बिलाप 4:7 - Sunuwar Bible

⁷ मेकेर पिप आ तौपुकी फुं नु दूध क्‍येङा बुश बाक्‍तेक्‍म। मेको आन रां मानीक हीरा क्‍येङा लल बाक्‍तेक्‍म। मेको आन चां नीर हीरा खोदेंशो बाक्‍तेक्‍म।

बिलाप 4:7 ပူးပေါင်းရင်းမြစ်များ

अय्‍युब 28:16

रुप्‍तीके कली ओफीर ङा सुन, शुश क्येट लाइब ओनीक्‍स नु साफीर माइश्‍शो हीरामी यो ग्‍याप्‍ने मचाप्‍नीम।

अय्‍युब 28:18

ल‍ल मूगा नु टल्‍केब फुल्‍लु आ पर्बम लोव़ पचा ममाल्‍ब। तुइक्‍‍तीक थुं मोती आन क्‍येङा यो शुश क्येट लाइब बाक्‍ब। भजन संग्रह १११:१०; हितोपदेस १:७, ९:१०

भजन संग्रह 144:12

मिनु आंइ तौपुकी कोल्‍मानु, रवा खोदेंशो दुम्‍मल। आंइ तमीपुकी दरवारम बाक्‍शो मुशो थाम खोदेंशो दुम्‍मल।

भजन संग्रह 51:7

गे हिस्सोप के ब्राक्‍सुमी आं पाप क्‍याम्‍दीन। मिनु आं पाप क्‍याम्‍सीशो बाक्‍ब। मिनु आं कली चिक्‍तीनी। मिनु गो फुं क्‍येङा बुश दुम्‍नुङ। प्रस्थान १२:२२-२३; यसैया १:१८

प्रस्‍थान 24:10

मिनु मेकोपुकीमी इस्राएली आन परमप्रभु कली ताम्‍तेक्‍म। आ बाक्‍तीक बास साफीर माइश्‍शो हीरा खोदेंशो दिंम का बाक्‍शो बाक्‍त। मेको हाक्‍शो सरीङ खोदेंशो नीलो बाक्‍‍त। इजीकीएल १:२६

ठेयब कुम्सो 5:10

मिनु १० हजार आन दातेम यो आं दाक्‍शो मुर नेल्‍ल क्‍येङा दारशो नु आ कुल हाक्‍सीशो बाक्‍ब।

ठेयब कुम्सो 5:15

मेको आ खोइल क्‍येख सुन के नित्‍तीक पाइश्‍शो बुश थाम खोदेंशो बाक्‍ब। मेको कोव़शोनु, लेबानोन ङा लाइश्‍शो रवा खोदेंशो पा दारशो बाक्‍ब।

दानीएल 1:15

मिनु १० नाक्‍त जाक्‍दीम्‍मेनु, पिप आ गेशो जचा थोव़क जाइब ठिटा नेल्‍ल आन क्‍येङा दानीएल नु आ वारच रिम्‍शो नु दोम्‍शो तांइसाक्‍म।

लूका 1:15

मारदे हना मेको परमप्रभु आ ङोंइती ठेयब दुम्‍ब। मेकोमी शांबु राकसी मतूब। मेको कोव़जम बाक्‍मेनुन, परमप्रभु यावे आ सोक्‍तीम ब्रीशो बाक्‍ब। न्‍यायाधीस १३:४-५

न्‍यायाधीस 13:5

मारदे हना गे कोव़ज कुरशा, तौ थी‍नेवे। मेको आ चां गेनायो ख्रोइक्‍चा मदुम्‍ब। मारदे हना मेको वोंइश आल जरमेसे चोटीन परमप्रभु कली योव़शो नाजिरी का दुम्‍ब। मिनु मेकोमी इस्राएली आन कली पलिस्‍ती आन गुइ रे प्रोंइचा गोइब” देंमाक्‍त।

न्‍यायाधीस 13:7

तन्‍न मेकोमी आं कली ‘गे कोव़ज कुरशा तौ थीनेवे। मिनु अङगुर शांबु नु अरु दुक्‍तीक मतूङो, मगारचा ङा जचा थोव़क मजावो। मारदे हना मेको आल जरमेसे रे मबेक्‍म सम्‍म परमप्रभु आ योव़शो नाजिरी का दुम्‍ब’ दे माइक्‍ती” देंमाक्‍त।

न्‍यायाधीस 16:17

मोपतीके सिम्‍सोनमी आ ख्रुइश्‍शो थमा लोव़ मेको कली शेंदा बाक्‍त। मेकोमी “मुल सम्‍म आं चां मप्रेक्‍शो बाक्‍ब। मारदे हना गो जरमेसी ङा रे परमप्रभु आ योव़शो नाजिरी का नङ। आं चां प्रेक्‍तेक्‍म हना, आं बोल लाइब। मिनु गो अरु मुर खोदेंशो पा बोल मपाइश्‍शो दुम्‍नुङ” देंमाक्‍त। न्‍यायाधीस १३:५

१ सामुएल 16:12

मोपतीके मेकोमी मेको कली ब्रथ मुर सोइक्‍ता बाक्‍त। मेको लल चोव़चो पाइश्‍शो, दारशो मिक्‍च पाइश्‍शो नु दारशो ठिटा का बाक्‍माक्‍त। मिनु परमप्रभु यावेम सामुएल कली “बोक्‍शा, मेको कली तेल लुक्‍तो। एकोन बाक्‍ब” देंमाक्‍त।