। मोपतीके गे एको ठेयब श्‍‍येत नेल्‍ल मेको आन तार चाक्‍तीनी।

येरमीया 4:18

मिनु परमप्रभु यावेमी “इ दूली लां गाक्‍तीके नु इ पतीके इ कली मोदेंशो दुम्‍शो बाक्‍त। इ सजाइ मेकोन बाक्‍ब। मेको शुश कशो बाक्‍ब। मिनु मेकोमी इ थुं खाइक्‍पाइक्‍तु” देंत।

बिलाप 1:1

मेको सहरम गिश श्‍येत्‍थ दुम्‍मे। ङोंइती मेकेर शुश मुर बाक्‍तेक्‍म। मेको आ वोंइश बेक्‍शो मीश मुर खोदेंशो दुम्‍त। मेको ङोंइती रागी रागी आन दातेमी ठेयब बाक्‍त। मेको रागी पिप आ तमी खोदेंशो बाक्‍त। मुल मेको सहर वाइल खोदेंशो दुम्‍त। येरमीया ५१:५

बिलाप 1:18

परमप्रभु यावे ठीक पाइब बाक्‍ब। मारदे हना गो आ लोव़ काइ मटीब दुम्‍ती। तन्‍न गे जात जात ङा मुर नेल्‍ल नेनीन। आं श्‍येत कोव़ङीन। आं मीश आल नु ठिटा वोंइश आल नेल्‍ल ग्‍याइश्‍शा लाइक्‍चा पुंइसाक्‍म। येरमीया ३:४२; येरमीया ५:१६

बिलाप 1:20

“परमप्रभु यावे कोव़ङीन, गो शुश श्‍येत जाता। गो इन देंशो मटीब दुम्‍‍तीके आं थुं चोती। आं थुं साप्‍पा सेक्‍बेर पाइब। लाङगाम तरवारमी साइक्‍ब। मिनु खिं आगाम बेक्‍तीक बाक्‍ब।

बिलाप 1:8

यरूसलेममी ठेयब पाप पाप्‍तु। मोपतीके मेको शुक्‍शी पाइक्‍चा पुंइसाक्‍व। ङोंइती मेको कली मान पाइब नेल्‍ले मुल महिक्‍नीम। मारदे हना मेकोपुकीमी मेको कली शिश्रा ताम्‍तेक्‍म। मेको आंमान हुकयी पा आ कुल ख्रुइक्‍ब।

बिलाप 2:1

परमप्रभु गाइश्‍शा, सियोन आ तमी कली मुने तोक्‍तु। इस्राएल आ दारस कली सरीङ रे पा रागीमी तोक्‍तु। आ गाइश्‍शो नाक्‍ती आंम खोइल वोइक्‍तीक सियोन कली यो प्रेंताक्‍व। भजन संग्रह १३२:७-८

बिलाप 4:13

परमप्रभु यावे आ लोव़ पाइब आन पाप नु चढ़ेब आन मरिम्‍शो पशो आन पर्बम मो दुम्‍शो बाक्‍त। मेकोपुकीमी सहर आ दातेम ठीक पाइब मुर आन कली हुश ख्राक्‍श पोक्‍‍तेक्‍म।

इजीकीएल 21:26

मेको आ पिया रे गुप्‍तीक पुतीन। मेको आ सिरपेच पुतीन। मुल दुम्‍शो खोदेंशो पा, लेंशा मदुम्‍ब। आइक्‍च आन कली ठेयब सेलीन। मिनु ठेयब आन कली आइक्‍च सेलीन। प्रस्‍थान २८:४; लूका १८:१४

मीका 6:13

मोपतीके गो इ कली खतम पोक्‍चा गोशो बाक्‍नुङ। गो इ कली इ पाप आ पर्बम श्‍येत्‍थ पोक्‍नुङ।

प्रकाश 2:10

मिनु मुल इन कली श्‍येत दुम्‍चाप्‍तु। तन्‍न महिनीने। नेनीन, मुल दियाबलस सैतानमी गे का निक्‍शी इन कली थुं थाम्‍चा कली जेल्‍खानम चोक्‍पाइक्‍ब। गे १० नाक्‍त सम्‍म ला श्‍येत जाइनीनी। साइक्‍चाम्‍तेक्‍म हना यो, फाल्‍शा थमा सुइक्‍चा मप्रोनीन। मो पाइतीनी हना, गो इन कली गेना हना यो ब्रोंइशा बाक्‍तीक सिरपेच गेनुङ। मत्ती १०:१९,२८; प्रकाश ३:११; २तिमोथी ४:८

प्रकाश 3:11

मिनु गो फ्रा लेश्‍शा यीनुङ। थमा सुइक्‍चा मप्रोनीन। मोपा बाक्‍तीनी हना, सुइमी इन सिरपेच रोइक्‍ने मचाप्‍नीम। प्रकाश २:१०

१ सामुएल 7:6

मिनु मेकोपुकी मिस्‍पाम बुक्‍‍मा बाक्‍त। मिनु ब्‍वाक्‍कु चाक्‍शा, परमप्रभु यावे आ ङोंइती मोदमे बाक्‍त। मिनु मेको नाक्‍ती माइजा बाक्‍शा, मेकोपुकीमी “गो परमप्रभु यावे आ ङोंइती पाप पाइतक” देंमा बाक्‍त। मिनु सामुएलम इस्राएली आन कली मिस्‍पा सहरम ब्रेश्‍शा निसाफ पवा बाक्‍त। २सामुएल २३:१६