बिलाप 4:2 - Sunuwar Bible

² सियोन आ दाक्‍शो आलपुकी, ङोंइती सुन खोदेंशो मिम्‍शो बाक्‍तेक्‍म। मुल खप के ग्‍योंब खोदेंशो दुम्‍तेक्‍म।

बिलाप 4:2 ပူးပေါင်းရင်းမြစ်များ

यसैया 30:14

दोदेंशो पा मुरुमी खप के ग्‍योंब बोल्‍यो पा प्रोल्‍नीमी, मेको के चुप्‍लु रे मी कोइला गुप्‍चा नु कुवा रे ब्‍वाक्‍कु ताप्‍चा ङा टुक्रा का यो मलीबा, मोदेंशो पा प्रोल्‍चा पुंइसीनीनी” देंत।

यसैया 51:18

मेको आ थिशो आल आन दातेमी, मुर आन कली शेंब सुइ मबाक्‍म। आ कोल्‍शो आल आन दातेमी मेको आन कली लां कोंइब सुइ मबाक्‍म।

येरमीया 19:1

परमप्रभु यावेमी “लशा खप के ग्‍योंब सेल्‍ब रे ब्‍वाक्‍कु कुर पतीक ग्‍योंब का ग्यापो। मिनु का निक्‍शी मुर आन दाते ङा खाल्‍पा नु का निक्‍शी चढ़ेब आन कली लाइक्‍मी।

येरमीया 19:11

मिनु गे मेको आन कली मुर नेल्‍ल आन परमप्रभु यावेमी ‘दोपा खप के ग्‍योंब सेल्‍ब आ ग्‍योंब गेनायो मबोंइसीचा ङा पा ब्रोल्‍मे, मोपा गो मेको मुर आन कली नु एको सहर आन कली प्रोल्‍नुङ। तोफेथमी मुर थिम्‍तीक मनुम्‍म सम्‍म बेक्‍शो मुर थिम्‍नीम। यसैया ३०:१२-१४; येरमीया ७:३२

येरमीया 22:28

मार, एको कोन्‍याह माइश्‍शो मुर सुइम मदाक्‍शो ब्रोल्‍शो ग्‍योंब खोदेंशो बाक्‍बा ङा? मेको मोदेंशो ग्‍योंब कली सुइम ममाल्‍नीम। मोपतीके मेको नु मेको आ आल आन मतुइश्‍शो रागीम ताइक्‍चा पुंइसीनीमी?’ ” देंत। कोन्‍याह माइश्‍शो येहो-याकीम आ तौ कली येकोन्‍याह यो देंनीम। येरमीया २४:१

बिलाप 2:21

ठिटा नु खाल्‍पापुकी लांम गोल्‍शो बाक्‍नीम। आ ठिटी मीश मुर नु ठिटा वोंइश मुर तरवारमी साइक्‍चा पुंइसाक्‍म। गे इन गाइश्‍शो नाक्‍ती मेको आन कली शिशी मपाइक्‍थु साइक्‍तीनी।

बिलाप 5:12

मेकोपुकीमी सासन पाइब आन कली क्‍युक्‍शा साइक्‍तेक्‍म। खाल्‍पा आन कली मान मपामे। २राजा २५:१९-२१

होसे 8:8

इस्राएल खतम पोक्‍चा पुंइसाक्‍व। मुल मेकोपुकी रागी रागी ङा मुर आन दातेमी शोर गाक्‍‍शो मुर खोदेंशो दुम्‍शो बाक्‍नीम। येरमीया २२:२८

जकरिया 9:13

गो यहूदा कली आं लिब्रा खुक्‍शो खोदेंशो पा खुक्‍नुङ। गो एफ्राइम कली मेको आ ब्रा खोदेंशो सेल्‍नुङ। सियोन, इ तौ आन कली गो ग्रीस रागी आ तौ आन पर्बम क्‍युक्‍‍नुङ। मिनु गो इ कली बोल्‍‍यो लडाइ पाइब आ तरवार खोदेंशो सेल्‍नुङ।

२ कोरिन्‍थी 4:7

मेको ठेयब सक्ति परमप्रभु यावे के बाक्‍ब, दे कोंइचा कली मेको छेङछेङ खप के गर गो आंइ रां आगाम बाक्‍ब। १कोरिन्‍थी ४:११-१३; २कोरिन्‍थी ११:२३-२७

२ तिमोथी 2:20

ठेयब खिंमी सुन नु चांदी के बोसपुकी ला ममाइ, तन्‍न शी नु खप के यो बाक्‍नीम। का निक्‍शी रिम्‍शो गेय कली बाक्‍नीम, का निक्‍शी मरिम्‍शो गेय कली बाक्‍नीम।