बिलाप 3:38 - Sunuwar Bible

³⁸ मार नेल्‍ल क्‍येङा ठेयब आ शोव़ रे रिम्‍शो नु मरिम्‍शो लोव़ मग्रू‍बा ङा?

बिलाप 3:38 ပူးပေါင်းရင်းမြစ်များ

२ सामुएल 16:10

तन्‍न पिपमी “ए सेरूयाह आ तौ, गे गो नु मगारचा ङा बाक्‍नीसी। परमप्रभु यावेमी मेको कली ‘दाऊद कली सराप पावो’ दे सोइश्‍शो बाक्‍त हना, सुम तेक्‍ने चाप्‍बा ङा?” देंमाक्‍त। २सामुएल १९:१७-२४

अय्‍युब 2:10

तन्‍न अय्‍युबमी “गे मूर्ख मीश मुर खोदेंशो पा लोव़ पाप्‍तीवी। परमप्रभु आ गेशो रिम्‍शो चहिं ताक्‍शा, मरिम्‍शो चहिं मताक्‍चा ङा?” दे मदा बाक्‍त। मेको लोव़ नेल्‍लेम अय्‍युबमी मारेइ पाप मपवा बाक्‍त। अय्‍युब १:२२

भजन संग्रह 75:7

तन्‍न परमप्रभुमी मुर आन कली निसाफ पाइब। मेकोमी का निक्‍शी आन कली दिप्‍ब, का निक्‍शी आन कली क्‍युक्‍ब। १सामुएल २:७

हितोपदेस 29:26

शुश मुरुमी सासन पाइब नु ग्रुम्‍चा दाक्‍नीम। तन्‍न परमप्रभु यावे रे मुरपुकीम ठीक निसाफ ताइनीम।

उपदेसक 7:14

नाक्‍त रिम्‍शो दुम्‍मेनु ग्‍येरसीन। तन्‍न नाक्‍त मरिम्‍शो दुम्‍मेनु मिम्‍तीन। मेको निम्‍फा परमप्रभुमी सेल्‍शो बाक्‍ब। मोपा मुरुमी नोले आंम कली मार दुम्‍बा, दे मतुइक्‍नीम।

यसैया 45:7

गो छेङछेङ नु छिङछिङ सेल्‍ब नङ। गो थुं नाइक्‍पाइक्‍ब नु श्‍येत जपाइक्‍ब सेल्‍ब नङ। गो, परमप्रभु यावेमी, मेको नेल्‍ल पाइनुङ। आमोस ३:६

येरमीया 32:42

परमप्रभु यावेमी “दोपा गो एको मुर आन कली ओं पा शुश श्‍येत गेङा, मोपा गो मुल आं देंशो रिम्‍शो पतीक नेल्‍लेम, मेको आन कली रिम्‍शो पाइक्‍नुङमी।

आमोस 3:6

मार, तेकोइ सहरमी तुराही ताप्‍शोनु, मुर महिंनीमी ङा? मार, सहरम श्‍येत दुम्‍मेनु, मेको परमप्रभु यावे आ सोइश्‍शो ममाइ ङा? यसैया ४५:७; बिलाप ३:३७