बिलाप 3:37 - Sunuwar Bible

³⁷ परमप्रभुम मअरेशो गेय सुमी अरेने नु पपाइक्‍ने चाप्‍बा ङा? यसैया ४५:७; आमोस ३:६

बिलाप 3:37 ပူးပေါင်းရင်းမြစ်များ

२ सामुएल 16:10

तन्‍न पिपमी “ए सेरूयाह आ तौ, गे गो नु मगारचा ङा बाक्‍नीसी। परमप्रभु यावेमी मेको कली ‘दाऊद कली सराप पावो’ दे सोइश्‍शो बाक्‍त हना, सुम तेक्‍ने चाप्‍बा ङा?” देंमाक्‍त। २सामुएल १९:१७-२४

१ राजा 22:34

तन्‍न मुर कामी आ लिब्रा खुक्‍शा, हेंथे पा ब्रा आप्‍शा सोइक्‍ता बाक्‍त। मिनु मेको ब्रामी इस्राएल ङा पिप आ कुचु तेक्‍तीक पाता आ बोंइसेम ख्रवा बाक्‍त। मिनु पिपम आ बग्‍गी खुल्‍ब कली “बग्‍गी हिरशा लडाइ रे ग्रुंइदी। गो ठेयब गार दुम्‍शो बाक्‍नुङ” देंमाक्‍त।

२ राजा 6:33

मिनु एलीशाम मेकोपुकी नु लोव़ पना पन बाक्‍मेनु मेको लोव़ कुरब मुर जाक्‍माक्‍त। मिनु पिपमी “एको खतम दुम्‍तीक परमप्रभु यावे रे जाक्‍शो बाक्‍ब। मुल गो मारदे परमप्रभु यावे कली आस पा बाक्‍नुङा?” देंमाक्‍त। आमोस ३:६

अय्‍युब 10:13

आं कली श्‍येत गेचा कली ङोंइती रे इन थुंम ख्रुइश्‍शा वोइक्‍तीनी। मेको इन थुंम बाक्‍त, दे तुइक्‍ताक्‍ङ।

अय्‍युब 2:10

तन्‍न अय्‍युबमी “गे मूर्ख मीश मुर खोदेंशो पा लोव़ पाप्‍तीवी। परमप्रभु आ गेशो रिम्‍शो चहिं ताक्‍शा, मरिम्‍शो चहिं मताक्‍चा ङा?” दे मदा बाक्‍त। मेको लोव़ नेल्‍लेम अय्‍युबमी मारेइ पाप मपवा बाक्‍त। अय्‍युब १:२२

प्रस्‍थान 10:10

मिनु फाराओमी मेको आस कली “इन परमप्रभु यावे गे नु बाक्‍शो खोदेंशो पा गो इन कली नु इन आल नु लचा मगेनुङ। गे मरिम्‍शो पचा माल्‍नीनी, दे आंमा तुइक्‍नीसी।

हितोपदेस 16:9

मुरुमी आंम आ लां आंमान मिम्‍नीम। तन्‍न परमप्रभु यावेमी मेको आन गाक्‍तीक लां कोंइब। हितोपदेस १९:२१; येरमीया १०२३

हितोपदेस 19:21

मुर आ थुंमी शुश मिम्‍तीक बाक्‍नीम। तन्‍न परमप्रभु यावे आ मिम्‍शो ला दुम्‍ब। हितोपदेस १६:९

हितोपदेस 21:30

मुर आन तुइक्‍तीक, रुप्‍तीके अर्ती गेतीके परमप्रभु यावे आ ङोंइती थम आइक्‍च बाक्‍ब। भजन संग्रह ३३:१०-११

यसैया 46:10

गो साइ ङोंइती रे नोले सम्‍म मार दुम्‍मे, नेल्‍ल शेंनुङ। ङोंइती रे मुल सम्‍म मदुम्‍शो यो देंनुङ। मिनु गो आं मिम्‍शो मफाइक्‍थु, नेल्‍ल पाइनुङ। आ मिम्‍शो नेल्‍ल खाप्‍नुङ।

येरमीया 23:32

कोव़ङीन, मेकोपुकी जोल पा ङोमु ङा लोव़ पाइब बाक्‍नीम। गो मोदेंशो पा आं लोव़ पाइब आन कली काइ मदाक्‍नुङ। मेको आन जोल शेंतीकेमी आं मुर आन कली हेंथे लां खोइक्‍पाइक्‍नीम। मेकोपुकी काइ महिंब बाक्‍नीम। गो मेको आन कली मसोइक्‍तुमी। गो मेको आन कली मयोव़ङुमी। मोपतीके मेको आन लोव़ मुर आन कली शोर गाक्‍शो बाक्‍ब” दे परमप्रभु यावेमी देंत। येरमीया १४:१४

दानीएल 4:35

रागी ङा मुरपुकी नेल्‍ल मेको आ ङोंइती मारेइ मबाक्‍नीम। मेकोमी स्‍वर्ग ङा गेय पाइब नु रागी ङा मुर आन कली मार पचा दाक्‍बा, मेकोन पने चाप्‍ब। सुइमी मेको कली तेक्‍ने मचाप्‍नीम। मिनु सुइमी ‘गे मार पनी?’ देंने मचाप्‍नीम। यसैया ४०:१७; अय्‍युब ९:१२

रोमी 9:15

परमप्रभु यावेमी मोसा कली “सु कली शिशी पचा दाक्‍ङा, मेको कली शिशी पाइ‍नुङ। सु कली आ श्‍येत रे प्रोंइचा दाक्‍ङा, मेको कली आ श्‍येत रे प्रोंइनुङ” देंशो बाक्‍त। प्रस्‍थान ३३:१९

एफिसी 1:11

परमप्रभु यावेमी ख्रीस्‍त रे पा आ आल सेल्‍शा, इं कली योव़तु। मारदे हना ङोंइती रे योव़नुङमी, दे मिम्‍शो बाक्‍माक्‍त। मेकोन पाप्‍तु। कलस्‍सी १:१२