बिलाप 3:58 - Sunuwar Bible

⁵⁸ परमप्रभु गे आं कली वारच पाइक्‍तीनी। मिनु बेक्‍चा रे प्रोंइतीनी।

बिलाप 3:58 ပူးပေါင်းရင်းမြစ်များ

उत्पत्ती 48:16

आं कली श्‍येत रे प्रोंइब परमप्रभु यावे आ स्‍वर्ग ङा गेय पाइबम एको वोंइश आल आस कली आसीक गेवल। मिनु एको आस पतीके आं नें नु आं किकी पिपी अब्राहाम नु इसहाक आस नें मप्रेंसेक्‍ल। एको निक्‍शी रे पा रागीमी शुश दुम्‍मल” दे आसीक गेम्‍सी बाक्‍त। उत्‍पत्ती ३२:२५-३०; यसैया ४१:१४

अय्‍युब 35:14

मिनु गे ‘गो मेको कली मतङ’ देंनीनी। इन पशो नेल्‍ले मेको आ ङोंइती बाक्‍ब। मोपतीके रिम्‍दीन। अय्‍युब २३:८-९

भजन संग्रह 103:4

मेकोमी इ कली खतम दुम्‍तीक रे प्रोंइब। इ कली आ गेना हना यो दाक्‍तीके नु शिशी पतीकेमी कोव़ब।

भजन संग्रह 34:22

परमप्रभु यावेमी आ गेय पाइब आन कली श्‍येत रे प्रोंइब। मेको कली जिम्‍मा गेंसीबपुकी दोस मतथु, काइ सजाइ मताइनीम।

भजन संग्रह 71:23

गे आं कली श्‍येत रे प्रोंइब बाक्‍तीनी। मोपतीके गो ग्‍येरशा सोम्‍शा इन कली कुम्‍सो पा ठेयब सेल्‍नुङ।

भजन संग्रह 9:5

मिनु गे रागी रागी ङा मुर आन कली हुइक्‍ताक्‍नी। इन अरेशो मटीब आन कली साइक्‍तीनी। मेको आन नें लेंशा ममिम्‍चा ङा पा क्‍याम्‍ताक्‍नी।

यसैया 51:22

परमप्रभु यावे, इ होव़प दुम्‍शा परमप्रभुमी “गो आं मुर आन कली वारच पाइब बाक्‍नुङ। गो इ दिङ दाङ गोल्‍पाइक्‍ब कचौरा इ गुइ रे लाइक्‍ता। मुल रे गे आं गाइक्‍तीक कचौरा लेंशा तूचा ममाल्‍नेवे।

येरमीया 11:20

तन्‍न गे, मुर नेल्‍ल आन परमप्रभु यावे, ठीक पा निसाफ पाइनीनी। मिनु थुं नु सोक्‍त नाक्‍शा कोव़नीनी। गेमी मेको आन कली क्‍येक्‍क लेश्‍शो गो कोव़चा तङल। मारदे हना गो इन कली आं निसाफ पतीक जिम्‍मा गेशो बाक्‍नुङ। भजन संग्रह ७:१०; येरमीया १७:१०; येरमीया २०:१२

येरमीया 31:11

मारदे हना परमप्रभु यावेम याकूब आ मुर आन कली प्रोंइतु। मिनु मेकोम आन कली आन क्‍येङा बोल्‍यो मुर आन गुइ रे प्रोंइतु।

येरमीया 38:13

मिनु मेकोपुकीमी डोरीम येरमीया कली इनार रे ग्रुंइताक्‍मे। मेको नोले येरमीया पिप आ दरवार खाल पाइब मुर आ जेल्‍खान ङा लाङगाम बाक्‍त।

येरमीया 50:34

मो हना यो मेको आन कली श्‍येत रे प्रोंइब सक्ति पाइश्‍शो बाक्‍ब। मेको आ नें मुर नेल्‍ल आन परमप्रभु यावे बाक्‍ब। मेकोमी मेको आन कली आ सक्तिमी थमा पा वारच पाइब। मिनु रागी कली रिम्‍शो दुम्‍पाइक्‍ने चाप्‍ब। तन्‍न बेबीलोनम बाक्‍ब आन कली चहिं थुं नाइक्‍चा मगेब” दे परमप्रभु यावेमी देंत।

येरमीया 51:36

मोपतीके परमप्रभु यावेमी “गो इ पोन बोक्‍नुङ। गो इ कली गेशो श्‍येत आ क्‍येक्‍क लेत्‍‍नुङ। गो मेको आ समुन्‍द्र सोव़पाइक्‍नुङ। आ ब्‍वाक्‍कु बुक्‍तीके यो सोव़पाइक्‍नुङ।

१ सामुएल 25:39

मिनु दाऊदम नाबाल बेक्‍शो लोव़ नेंशा मेकोमी “परमप्रभु यावे ठेयब बाक्‍ब। मारदे हना मेकोमी आं कली मरिम्‍शो पशो आ पर्बम नाबाल कली सजाइ गेप्‍तु। मिनु आ गेय पाइब, आं कली मरिम्‍शो पतीक रे तेक्‍ती। नाबाल आ मरिम्‍शो पशो आ पियामीन मोइक्‍तु” देंमाक्‍त। मिनु दाऊदमी अबीगेल कली आ मीश सेल्‍चा कली लोव़ पथ मुर सोइक्‍ता बाक्‍त।