बिलाप 2:7 - Sunuwar Bible

⁷ परमप्रभुम आंम कली चढ़ेतीक नु आ बाक्‍तीके निम्‍फा प्रोंइतु। मेको आन दरवार ङा गारो जोरी सत्रु आन गुइमी गेप्‍तु। मोपा मेकोपुकीमी परमप्रभु यावे आ खिंमी चाड ङा नाक्‍त खोदेंशो पा रेयके पाम्‍तेक्‍म।

बिलाप 2:7 ပူးပေါင်းရင်းမြစ်များ

२ राजा 25:9

मिनु मेकोमी परमप्रभु यावे आ खिं, पिप आ दरवार, यरूसलेम सहर ङा खिं नेल्‍ल नु ठेयब खिं नेल्‍ल मी सुइक्‍ता बाक्‍त।

२ इतिहास 36:19

मेकोपुकीम परमप्रभु आ खिंम मी सुइक्‍तमे बाक्‍त। यरूसलेम सहर ङा गारो प्रेत्‍मे बाक्‍त। मिनु मेकोपुकीम सहर ङा दरवार नेल्‍लेम मी सुइश्‍शा, आगा बाक्‍शो शोंप खतम सेल्‍मे बाक्‍त। येरमीया २६:६

भजन संग्रह 89:39

गे इन गेय पाइब नु पशो कबल प्रोंइशो बाक्‍तीनी। गे मेको आ सिरपेच खपीम ताइश्‍शा, ग्रांग्रा दिशो सेल्‍तीनी।

यसैया 64:9

परमप्रभु यावे, शुश मगाइक्‍तीने। आंइ मरिम्‍शो पशो गेना हना यो ममिम्‍तीन। आंइ कली कोव़ङीन, गो नेल्‍ल इन मुर बाक्‍नीकी।

येरमीया 21:4

“परमप्रभु यावे, इस्राएली आन परमप्रभुमी मार लोव़ पाप्‍तु देंशा हना, गे सिदकीयाह कली ‘गारो आ लाङगाम बाक्‍शो इन कली पुम्‍ब बेबीलोन ङा पिप नु कल्‍दी नु लडाइ पशो इन गुइ ङा यापुकी इन गे लेप्‍पाइक्‍नुङ। मिनु गो मेको आन कली खुप्‍शा, एको सहर आगाम ओंइनुङमी।

येरमीया 26:18

“यहूदा ङा पिप हिज्‍कीयाह आ पालाम मोरेशेथ ङा मीकाहम परमप्रभु यावे आ लोव़ पशो बाक्‍त। मेकोमी यहूदा ङा मुर नेल्‍ल आन कली ‘मुर नेल्‍ल आन परमप्रभु यावेम सियोन कली रू खोदेंशो पा वाक्‍सीब। यरूसलेम चहिं फुल्‍लु तेल्‍शो खोदेंशो दुम्‍ब। परमप्रभु यावे आ खिं चहिं रवापुकी वाशा सुम्‍शो डांडा खोदेंशो दुम्‍ब’ देंशो बाक्‍त” देंतेक्‍म। मीका १:१; मीका ३:१२; येरमीया ९:१०

येरमीया 26:6

गो मेको खिं कली शिलो खोदेंशो सेल्‍नुङ। मिनु मेको सहर कली रागी नेल्‍ल ङा मुर नेल्‍ल आन दातेमी सराप राइब सेल्‍नुङ’ देनो” देंत। २राजा २५:९; येरमीया ७:१२

येरमीया 32:29

एको सहर कली लडाइ तोइब कल्‍दी जाक्‍शा मी सुइक्‍नीम। तेको खिं तारी आं कली गाइक्‍पाइक्‍चा कली बाल देवता कली चढ़ेमे नु देवी देवता आन कली तूचा थोव़क चढ़ेशा लुक्‍‍तमे, मेको नेल्‍ल क्रोइक्‍नीम। येरमीया १७:१३

येरमीया 39:8

कल्‍दीपुकीम पिप आ दरवार नु मुर आन खिंम मी सुइक्‍ताक्‍मे। मिनु यरूसलेम ङा गारो प्रेत्‍तेक्‍म।

येरमीया 4:26

मिनु कोव़ङुनु, रिम्‍शो खप बाक्‍शो रू नेल्‍ल गोरशो रागी दुम्‍तेक्‍म। मिनु मेकेर ङा सहर नेल्‍ल ब्रेश्‍शो बाक्‍तेक्‍म। मोदेंशो पा परमप्रभु यावेमी आ शुश गाइक्‍तीकेमी पाप्‍तु” देंती।

येरमीया 4:27

मिनु परमप्रभु यावेम मार, देंत देंशा हना “रागी नेल्‍ल मुर मबाक्‍तीके दुम्‍त हना यो, गो मेको नेल्‍ल मक्‍याम्‍नुङमी। येरमीया ५:१८; येरमीया १०:२४; येरमीया १८:३-८; आमोस ९:८

