बिलाप 5:13 - Sunuwar Bible

¹³ ठिटापुकीमी श्‍येत पा यात हिल्‍चा माल्‍नीम। वोंइश आलपुकीमी शी कुरशा गोल्‍चा चिक्‍शा गाक्‍नीम।

बिलाप 5:13 ပူးပေါင်းရင်းမြစ်များ

अय्‍युब 31:10

आं मीश अरु मुर आन वाइलीम दुम्‍शा लल। मिनु अरु मुर मेको नु इम्‍मल। २सामुएल १२:३२

प्रस्‍थान 1:11

मोपतीके मेकोपुकीमी इस्राएली आन कली श्‍येत गेशा, गेय पपाइक्‍चा कली कोव़ब ठेयब मुरपुकी वोदमे बाक्‍त। मिनु इस्राएलीपुकीमी फाराओ माइश्‍शो पिप आ मार मार वोइक्‍चा कली पिथोम नु रामे‍सेस सहर निक्‍शी सेल्‍मे बाक्‍त। उत्‍पत्ती १५:१३; उत्‍पत्ती ४७:११

प्रस्‍थान 11:5

इजीप्‍त रागीमी सु सु ङोंइती जरमेशो बाक्‍मा, मेको बेक्‍चा माल्‍नीम। फाराओ आ नोले सासन पाइब ङोंइती जरमेशो तौ रे नेल्‍ल क्‍येङा आइक्‍च यात हिल्‍ब मीश मुर आन ङोंइती जरमेशो तौ सम्‍म नेल्‍ल बेक्‍चा माल्‍नीम। बस्‍तु भाव आन के यो ङोंइती जरमेशो बेक्‍चा माल्‍नीम। प्रस्‍थान ४:२३

प्रस्‍थान 2:11

मिनु नोले मोसा ठेयब दुम्‍शा, आ लोक्‍ब आन कली ग्रुम्‍थ लशा, आन श्‍येत जशो ताप्‍तु। मेकोमी इजीप्‍त रागी ङा मुरुमी आ हिब्रू लोक्‍ब का कली तुप्‍शो ताप्‍तु। प्रेरित ७:२३-२९; हिब्रू ११:२४-२७

प्रस्‍थान 23:5

गे नु मदुइब मुर आ गधा आ भारीम चिप्‍शो थित्‍तीनी हना, गे मेको पोक्‍ने मचाप्‍शो मुर ताइतीनी हना, मेको कली महेरदीन। मेको कली वारच पा मेको कली पोक्‍कीन।

यसैया 47:2

फस हिल्‍दो। इ कुल सुम्‍सीशो वा हाक्‍सो। इ गुने ग्‍येत्‍थ क्‍युक्‍सो फिला कोंइशा खोला शोक्‍सो।

यसैया 58:6

आं दाक्‍शो माइजा बाक्‍तीके मार बाक्‍ब, देंशा हना, ठीक निसाफ मतशो आन कली प्रोंइचा नु दिप्‍शा श्‍येत गेचा पुंइसीशो आन जुवा प्रुइक्‍चा बाक्‍ब।

येरमीया 7:18

मेको आन आलपुकीम शी खुप्‍नीम। आन आफपुकीम मी मुइक्‍नीम। मिनु मीश मुरपुकीम सरीङ ङा पिपीम कली बटुक चोचा कली फस नीनीम। अरु देवी देवता आन कली तूचा थोव़क चढ़ेनीम। आं कली गाइक्‍पाइक्‍चा कली मो पाइनीम।

मत्ती 23:4

हेल्‍शो भारी सेल्‍शा, मुर आन कली कुरपाइक्‍नीम। मेकोपुकीम चहिं ब्रेप्‍चो कामी यो नेप्‍शा मगेनीम। मत्ती ११:२८-३०; प्रेरित १५:१०,२८

न्‍यायाधीस 16:21

मिनु पलिस्‍तीपुकीमी मेको कली ग्‍याइश्‍शा, आ मिक्‍च पुक्‍तमे बाक्‍त। मिनु गाजा सहरम चाक्‍गमे बाक्‍त। मिनु कांसा के साङलोमी पाइश्‍शा जेल्‍खानमी यात हिल्‍पदमे बाक्‍त।