बिलाप 3:52 - Sunuwar Bible

⁵² आं जोरी सत्रुमी आं कली मोशीन चिक्‍ब कली खोदेंशो पा सिखार ग्‍यारतेक्‍म।

बिलाप 3:52 ပူးပေါင်းရင်းမြစ်များ

भजन संग्रह 109:3

मेकोपुकीमी आं कली काइ मदाक्‍थु, लोव़ पा, आं कली जिचा तोशा मोशा ग्राम्‍नीम।

भजन संग्रह 11:1

गो परमप्रभु यावे कली जिम्‍मा गेसाक्‍यी। गेपुकीम आं कली “चिक्‍ब खोदेंशो पा पहाडम बेरो” दे दोपा देंने चाप्‍नीनी?

भजन संग्रह 119:161

ठेयब मुरपुकीमी आं कली बित्‍चीम खेदा पाइनीमी। तन्‍न आं थुं इन लोव़ क्‍येङा हिंब।

भजन संग्रह 124:7

मिनु गोपुकी सिखारी आन ब्‍वारद रे ब्रोंइशो चिक्‍ब खोदेंशो पा प्रोक्‍तक। मेको ब्‍वारद ब्रोइक्‍त। मिनु गोपुकी प्रोक्‍तक।

भजन संग्रह 35:19

मेकोपुकी मोशान आं जोरी सत्रु दुम्‍शा, आं पर्बम ग्‍येरचा मतामेक्‍ल। मोशान खेदा पाइबपुकी आं पर्बम आन मिक्‍च रिक्‍चा मतामेक्‍ल। भजन संग्रह २५:१९; भजन संग्रह ६९:५

भजन संग्रह 35:7

मारदे हना मेकोपुकीमी मोशान आं कली ब्‍वारद दाइक्‍ताक्‍यीमी। मिनु मोशान आं कली साइक्‍चा कली बिक्‍तीक दोम्‍तेक्‍म।

भजन संग्रह 69:4

आं कली मोशा काइ मदाक्‍बपुकी आं चां क्‍येङा यो शुश बाक्‍नीम। मिनु मेकोपुकी मोशा आं जोरी सत्रु दुम्‍शो बाक्‍नीम। मेकोपुकीमी आं कली साइक्‍चा माल्‍शो बाक्‍नीम। आं मरोइश्‍शो मार मार थोव़क, मेकोपुकीमी ‘लेत्‍तो’ देंनीम। यूहन्‍ना १५:२५

येरमीया 37:18

मिनु येरमीयामी पिप सिदकीयाह कली “गो इन कली, इन गेय पाइब ठेयब मुर आन कली नु एको मुर आन कली मार पङा ङा? गे मारदे आं कली जेल्खानम चोक्‍यीनी?

बिलाप 3:51

आं सहर ङा मीश आल आन कली मरिम्‍शो दुम्‍शो तशा आं थुं खाइक्‍ती।

यूहन्‍ना 15:25

परमप्रभु यावेमी ब्रेक्‍पाइश्‍शो लोव़ थमा दुम्‍चा कली आं कली मदाक्‍नीम। मार ब्रेक्‍पाइश्‍शो बाक्‍त देंशा हना ‘मेकोपुकीमी आं कली मोशा यो मदाक्‍नीम’ दे ब्रेक्‍शो बाक्‍त। भजन संग्रह ६९:४