येरमीया 50:28

मिनु परमप्रभुमी “नेनीन, बेबीलोन रे प्रोक्‍ब मुर नु मेकेर बाक्‍ब अर्को रागी रे प्रोक्‍शो मुरुम सियोनम ‘परमप्रभु यावे, आंइ परमप्रभुमी क्‍येक्‍क लेप्‍ब। आ खिं आ पर्बम क्‍येक्‍क लेप्‍ब’ दे नेल्‍लेम नेंचा ङा पा शेंनीम।

येरमीया 52:13

मिनु मेकोमी परमप्रभु यावे आ खिं, पिप आ दरवार नु यरूसलेम ङा खिं नेल्‍लेम मी सुइक्‍ताक्‍व। मेकोमी ठेयब खिं नेल्‍लेम मी सुइक्‍ताक्‍व।

बिलाप 1:4

सियोन लतीक लां रोंका पाइनीम। मारदे हना सुइमी चाड मानेचा कली मेकेर रे मगाक्‍नीम। सहर ङा ठेयब लाप्‍चो नेल्‍ल श्‍येत्‍थ बाक्‍नीम। आ चढ़ेबपुकी हुकयी पाइनीम। आ मीश आल सुर्ता पाइनीम। मिनु सहरम श्‍येत जशो बाक्‍ब।

बिलाप 2:1

परमप्रभु गाइश्‍शा, सियोन आ तमी कली मुने तोक्‍तु। इस्राएल आ दारस कली सरीङ रे पा रागीमी तोक्‍तु। आ गाइश्‍शो नाक्‍ती आंम खोइल वोइक्‍तीक सियोन कली यो प्रेंताक्‍व। भजन संग्रह १३२:७-८

बिलाप 2:5

मुल परमप्रभु सियोन आ जोरी सत्रु खोदेंशो दुम्‍त। मेकोमी इस्राएल कली खतम सेल्‍तु। आ दरवार नेल्‍ल आन कली खतम पोक्‍तु। आ गारो ङा लाइश्‍शो खिं नेल्‍ल प्रेत्‍तु। मिनु यहूदा आ तमी कली शुश रोंका नु हिशेक पपाइक्‍तु।

इजीकीएल 24:21

मार लोव़ पाप्‍तु देंशा हना ‘इस्राएल आ खिं ङा मुर आन नेल्‍ल क्‍येङा दाक्‍शो, इन सक्ति, इन कोव़त दाक्‍शो नु थुंम दाक्‍शो आं बाक्‍तीक गो ग्रांग्रा दिशो सेल्‍नुङ। मिनु इन प्रोंइशा वोइश्‍शो इन तमी तौ तरवारम साइक्‍चा पुंइसीनीम

इजीकीएल 7:24

गो रागी रागी ङा नेल्‍ल आन क्‍येङा मरिम्‍शो पाइब मुर आन कली मेको आन खिं रोइक्‍पाइक्‍नुङ। गो बोल्‍यो मुर आन ठेयब लेत्‍तीक नुप्‍पाइक्‍नुङ। मिनु मेको आन चोव़खो बाक्‍तीके ग्रांग्रा दिशो दुम्‍नीम।

लेवी 26:31

गो इन सहर गोरशो रागी खोदेंशो सेल्‍नुङ। मिनु इन पूजा पतीके थान श्‍येत्‍थ सेल्‍नुङ। गो इन ब्रोव़शो धूप आन रिना मनाम्‍नुङ।

लेवी 26:44

मिनु मोदेंशो पाम्‍तेक्‍म हना यो, गो मेको आन कली आन जोरी सत्रु आन रागीमी कोव़शा, ग्रांग्रा दिशा खतम मसेल्‍नुङमी। मिनु मेकोपुकी नु पशो आं कबल मप्रोंइनुङ। मारदे हना गो परमप्रभु यावे, मेको आन परमप्रभु नङ। होसे ११:९

आमोस 2:5

मोपतीके गो यहूदा रागीम मी सुइक्‍नुङ। मेकोमी यरूसलेम ङा बोल्‍यो दरवार खतम पोक्‍ब” दे परमप्रभु यावेमी देंत। होसे ८:१४

मीका 3:12

मोपा इन पतीके सियोन वाक्‍शो रू दुम्‍ब। यरूसलेम ब्रेश्‍‍शो खिं ङा फुल्‍लु देल्‍तीके दुम्‍ब। परमप्रभु यावे आ खिं ङा डांडा ब्‍वाकी दुम्‍शो बाक्‍ब” देंत। भजन संग्रह ७९:१; येरमीया ९:१०; येरमीया २६:१८

मत्ती 24:2

मिनु येसुमी “मुल ओमो ठेयब नु दारपा सेल्‍शो ताइतीनी। नोफा दाइश्‍शा नेनीने, नोले ब्रेश्‍शा, फुल्‍लु का यो ख्रोप्‍शा मलीब” देंत। लूका १९:४४