बिलाप 2:8 - Sunuwar Bible

⁸ परमप्रभु यावेमी सियोन आ तमी आ गारो प्रेत्‍चा कली मिम्‍ताक्‍व। मेको आ तारी पुक्‍तीके कीतु। मेकोमी खतम सेल्‍चा कली आ गुइ मतेक्‍ग। मेकोमी गारो नु आ बोल्‍यो सेल्‍तीके निक्‍शी कली रोंका पपाइक्‍तु। मिनु मेको कालेक्‍म ब्रेत्‍ताक्‍स। २राजा २१:१३

बिलाप 2:8 ပူးပေါင်းရင်းမြစ်များ

२ सामुएल 8:2

दाऊदम मोआबी आन कली यो फ्रुवा बाक्‍त। मिनु मेको आन कली खपीम इप्‍पाइक्‍मी बाक्‍त। मिनु डोरी कामी थाप्‍शा भाग सां सेल्‍मी बाक्‍त। भाग निक्‍शी ङा मुर आन कली साइक्‍मी बाक्‍त। मिनु भाग का ङा मुर आन कली प्रोंइमी बाक्‍त। मिनु मोआबीपुकी मेको आ वाइल दुम्‍मा बाक्‍त। मिनु मेकोपुकीम दाऊद कली तिरो थाप्‍चा माल्‍मा बाक्‍त। १सामुएल २२:३

२ राजा 21:13

गो सामरीया कली पुक्‍तीकेमी यरूसलेम कली पुक्‍नुङ। गो आहाब आ खिं कली थाप्‍शो डोरीम यरूसलेम कली थाप्‍नुङ। मुरपुकीम दोपा थाल शेक्‍शा गुक्‍शा वोइक्‍नीमी, मोपा गो यरूसलेम कली शेक्‍शा गुक्‍शा वोइक्‍नुङ।

अय्‍युब 13:21

आं कली श्‍येत मगेयीनी। मिनु इन हिंपाइक्‍तीकेमी आं कली महिंप‍तीन। अय्‍युब ९:३४

यसैया 22:5

मिनु नाक्‍त काम परमप्रभु, मुर नेल्‍ल आन परमप्रभु यावेमी कोंइतीक बेंसीम दिम्‍शा ताइश्‍शा नु ग्रांग्‍ये माग्‍ये पपाइक्‍ब। गारो प्रेश्‍शो डांडा सम्‍म “वारच पने” दे वाइ ब्रेश्‍शो सेंदा नेंसीब।

यसैया 28:17

गो ठीक निसाफ कली गारो प्रोव़ची ना क्‍युक्‍तीक डोरी खोदेंशो सेल्‍नुङ। मिनु ठीक पतीके कली घन्‍टी खोदेंशो सेल्‍नुङ। मिनु मुप्‍सीम मेको जोल पा ख्रुइक्‍तीके खतम सेल्‍ब। ब्‍वाक्‍कुमी फाम्‍सीतीके योल्‍ब।

यसैया 3:26

सहर ङा लाप्‍चो सुर्ता पा रोंका पाइ‍नीम। सहर श्‍येत्‍थ दुम्‍शा, खपीम निश्‍शो मीश मुर खोदेंशो दुम्‍ब” दे परमप्रभु यावेमी देंत।

यसैया 34:11

तन्‍न मेकेर ठेयब चिक्‍ब नु काइश्‍श आन बाक्‍तीके दुम्‍ब। मेकेर हुहुचील नु खदपुकी बाक्‍नीम। परमप्रभुमी मेको रागी कली ग्रांग्‍ये माग्‍ये सेल्‍ब। आ ठेयब मुर मार पचा दो पचा दुम्‍नीम।

यसैया 5:5

मिनु मुल गो आं अङगुर रू कली मार पाइनुङा, इन कली देंनुङ। आ थरपु नेल्‍ल ग्रुंइनुङ। मिनु मार मार ओव़नीम। आ गारो नेल्‍ल प्रेश्‍शा ताइक्‍नुङ। मिनु दिम्‍शा ताइश्‍शा पाइनीम।

येरमीया 14:2

“यहूदा रोंका पाइब। मेको आ सहर ङा ठेयब लाप्‍चोपुकी सक्ति मपाइश्‍शो दुम्‍शो बाक्‍नीम। मेकोपुकी रू आ पर्बम सुर्ता पाइनीम। मिनु यरूसलेम आ वाइ ब्रेश्‍शो सरीङ सम्‍म जाक्‍दीश्‍शो बाक्‍ब।

येरमीया 5:10

परमप्रभु यावेम आं कली “गे मेको आन अङगुर बोट दिम्‍शा ताइश्‍शा पावो। तन्‍न नेल्‍ल श्‍येत्‍थ मपोक्‍को। मेको आ राशी इत्‍तो। मारदे हना मेको परमप्रभु यावे आ मुर मनम।

येरमीया 52:13

मिनु मेकोमी परमप्रभु यावे आ खिं, पिप आ दरवार नु यरूसलेम ङा खिं नेल्‍लेम मी सुइक्‍ताक्‍व। मेकोमी ठेयब खिं नेल्‍लेम मी सुइक्‍ताक्‍व।

बिलाप 2:17

परमप्रभु यावेमी मार मिम्‍ता नु ङोंइती मार पाइनुङ देंमे, मेको पाप्‍तु। साइ ङोंइती हिंच कोंइशा देंशो लोव़ मुल पाप्‍तु। मेकोमी शिशी मपथु, नेल्‍ल खतम सेल्‍तु। मिनु इ जोरी सत्रु आन कली इ पर्बम ग्‍येरपाइक्‍तु। इ जोरी सत्रु आन सक्ति ठेयब सेल्‍तु।

बिलाप 2:18

गे सियोन आ तमी, आ गारो परमप्रभु कली ठेयब सेंदा पा पुनो। इ प्रेक्‍क खोला खोदेंशो पा नाक्‍दो नाक्‍त यिपतो। याम का यो मनांइ‍सो। शुश ङाक्‍को।

बिलाप 2:2

परमप्रभुमी शिशी मपथु याकूब आ बाक्‍तीक नेल्‍ल खतम सेल्‍तु। मोपा चुरशा यहूदा आ तमी आ गारो हिरशो सहर नेल्‍ल खतम सेल्‍तु। मेकोमी मेको राज्‍य नु आ सासन पाइब आन कली मान मताइब, आइक्‍च सेल्‍तु।

बिलाप 2:5

मुल परमप्रभु सियोन आ जोरी सत्रु खोदेंशो दुम्‍त। मेकोमी इस्राएल कली खतम सेल्‍तु। आ दरवार नेल्‍ल आन कली खतम पोक्‍तु। आ गारो ङा लाइश्‍शो खिं नेल्‍ल प्रेत्‍तु। मिनु यहूदा आ तमी कली शुश रोंका नु हिशेक पपाइक्‍तु।

इजीकीएल 20:22

तन्‍न गो आं गुइ तेक्‍ता। मिनु गो रागी ङा मुर आन ङोंइती मेको आन कली इजीप्‍त रागी रे ग्रुंइताक्‍ङ। गो आं नें मेको रागी रागी ङा मुर आन ङोंइती मरिम्‍शो मदुम्‍ल, दे मोदेंशो पाता।