बिलाप 4:19 - Sunuwar Bible

¹⁹ आंइ कली खेदा पाइबपुकी सरीङम बेरब ककाकुली क्‍येङा यो रीब पा जाक्‍तेक्‍म। मेकोपुकीमी आंइ कली पहाडम खेदा पाम्‍तेक्‍म। गोरशो रागीमी बाप्‍शा बाक्‍तेक्‍म।

बिलाप 4:19 ပူးပေါင်းရင်းမြစ်များ

येरमीया 16:16

मुल गो शुश ग्‍याइल आप्‍ब आन कली ब्रेश्‍शा सोइक्‍नुङमी। मिनु मेकोपुकीमी मेको आन कली ग्‍याइक्‍नीम। नोले गो लेंशा शुश सिखारी आन कली ब्रेश्‍शा सोइक्‍नुङमी। मिनु मेकोपुकीमी, मेको आन कली तेकोइ डांडा नु तेकोइ पहाड नु सेरथे फुल्‍लु ङा का‍क्‍पे रे माल्‍शा ग्रुंइनीम।

येरमीया 4:13

कोव़ङीन, मेको गोस्‍स खोदेंशो पा गाक्‍शो बाक्‍ब। मेको आ बग्‍गी फश गिवार खोदेंशो पा जाक्‍नीम। मेको आ शारा ककाकुली आन क्‍येङा रीब पा दोरनीम। आबी, गो खतम दुम्‍तय’ दे लोव़ पाइनीमी” देंत।

बिलाप 1:13

मेकोमी इर रे मी सोइक्‍ताक्‍व। मिनु आं रुश आगा ओव़पाइक्‍ती। आं खोइल कली ग्‍याइल दाइश्‍शा रेप्‍पाइक्‍ती। आं कली आ ङोंइती रे तिल्‍ती। मेकोमी नेल्‍ल नाक्‍त आं कली मुर मबाक्‍तीके नु बोल मपाइश्‍शो सेल्‍ती।

होसे 8:1

मिनु “तुराही ता‍पो। ककाकुली का परमप्रभु यावे आ खिं तारी बेरना बेरन बाक्‍ब। मारदे हना मुरपुकीमी आं पशो कबल प्रोंइतेक्‍म। आं अरेशो लोव़ मटीम। यसैया ५८:१; ब्‍यवस्‍था २८:४९; होसे ६:७

होसे 8:3

तन्‍न इस्राएलीपुकीमी रिम्‍शो पचा प्रोंइतेक्‍म। मिनु जोरी सत्रु काम मेको कली खेदा पाइब।

लेवी 26:36

मिनु गो इन जोरी सत्रु आन रागीम बाक्‍शो लीशो मुर आन थुं लुक्‍च लपाइक्‍नुङ। मिनु सफा दोक्‍शो रेयके नेंशा यो, आन जोरी सत्रुम खेदा पशो खोदेंशो पा प्रोक्‍नीम। मिनु मोशा दाइल पा थित्‍नीम।

आमोस 2:14

थाम्‍पा दोरबपुकी प्रोक्‍‍चा मताइनीम। मिनु बोल्‍यो मुर आन बोल जाम्‍शा लाइब। सक्ति पाइश्‍शोपुकीम यो आंम कली प्रोंइने मचाप्‍नीम।

हबकुक 1:8

मेको आन शारा जोइ आन क्‍येङा रीब पा दोरब बाक्‍नीम। मिनु नाक्‍दो ग्रूब फर खोदेंशो पा साइक्‍ब बाक्‍नीम। मेको आन शारा बारनीम। मेको आन शारा ङोइक्‍ब ङोन रागी रे जाक्‍नीम। ककाकुली खोदेंशो पा बेरशा, रीब पा सिखार ग्‍याइक्‍नीम। सेफन्‍याह ३:३

ब्‍यवस्‍था 28:49

मिनु परमप्रभु यावेमी नेल्‍ल क्‍येङा ङोन बाक्‍शो रागी रे मरुप्‍शो लोव़ पाइब मुरपुकी बेरशो ककाकुली खोदेंशो पा इन तारी जुक्‍पाइक्‍ब। हबकुक १:८; यसैया ३३:१९; येरमीया ५:१५