बिलाप 2:17 - Sunuwar Bible

¹⁷ परमप्रभु यावेमी मार मिम्‍ता नु ङोंइती मार पाइनुङ देंमे, मेको पाप्‍तु। साइ ङोंइती हिंच कोंइशा देंशो लोव़ मुल पाप्‍तु। मेकोमी शिशी मपथु, नेल्‍ल खतम सेल्‍तु। मिनु इ जोरी सत्रु आन कली इ पर्बम ग्‍येरपाइक्‍तु। इ जोरी सत्रु आन सक्ति ठेयब सेल्‍तु।

बिलाप 2:17 ပူးပေါင်းရင်းမြစ်များ

१ राजा 9:7

गो इस्राएली आन कली आं गेशो रागी रे खेरनुङमी। मिनु एको आं कली सेल्‍शो खिं कली प्रोंइशा मकोव़नुङ। मिनु इस्राएली चहिं मुर नेल्‍ल आन दातेमी मुने दोक्‍शा, ग्रांग्रा दित्‍तीक दुम्‍नीम। ब्‍यवस्‍था ४:२६; ब्‍यवस्‍था ८:१९-२०; मत्ती २३:३८

भजन संग्रह 35:24

परमप्रभु यावे, आं परमप्रभु, इन ठीक पतीकेम आं कली निसाफ पने। आं पर्बम मेकोपुकी ग्‍येरचा मतामेक्‍ल।

भजन संग्रह 35:26

गो श्‍येत जङानु, आं पर्बम रिप्‍ब नेल्‍ले मुने दोक्‍मल। मिनु मेको “क्‍येङा ठेयब नकी” देंबपुकी मुने दोक्‍शा आइक्‍च सेल्‍चा पुंइसीमल।

भजन संग्रह 38:16

मिनु गो “मेकोपुकीमी आं पर्बम शुक्‍शी पा ग्‍येरचा मतामेक्‍ल। आं कली ग्रेक्‍शो तशा, बोरचा मतामेक्‍ल” देंती।

भजन संग्रह 89:42

गे मेको आ जोरी सत्रु आन कली बोल्‍यो सेल्‍तीनी। गे मेको आ जोरी सत्रु नेल्‍ल आन कली ग्‍येरपाइश्‍शो बाक्‍तीनी।

भजन संग्रह 89:43

गे मेको कली ब्रुपाइक्‍तीनी। मिनु लडाइमी वारच मपाइक्‍नी।

यसैया 14:29

“ए पलिस्‍तीपुकी, इन कली तुप्‍ब कोक्‍के जिक्‍त, दे मग्‍येरसीन। मारदे हना बुस्‍स आ चच युइ रे बीस पाइश्‍शो बुस्‍स का ग्रूब। मेको रे बीस पाइश्‍शो बेरब बुस्‍स का ग्रूब।

येरमीया 18:11

मोपतीके गे यहूदा ङा मुर आन कली नु यरूसलेममी बाक्‍ब मुर आन कली परमप्रभु यावेम इन कली मार देंत देंशा हना ‘नेनीन, गो इन कली मरिम्‍शो पाइ‍नुङ। गो इन कली श्‍येत गे‍नुङ। मोपतीके गे इन मरिम्‍शो लां रे लेतीन। मिनु इन लां नु इन पतीके रिम्‍शो सेलीन’ देंनो। येरमीया ७:३

येरमीया 4:28

मोपतीके रागीम रोंका पचा माल्‍ब। मिनु सरीङ छिङछिङ दुम्‍चा माल्‍ब। मारदे हना गो लोव़ पाता। गो ङोंइती मिम्‍ताक्‍ङ। आं थुं मलेप्‍ब। आं थुं महिरब।

येरमीया 40:3

मुल परमप्रभु यावेम एको रागी क्‍याम्‍ताक्‍व। मिनु मेकोमी आ देंशो खोदेंशो पाप्‍तु। मारदे हना गेपुकीम परमप्रभु यावे कली पाप पाइतीनी। मिनु मेको आ देंशो मटिनी। मोपतीके इन कली ओदेंशो दुम्‍त।

बिलाप 1:5

मेको आ जोरी सत्रु आ होव़प दुम्‍तेक्‍म। मेको आन माल्‍शो शुश ताइनीम। मारदे हना परमप्रभु यावेमी मेको आ शुश हेंथे पशो तशा, यरूसलेम कली श्‍येत गेप्‍तु। मेको आ आल ग्‍याइश्‍शा लाइक्‍चा पुंइसीशा, आन जोरी सत्रु आन ङोंइती लाम्‍तेक्‍म।

