बिलाप 3:66 - Sunuwar Bible

⁶⁶ मेको आन कली गाइश्‍शा खेदा पन। परमप्रभु यावे, सरीङ आगा रे मेको आन कली खतम पोक्‍कीन” देंती।

बिलाप 3:66 ပူးပေါင်းရင်းမြစ်များ

२ राजा 14:27

परमप्रभु यावेमी इस्राएल कली रागी रे क्‍याम्‍चा मदेंतीके, मेकोमी योआश आ तौ येरोबाममी मेको आन कली प्रोंइमी बाक्‍त। २राजा १३:५

भजन संग्रह 115:16

स्‍वर्ग परमप्रभु यावे केन बाक्‍ब। तन्‍न रागी चहिं मुर आन कली गेशो बाक्‍ब।

भजन संग्रह 35:5

मेकोपुकी फशेम योल्‍शो भूस खोदेंशो दुम्‍मल। मिनु परमप्रभु यावे आ स्‍वर्ग ङा गेय पाइबमी मेको आन कली खेदा पस ङा पस पवल।

भजन संग्रह 35:6

मेको आन लां छिङछिङ नु ग्रेक्‍शा थित्‍तीके दुम्‍ल। मोपा यो परमप्रभु यावे आ स्‍वर्ग ङा गेय पाइबमी खेदा पवल।

भजन संग्रह 73:15

गो मेको आन खोदेंशो पाता हना, गो इन मुर आन कली मरिम्‍शो पदुमी वा।

भजन संग्रह 8:3

गो सरीङ गे कोव़ङुनु, इन सेल्‍शो तास्‍ला नु सोरुल तातामी,

यसैया 66:1

मिनु परमप्रभु यावेमी “स्‍वर्ग आं नित्‍तीके नु रागी आं खोइल वोइक्‍तीक बाक्‍ब। गे आं कली दोदेंशो खिं सेल्‍ने चाप्‍‍‍नीनी? तेकेर नाइक्‍नुङा? १राजा ८:२७; बिलाप २:१; प्रेरित ४:४९; प्रेरित १७:२४

येरमीया 10:11

गे मेको आन कली “मेको सरीङ नु रागी मसेल्‍ब देवी देवता रागी नु सरीङ आगा रे क्‍याम्‍चा पुंइसीनीम।

येरमीया 15:15

मिनु गो “परमप्रभु यावे, गे नेल्‍ल तुइश्‍शो बाक्‍नीनी। आं कली मिम्‍तीन। मिनु आं कली कोव़ङीन। आं कली श्‍येत गेब आन कली क्‍येक्‍क लेत्‍तीन। गे मेको आन पर्बम शुश फाल्‍शा बाक्‍नीनी। आं कली मसाइय्‍‍यीनी। गो इन पर्बम शुक्‍शी पाइक्‍चा पुंइसाक्‍यी, गे मेको तुइक्‍नीनी।

बिलाप 3:43

गे चुर‍शा आंइ कली खेदा पाइतीनी। काइ शिशी मपथु साइक्‍तीनी।

होसे 8:3

तन्‍न इस्राएलीपुकीमी रिम्‍शो पचा प्रोंइतेक्‍म। मिनु जोरी सत्रु काम मेको कली खेदा पाइब।

ब्‍यवस्‍था 25:19

मोपतीके परमप्रभु यावे, इन परमप्रभुमी इन कली योव़शा गेशो इन के सेल्‍चा चिक्‍शो रागीम इन जोरी सत्रु नु लडाइ पशा, नाइक्‍साक्‍नी हना, अमालेकी आन नें रागी रे क्‍याम्‍चा माल्‍नीनी। मेको मप्रेंदीन” देंत। १सामुएल १५:२-३

ब्‍यवस्‍था 29:20

मिनु परमप्रभु यावेमी मोदेंशो मुर आ पाप मक्‍याम्‍ब। परमप्रभु यावे मेको कली तशा, आ गाइक्‍चा नु आ गेहे पतीके मी खोदेंशो पा ब्राइब। मिनु मेको अरेशो लोव़ ङा किताबम ब्रेक्‍शो सराप नेल्‍ल मेको मुर कली राइब। मिनु परमप्रभु यावेमी मेको आ नें रागी रे क्‍याम्‍ब। ब्‍यवस्‍था २८:१५-६८

ब्‍यवस्‍था 7:24

मिनु मेकोमी मेको आन पिप यो इन कली जिम्‍मा गेब। मिनु गे मेको आन नें रागी रे क्‍याम्‍नीनी। इन ङोंइती सुइ मबाक्‍नीम।