बिलाप 3:22 - Sunuwar Bible

²² परमप्रभु यावे आ गेना हना यो दाक्‍तीक गेनायो मनुप्‍ब। आ शिशी गेनायो मनुप्‍ब। नेहेम्‍याह ९:३१

बिलाप 3:22 ပူးပေါင်းရင်းမြစ်များ

२ सामुएल 24:14

मिनु दाऊदम गाद कली “गो शुश श्‍येत जशो बाक्‍नुङ। आंइ कली परमप्रभु यावे आ गुइम दुम्‍चान रिम्‍शो बाक्‍ब। मारदे हना आ शिशी ठेयब बाक्‍ब। गो मुर आन गुइम मदुम्‍ङल” देंमाक्‍त।

नेहेम्‍याह 9:31

मो पाम्‍तेक्‍म हना यो, इन ठेयब शिशीमी मेको आन कली मसाइक्‍थु, आन श्‍येत रे प्रोंइनी बाक्‍त। मारदे हना गे शिशी पाइब नु शुश दाक्‍ब परमप्रभु बाक्‍नीनी।

भजन संग्रह 103:10

मेकोमी इं पशो पाप आ पर्बम सजाइ मगेब। मिनु इं मरिम्‍शो पशो ङा क्‍येक्‍क मलेप्‍ब।

भजन संग्रह 106:45

मिनु मेकोमी मेको आन कली पशो कबल मिम्‍ता बाक्‍त। मिनु मेको आ गेना हना यो शुश दाक्‍तीक ङा शिशी कोंइदीमी बाक्‍त।

भजन संग्रह 69:17

इन कुल इन गेय पाइब रे मख्रुइक्‍तीन। गो श्‍येत जशो बाक्‍नुङ। आं कली रीब पा लोव़ लेत्‍तीनी।

भजन संग्रह 77:8

मेको आ गेना हना यो दाक्‍तीक जाम्‍शो बाक्‍बा? मेको आ थोक्‍शा पशो लोव़ शोर गाक्‍शो दुम्‍शो बाक्‍बा?

भजन संग्रह 78:38

मो हना यो परमप्रभु शिशी पाइब बाक्‍तीके मेको आन ठीक मपशो माफ गेम्‍तीमी। मेको आन कली मसद। खेयप खेयप मेको आन पर्बम आ गाइश्‍शो तेक्‍तु। मेकोमी आ गाइश्‍शो नेल्‍ल मग्रुंइद।

भजन संग्रह 86:15

तन्‍न परमप्रभु, गे दाक्‍ब नु शिशी पाइब परमप्रभु बाक्‍नीनी। रीब पा मगाइक्‍ब, गेना हना यो दाक्‍शा मप्रोंइब बाक्‍नीनी। भजन संग्रह १०३:८; प्रस्‍थान ३४:६

येरमीया 3:12

‘गे लावो। मिनु एको लोव़ उत्तर गे शेंदीमी। थमा सुइक्‍ने मचाप्‍ब इस्राएल, परमप्रभु यावेम लेतो। गो इ कली तशा मगाइक्‍नुङ। मारदे हना गो शिशी पाइब नङ। गो गेना हना यो मगाइक्‍नुङ’। प्रस्‍थान ३४:६;

येरमीया 30:11

मारदे हना गो इ कली प्रोंइचा कली गे नु बाक्‍नुङ। इन कली फ्रशा वोइश्‍शो रागी रागी ङा मुर नेल्‍ल आन कली साइक्‍नुङमी। तन्‍न गो इ कली गेनायो मक्‍याम्‍नुङ। गो इ कली ठीक सजाइ गेनुङ। गो इ कली थमा पा सजाइ मगेथु, मप्रोंइनुङ” दे परमप्रभु यावेमी देंत। येरमीया १०:२४; ब्‍यवस्‍था ८:५

येरमीया 31:20

मिनु “मार, एफ्राइम आं दाक्‍शो तौ ममाइ ङा? मेको आ पर्बम गो मग्‍येरनुङा? गो मेको कली हुइक्‍ताक्‍ङ हना यो, मेको कली मिम्‍ना मिम्न बाक्‍ती। मोपतीके गो मेको कली मुल सम्‍म दाक्‍नुङ। गो मेको कली थमा पा शिशी पाइक्‍नुङ” दे परमप्रभु यावेम देंत। यसैया ४९:१५; होसे ११:८

दानीएल 9:9

गोपुकी इन देंशो गन गन पा मटीतक हना यो, परमप्रभु, आंइ होव़प, गे शिशी पाइब नु पाप क्‍याम्‍ब बाक्‍नीनी। भजन संग्रह १३०:४

मलाकी 3:6

मिनु मेकोमी “गो, परमप्रभु यावे, गेनायो मफांइसीनुङ। मोपतीके गे याकूब आ चच युइ मुल सम्‍म ब्रोंइशो बाक्‍नीनी।

लूका 1:50

सु सुम मेको कली मान पा हिंनीमी, मेको आन कली शिशी पाइब। भजन संग्रह १०३:१३,१७