बिलाप 3:2 - Sunuwar Bible

² मेकोमी आं कली खेदा पा छेङछेङ रे छिङछिङमी गाक्‍पाइक्‍ती।

बिलाप 3:2 ပူးပေါင်းရင်းမြစ်များ

अय्‍युब 18:18

मेको छेङछेङ रे छिङछिङम खेरचा पुंइसीनीम। मिनु रागी रे ग्रुंइचा पुंइसीनीम।

अय्‍युब 30:26

मो हना यो गो रिम्‍शो दुम्‍तीक आस पाता। तन्‍न मरिम्‍शो कका जाक्‍त। छेङछेङ रिम्‍शा बाक्‍ती। तन्‍न छिङछिङ कका जाक्‍त।

यसैया 59:9

मोपतीके ठीक निसाफ पतीके आंइ क्‍येङा ङोन बाक्‍ब। गो ठीक पतीके मताइनीकी। गोपुकी छेङछेङ ङा लां कली कोव़नीकी, तन्‍न छिङछिङ ला बाक्‍ब। गो नाक्‍त ङा हाम्‍सो माल्‍नीकी, तन्‍न छिङछिङ ला बाक्‍ब।

येरमीया 13:16

मिनु “गे परमप्रभु यावे, इन परमप्रभुम छिङछिङ चाक्‍चा क्‍येङा ङोंइती मेको कली ‘ठेयब सेलीन’। नां रिक्‍चा क्‍‍येङा ङोंइती डांडा मेर इन खोइल दाइल पाइक्‍चा क्‍येङा ङोंइती मेको कली ‘परमप्रभु यावे ठेयब बाक्‍ब’ देनीन। गे हाम्‍सो आस पाइनीनी, तन्‍न मेकोमी छिङछिङ सेल्‍शा थम क्‍येर सेल्‍ब।

येरमीया 4:23

मिनु “गो रागी कली कोव़ता। मेको मारेइ मबा। मिनु मेकेर नेल्‍ल श्‍येत्‍थ बाक्‍त। मिनु सरीङ गे कोव़ङुनु, मेकेर मारेइ छेङछेङ मबाक्‍म। उत्‍पत्ती १:२

बिलाप 2:1

परमप्रभु गाइश्‍शा, सियोन आ तमी कली मुने तोक्‍तु। इस्राएल आ दारस कली सरीङ रे पा रागीमी तोक्‍तु। आ गाइश्‍शो नाक्‍ती आंम खोइल वोइक्‍तीक सियोन कली यो प्रेंताक्‍व। भजन संग्रह १३२:७-८

ब्‍यवस्‍था 28:29

मिनु मिक्‍च मताइबमी एर ओंथ सुल्‍ना सुल्‍न गाक्‍शो खोदेंशो पा गेपुकी नाक्‍तीन सुल्‍शा गाक्‍नीनी। मिनु गेपुकीमी मार पाइतीनी हना यो, रिम्‍शो मदुम्‍नीनी। मिनु गेपुकी नाक्‍त किंत किंत तुप्‍चा नु रोइक्‍चा पुंइसीशा बाक्‍नीनी। सुइमी इन कली वारच मपाइब। यसैया ५९:१०

यहूदा 1:13

मेको समुन्‍द्र ङा ठेयब हिंचा ङा छाल खोदेंशो बाक्‍नीम। आंम मुने ङा बोग्‍यो ग्रुंइनीम। दोक्‍शो सोरुल खोदेंशो बाक्‍नीम। मेको आन कली नेल्‍ल क्‍येङा मरिम्‍शो छिङछिङ ङा बाक्‍तीके वोइश्‍शो बाक्‍ब। यसैया ५७:२०

यहूदा 1:6

परमप्रभु यावे आ स्‍वर्ग ङा गेय पाइब का निक्‍शीमी परमप्रभु यावे कली मटिथु आन बाक्‍तीके प्रोंइतेक्‍म। परमप्रभु यावेमी मेको आन कली ठेयब निसाफ पची नाक्‍त सम्‍म गेना हना यो मप्रोंइचा ङा पा साङलोमी पाइश्‍शा, नेल्‍ल क्‍येङा मरिम्‍शो बाक्‍तीक छिङछिङमी वोइश्‍शो बाक्‍ब। उत्‍पत्ती ६:२-४