बिलाप 2:8

परमप्रभु यावेमी सियोन आ तमी आ गारो प्रेत्‍चा कली मिम्‍ताक्‍व। मेको आ तारी पुक्‍तीके कीतु। मेकोमी खतम सेल्‍चा कली आ गुइ मतेक्‍ग। मेकोमी गारो नु आ बोल्‍यो सेल्‍तीके निक्‍शी कली रोंका पपाइक्‍तु। मिनु मेको कालेक्‍म ब्रेत्‍ताक्‍स। २राजा २१:१३

बिलाप 3:43

गे चुर‍शा आंइ कली खेदा पाइतीनी। काइ शिशी मपथु साइक्‍तीनी।

बिलाप 4:11

परमप्रभु यावेमी आ चुरशो नेल्‍ल कोंइताक्‍व। मेकोमी आ हिंचा ङा पा गाइश्‍शो नेल्‍ल कोंइताक्‍व। मोपा सियोनम मी सुइक्‍ताक्‍व। मिनु मेकेर ङा जग नेल्‍ल दाक्‍तु।

इजीकीएल 5:11

मोपतीके परमप्रभु, परमप्रभु यावेमी ‘गो ब्रोंइशा बाक्‍शो खोदेंशो पा, मो पाइनुङ। मारदे हना इ मूर्ति नु इ ग्रांग्रा दिशो गेयम आं बाक्‍तीक ग्रांग्रा दिशो सेल्‍तीके, गो इ कली खतम सेल्‍नुङ। गो इ कली शिशी मपथु सुइ आन कली ब्रोंइचा मगेनुङ। इजीकीएल ७:४; इजीकीएल ८:७-१८

इजीकीएल 8:18

मोपतीके गो मेको आन कली आं गाइक्‍तीकेम गेय पाइ‍नुङ। गो मेको आन कली शिशी मपथु, सुइ आन कली ब्रोंइचा मगेनुङ। मेकोपुकीम ठेयब सेंदा पा पुंइशा ग्रीतेक्‍म हना यो, मेको आन लोव़ मनेंनुङ” देंत। इजीकीएल ७:४; यसैया १:१५

इजीकीएल 9:10

मोपतीके गो मेको आन कली शिशी मपथु सुइ आन कली ब्रोंइचा मगेनुङ। मेको आन पशो खोदेंशो पा सजाइ गेनुङमी” देंत। इजीकीएल ७:४

दानीएल 9:12

मिनु गे आंइ पर्बम नु आंइ निसाफ पाइब आन पर्बम इन देंशो लोव़ खाप्‍तीनी। यरूसलेम कली गेशो खोदेंशो श्‍येत रागी नेल्‍ल आन कली गेनायो मदुम्‍शो बाक्‍त।

मीका 2:3

मोपतीके परमप्रभु यावेमी मार देंत देंशा हना “गो मेको आन खिं ङा मुर आन कली श्‍येत गेनुङ। मेको रे आंम कली प्रोंइने मचाप्‍नीम। ठेयब लेश्‍शा गाक्‍ने मचाप्‍नीम। मारदे हना मेको थम श्‍येत जतीक नाक्‍त बाक्‍ब। आमोस ५:१३

सेफन्‍याह 1:2

परमप्रभु यावेमी मार लोव़ पाप्‍तु देंशा हना “गो रागी नेल्‍ल ङा मारेइ मारेइ खतम सेल्‍नुङ।

जकरिया 1:6

तन्‍न गो आं गेय पाइब, आं लोव़ पाइब आन कली पशो लोव़ नु आं फुल्‍लुम मुशा ब्रेक्‍शो लोव़ इन किकी पिपी आन पाला रे मुल सम्‍म मबाक्‍म ङा?’ मिनु मेकोपुकी परमप्रभु यावे गे लेत्‍चा माल्‍‍शा, मेकोपुकीमी ‘मुर नेल्‍ल आन परमप्रभु यावेमी आंइ मरिम्‍शो लां नु आंइ मरिम्‍शो पशो आ पर्बम आ देंशो खोदेंशो पा पाप्‍तु’ देंतेक्‍म” दे मुर नेल्‍ल आन परमप्रभु यावेमी देंत।