बिलाप 2:20 - Sunuwar Bible

²⁰ “परमप्रभु यावे कोव़ङीन। गे सु कली ओदेंशो पा श्‍येत गेनी। मार मीश मुरपुकीमी आंम आल आन कली ब्‍वचा माल्‍नीमी? मार इन कली चढ़ेब नु इन लोव़ पाइबपुकी इन बाक्‍तीकेमी साइक्‍चा पुंइसीचा माल्‍नीनी? ब्‍यवस्‍था २८:५३-५७; येरमीया १९:९

बिलाप 2:20 ပူးပေါင်းရင်းမြစ်များ

२ इतिहास 36:17

मिनु परमप्रभुम मेको आन कली लडाइ तोपाइक्‍चा कली कल्‍दी आन पिप कली चाक्‍गा बाक्‍त। मिनु मेकोपुकीमी मेको आन आल आन कली परमप्रभु यावे आ बाक्‍तीक खिंम तरवारम क्‍योरशा सदमे बाक्‍त। मेकोपुकीमी वोंइश आल नु मीश आल आन कली, खाल्‍पा नु खूशो आन कली काइ शिशी मपामे बाक्‍त। परमप्रभुम मेको नेल्‍ल आन कली पिप नेबुकदनेसर आ गुइमी गेमी बाक्‍त।

भजन संग्रह 78:64

मेको आ चढ़ेबपुकी तरवारम क्‍योरचा पुंइसाक्‍म। मिनु मेको आन मीश रोंका पने मचबेम। १सामुएल ४:१७-२०

प्रस्‍थान 32:11

मिनु मोसामी परमप्रभु यावे कली “परमप्रभु यावे, आं परमप्रभु, इन मुर आन पर्बम मारदे गाइक्‍तीनी? गेमी इन ठेयब सक्तिमी मेको आन कली इजीप्‍त रागी रे ग्रुंइताक्‍नी।

यसैया 22:2

गे, ग्रांग्‍ये माग्‍ये नु रेयकेम ब्रीशो सहर, इ बेक्‍शो मुरपुकी तरवारम क्‍योरशा साइश्‍शो मनम। लडाइम साइश्‍शो यो मनम।

येरमीया 19:9

मेको आन कली आन तमी तौ आन श्‍ये ब्‍वपाइक्‍नुङमी। सहर पुम्‍तीके मुर नेल्‍ल आन नेक्‍था ङा मुर आन श्‍ये ब्‍‍वाइनीम। आन जोरी सत्रु नु मेको आन कली साइक्‍चा माल्‍ब आन गेशो श्‍येतम मोदेंशो पाइनीम। लेवी २६:२९; ब्‍यवस्‍था २८:५३

येरमीया 21:7

मिनु नोले परमप्रभु यावेमी ‘गो यहूदा ङा पिप सिदकीयाह, मेको आ गेय पाइबपुकी नु मेको सहर ङा बेक्‍तीक रोइ, तरवार नु अन्‍काल रे ब्रोंइशो मुर आन कली बेबीलोन ङा पिप नेबुकदरेसर आ गुइम गेनुङमी। गो मेको आन कली साइक्‍चा माल्‍ब आन जोरी सत्रु आन गुइम जिम्‍मा गेनुङमी। मिनु मेकोमी मेको आन कली तरवारम साइक्‍पाइक्‍ब। मेकोमी मेको आन कली शिशी मपथु, मप्रोंइब नु दाक्‍तीके मकोंइथु, साइक्‍पाइक्‍ब’ मतीस” दे माइक्‍तीम्‍सी।

येरमीया 5:31

परमप्रभु यावे आ लोव़ पाइबपुकीम जोल पा लोव़ पाइनीम। दोपा परमप्रभु यावे आ लोव़ पाइबपुकीम जोल पा लोव़ पाइनीमी, मोपा चढ़ेबपुकीम मुर आन कली हुकुम पाइनीम। मिनु आं मुरपुकी चहिं मोदेंशोन दुम्‍चा दाक्‍नीम। तन्‍न नोले ङा नाक्‍ती मार, पाइनीनी?” देंत। इजीकीएल १३:६

बिलाप 1:19

गो आं दाक्‍शो मुर आन कली ब्रेत्‍ताक्‍ङ। तन्‍न मेकोपुकीमी आं कली प्रोंइतीमी। आं चढ़ेब नु खाल्‍पा आन बोल लेप्‍पाइक्‍चा कली जचा थोव़क माल्‍न माल्‍ना सहरम बेक्‍तेक्‍म।

बिलाप 4:10

ब्रेम्‍शो थुं पाइश्‍शो मीश मुरपुकीमी आंम आन आल क्‍येम्‍तेक्‍म। मेको आन जचा थोव़क दुम्‍त। गो आ मुर आन कली खतम सेल्‍तीके मोदेंशो दुम्‍त। येरमीया २:२०

बिलाप 4:13

परमप्रभु यावे आ लोव़ पाइब आन पाप नु चढ़ेब आन मरिम्‍शो पशो आन पर्बम मो दुम्‍शो बाक्‍त। मेकोपुकीमी सहर आ दातेम ठीक पाइब मुर आन कली हुश ख्राक्‍श पोक्‍‍तेक्‍म।

बिलाप 4:16

परमप्रभु यावेमी मेको आन कली मोपा ब्रपाइक्‍तीमी। मुल लेंशा मेको आन कली शिशी मपाइक्‍ब। सुइमी चढ़ेब आन कली मान मपामे। खाल्‍पा आन कली यो महिक्‍गेम। येरमीया २:६; येरमीया ५:१२; लेवी १९:३२

इजीकीएल 5:10

थमा पा, इ दातेमी आम आफोम आन आल आन कली ब्‍वाइनीम। मिनु आलम यो आन आंम आफ आन कली ब्‍वाइनीम। गो इ कली सजाइ गेनन। मिनु इ लीशो मुर आन कली फशेम एर ओंथ बेरपाइक्‍नुङमी। ब्‍यवस्‍था २८:५३-५५

इजीकीएल 9:7

मिनु मेकोमी मेको आन कली “आं खिं ग्रांग्रा दिशो सेलीन। साइश्‍‍शो मुर आन कली लाङगाम प्रिंदीने, लने” दे माइक्‍तीमी। मोपतीके मेकोपुकी सहरम लशा, मुर आन कली साइक्‍तेक्‍म।

लेवी 26:29

गेपुकीमी इन तमी तौ आन श्‍ये ब्‍वचा माल्‍नीनी।

ब्‍यवस्‍था 9:26

मिनु गो परमप्रभु यावे कली ‘परमप्रभु, इन मुर आन कली मक्‍याम्‍दीन। गे मेको आन कली प्रोंइशा इन शुश सक्ति पाइश्‍शोमी इजीप्‍त रागी रे ग्रुंइताक्‍नी।