बिलाप 3:51 - Sunuwar Bible

⁵¹ आं सहर ङा मीश आल आन कली मरिम्‍शो दुम्‍शो तशा आं थुं खाइक्‍ती।

बिलाप 3:51 ပူးပေါင်းရင်းမြစ်များ

उत्पत्ती 44:34

गो आं आफ आ ङोंइती एको वोंइश आल मलाइक्‍थु, दोपा लने चाप्‍नुङा? आं आफ आ श्‍येत तशा, गो यो फाल्‍ने मचाप्‍नुङ” दे यहूदामी योसेफ कली देंमाक्‍त।

येरमीया 11:22

मोपतीके मुर नेल्‍ल आन परमप्रभु यावेम ‘गो मेको आन कली सजाइ गेनुङमी। मेको आन ठिटा मुरपुकी तरवारम क्‍योरशा साइक्‍चा पुंइसीनीम। मिनु मेको आन तमी तौ चहिं अन्‍कालम बेक्‍नीम।

येरमीया 14:16

मिनु जोल पा आं लोव़ नेंपाइक्‍चा पुंइसीबपुकी चहिं तरवार नु अन्‍कालम पतीके यरूसलेम ङा लां मेर ताइक्‍चा पुंइसीनीम। मेको, मेको आन मीश नु मेको आन तमी तौ आन कली थिम्‍ब सुइ मबाक्‍नीम। मारदे हना गो मेको आन तचा ङा श्‍येत मेको आन तारी मोइक्‍नुङ” दे माइक्‍ती। येरमीया ९:२१

येरमीया 14:18

गो मेको रागी लती हना, तरवारम साइक्‍चा पुंइसीशोपुकी ताइक्‍नुङमी। गो मेकेर ङा सहरम ओव़ती हना, मेकेर अन्‍काल पशो मुरपुकी ताइनुङमी। परमप्रभु यावे आ लोव़ पाइबपुकी नु चढ़ेब नेल्‍ल मारेइ मतुइक्‍थु, आन गेय पना पन बाक्‍नीम” दे माइक्‍ती।

येरमीया 19:9

मेको आन कली आन तमी तौ आन श्‍ये ब्‍वपाइक्‍नुङमी। सहर पुम्‍तीके मुर नेल्‍ल आन नेक्‍था ङा मुर आन श्‍ये ब्‍‍वाइनीम। आन जोरी सत्रु नु मेको आन कली साइक्‍चा माल्‍ब आन गेशो श्‍येतम मोदेंशो पाइनीम। लेवी २६:२९; ब्‍यवस्‍था २८:५३

बिलाप 1:18

परमप्रभु यावे ठीक पाइब बाक्‍ब। मारदे हना गो आ लोव़ काइ मटीब दुम्‍ती। तन्‍न गे जात जात ङा मुर नेल्‍ल नेनीन। आं श्‍येत कोव़ङीन। आं मीश आल नु ठिटा वोंइश आल नेल्‍ल ग्‍याइश्‍शा लाइक्‍चा पुंइसाक्‍म। येरमीया ३:४२; येरमीया ५:१६

बिलाप 2:11

गो ङाक्‍ना ङाक्‍न बाक्‍नुङ। आं थुं चोइब। आं थुं खाइक्‍ब। मारदे हना आं मुर खतम दुम्‍तेक्‍म। आल नु दूध तूब आलपुकी सहर ङा लांम शोव़लु बेक्‍नीम।

बिलाप 2:21

ठिटा नु खाल्‍पापुकी लांम गोल्‍शो बाक्‍नीम। आ ठिटी मीश मुर नु ठिटा वोंइश मुर तरवारमी साइक्‍चा पुंइसाक्‍म। गे इन गाइश्‍शो नाक्‍ती मेको आन कली शिशी मपाइक्‍थु साइक्‍तीनी।

बिलाप 3:50

परमप्रभु यावेमी स्‍वर्ग रे पा उइ मकोव़ङा सम्‍म मो पाइनुङ। भजन संग्रह १०२:२०-२१

बिलाप 3:52

आं जोरी सत्रुमी आं कली मोशीन चिक्‍ब कली खोदेंशो पा सिखार ग्‍यारतेक्‍म।

बिलाप 5:11

सियोनम मीश मुर आन कली बिथोलो पाइनीम। यहूदा सहरम कन्‍ने मीश आल आन कली बिथोलो पाइनीम।