बिलाप 4:14 - Sunuwar Bible

¹⁴ मेकोपुकी मिक्‍च मताइब खोदेंशो पा लां मेर हिरसाक्‍म। मेकोपुकी हुश लुम्‍सीशो बाक्‍तेक्‍म। मेको आन वा सुइम मथिचा ङा बाक्‍त।

बिलाप 4:14 ပူးပေါင်းရင်းမြစ်များ

यसैया 1:15

इन गुइ क्‍युक्‍शा, गो नु लोव़ पनीनु, आं कुल ख्रुइक्‍नुङ। गेपुकीम शुश पुंइतीनी हना यो, गो मनेंनुङ। मारदे हना इन गुइम हुश ख्राक्‍श पशो बाक्‍ब। हितोपदेस १:२८; हितोपदेस १५:२९; यूहन्‍ना ९:३१

यसैया 56:10

इस्राएली आन कली कोव़ब मुर मिक्‍च मताइब खोदेंशो बाक्‍नीम। मेको मारेइ मजोक्‍ब मतुइक्‍ब बाक्‍नीम। मेकोपुकी सिक्‍सी पा बाक्‍शा, होक्‍ने मचाप्‍ब कुचुम खोदेंशो बाक्‍नीम। मेको ङोमु तचा, इप्‍चा नु निन्‍द्रा पचा ला दाक्‍नीम। इजीकीएल ३:१७; इजीकीएल ३३:६-९

येरमीया 2:34

इ फेक्‍शो वाम दोस मताइब नु प्रुङग आन हुश लुम्‍सीशो बाक्‍ब। मिनु गेमी मेको आन कली खिं प्रोल्‍शा खिं ओव़शो मथिदी। मेको मोदेंशो नेल्‍ल दुम्‍ना दुम्‍न यो, येरमीया २६:२०-२३; प्रस्‍थान २३:७

येरमीया 26:8

मिनु परमप्रभु यावे आ अरेशो लोव़ नेल्‍ल, येरमीयाम मुर नेल्‍ल आन कली नेंपाइक्‍ने थुमा चोटी चढ़ेबपुकी, परमप्रभु यावे आ लोव़ पाइबपुकी नु मुर नेल्‍लेम मेको कली ग्‍याइश्‍शा “गे साइक्‍चान पुंइसीनेवे।

इजीकीएल 23:45

तन्‍न ठीक निसाफ पाइबम मेको आस कली ‘नाता ख्रोइक्‍ब, हुश ख्राक्‍श पोक्‍शो आ पर्बम दोस ताइनीस’ मारदे हना मेकोम हेंथे पा आस गुइम मुर साइश्‍शो हुश बाक्‍ब” देंत। इजीकीएल १६:३८,४०

होसे 4:2

एकेर कसम जचा, जोल पचा, मुर साइक्‍चा, खुइ पचा नु तेल्‍लेम पचा ङा लाक्‍शा, अर्को मारेइ मबाक्‍ब। नेल्‍लेमी मरिम्‍शो ला पाइनीम। मेकोपुकीम मुर साइश्‍शा, हुश ख्राक्‍श पोक्‍नीम।

सेफन्‍याह 1:17

गो मुर आन कली शुश श्‍येत गे‍नुङ। मिनु मेको मिक्‍च मताइब खोदेंशो पा गाक्‍नीम। मारदे हना मेकोपुकीम परमप्रभु यावे आ ङोंइती पाप पाम्‍तेक्‍म। मेको आन हुश फुरक खोदेंशो नु श्‍ये ख्री खोदेंशो पा ताइक्‍नीम।

गन्‍ती 19:16

मिनु सुमी लांम तरवारम साइक्‍चा पुंइसीशो मुर बाक्‍त हना यो, आंमा बेक्‍शो मुर बाक्‍त हना यो, मुर आ रुश बाक्‍त हना यो, मेको थीब मुर ७ नाक्‍त सम्‍म ग्रांग्रा दिशो दुम्‍ब।

गन्‍ती 35:33

मिनु गेपुकीमी इन बाक्‍तीक रागी ग्रांग्रा दिशो मसेलीन। मारदे हना रागी हुशेम ग्रांग्रा दिशो सेल्‍ब। मिनु मेको ग्रांग्रा मदिशो सेल्‍ने मचाप्‍नीम। हुश ख्राक्‍श पोक्‍ब कली साइश्‍शा ला मेको रागी ग्रांग्रा मदिशो सेल्‍ने चाम्‍सीब।

मत्ती 15:14

मेकोपुकीमी मारेइ पामेक्‍ल। मिक्‍च मताइब लां कोंइब नम। मिक्‍च मताइबमी मिक्‍च मताइब कली कीशा लां कोंइताक्‍व हना, निम्‍फा खाल्‍टाम बिक्‍नीस” देंत। मत्ती २३:२४; लूका ६:३९; रोमी २:१९

एफिसी 4:18

मेको आन थुं फुल्‍लु खोदेंशो पा खकटा दुम्‍तीके परमप्रभु यावे कली मतुइक्‍ब बाक्‍तेक्‍म। मोपतीके मेकोपुकी छिङछिङमी बाक्‍शो खोदेंशो पा परमप्रभु यावे कली रुम्‍ने मचाप्‍नीम। मिनु मोपा परमप्रभु यावे रे ङोन बाक्‍नीम। एफिसी २:१२