27 ठिटा बाक्शो ना आंम जुवा कुरचा रिम्शो दुम्ब।
गे आं कली श्येत जपाइक्तीनी, मेको रिम्शो बाक्त। मोपा इन फुल्लुम मुशा ब्रेक्शो लोव़ शेंसाक्यी।
मोपतीके आंइ ब्रोंइतीक नाक्ती गिश बाक्नीमी मिम्शा, हिक्चा शेंदीकी। मिनु गो जोक्ब तुइक्ब थुं पाइश्शो दुम्कल। भजन संग्रह ३९:५-७
परमप्रभु यावे, गे सु सु कली सजाइ गेशा, शेंदीनी, मेको ग्येरसीशो मुर दुम्नीम। मारदे हना मेको आन कली इन अरेशो लोव़ शेंनीनी। अय्युब ५:१७
इ ठिटा बाक्ना बाक्न इ कली सेल्ब कली मिम्तो। श्येत जतीक नाक्ती नु इ खूशो दुम्तीक बर्स जाक्मेनु “गो मेको नाक्त मदाक्नुङ” देंचा क्येङा ङोंइती मिम्तो।
सिक्सी पा परमप्रभु यावे आ श्येत रे प्रोंइतीके रिम्चा रिम्शो दुम्ब। रोमी ८:२५
परमप्रभुमी मुर कली आ का ला सिक्सी पा बाक्चा गेप्तु हना, मेको कली रिम्शो दुम्ब।
