बिलाप 2:16 - Sunuwar Bible

¹⁶ इ जोरी सत्रु नेल्‍लेमी इ पर्बम मरिम्‍शो लोव़ पा शुक्‍शी पाइनीम। मेकोपुकीमी आन गाइक्‍तीकेमी “गो मेको कली खतम सेल्‍तक। एको नाक्‍ती कोव़चा कली रिम्‍ताक्‍क। मुल गो ताइतक” देंनीम।

बिलाप 2:16 ပူးပေါင်းရင်းမြစ်များ

भजन संग्रह 109:2

मारदे हना इन अरेशो मटीब नु जोल पाइबपुकीमी आं पर्बम जोल पा लोव़ पाइनीम।

भजन संग्रह 112:10

मिनु परमप्रभु आ अरेशो मटीबपुकीमी मेको नेल्‍ल तशा आन थुं खुरसीनीम। मेको आन ख्रुइ शेप्‍शा, थाम्‍पा गाइक्‍नीम। मेको आन मिम्‍शो गेनायो मजाक्‍दीप्‍ब।

भजन संग्रह 124:3

मेकोपुकीमी आंइ कली तशा गाइक्‍तमेनु, आंइ कली सेलीन दाक्‍गेम वा।

भजन संग्रह 22:13

शोव़लु बेक्‍शा ग्रीशो गुप्‍स खोदेंशो पा आन शोव़ पाक्‍शा, ग्राम्‍चा चिक्‍ताक्‍यीमी।

भजन संग्रह 35:16

मेकोपुकी नेल्‍ल क्‍येङा मरिम्‍शो दुम्‍शा, शुक्‍शी पा, आन ख्रुइ शेप्‍नीम।

भजन संग्रह 35:21

मेकोपुकीमी ठेयब शोव़ सेल्‍शा, आं पर्बम “आहा आहा, आंइ मिक्‍चीम तचा ताइतक” देंनीम।

भजन संग्रह 35:25

मेकोपुकीमी आन थुंमी “आहा, आंइ मिम्‍शो दुम्‍त” देंचा मतामेक्‍ल। मेकोपुकीमी “गो मेको कली खतम पोक्‍तक” देंचा मतामेक्‍ल।

भजन संग्रह 37:12

मिनु परमप्रभु आ अरेशो मटीबपुकीमी ठीक पाइब मुर आन पर्बम “दोपा श्‍येत गेचा नमी” दे मिम्‍शा, आन ख्रुइ शेप्‍शो बाक्‍नीम।

भजन संग्रह 41:8

मेकोपुकीमी “मेको कली बेक्‍तीक रोइमी ग्‍याइश्‍शो बाक्‍ब, आ गोल्‍तीक रे मबोक्‍ब” देंनीम।

भजन संग्रह 56:2

नेल्‍ल क्‍येङा ठेयब, नाक्‍त रे आं कली दिप्बपुकीमी आं कली श्‍येत गेनीमी। आं कली खेदा पाइब शुश बाक्‍नीम।

भजन संग्रह 57:3

मेकोमी स्‍वर्ग रे वारच पाइब सोइश्‍शा, आं कली प्रोंइब। मिनु आं कली खेदा पाइब आन कली हुइक्‍ब। ठेयब सेंदा पा। परमप्रभुमी आं कली गेना हना यो दाक्‍ब। आ दाक्‍शा मप्रोंइतीकेमी आं कली कोव़ब।

यसैया 49:19

थमा पा इ प्रेश्‍शो खिं, मुर मबाक्‍शो रागी नु इ खतम दुम्‍शो रागीम मुर मरिक्‍थ्री दुम्‍नीम। इ जोरी सत्रु ङोन लाइनीम।

येरमीया 26:6

गो मेको खिं कली शिलो खोदेंशो सेल्‍नुङ। मिनु मेको सहर कली रागी नेल्‍ल ङा मुर नेल्‍ल आन दातेमी सराप राइब सेल्‍नुङ’ देनो” देंत। २राजा २५:९; येरमीया ७:१२

येरमीया 29:18

गो मेको आन कली तरवार, अन्‍काल नु बेक्‍चा ङा रोइमी खेदा पाइनुङमी। मिनु गो मेको आन कली राज्‍य नेल्‍लेमी शुश हिंचा ङा सेल्‍नुङमी। मेकोपुकी आं खेरशो रागी नेल्‍ल आन दातेमी, सराप पाइक्‍तीके, शुश हिंतीके, शुक्‍शी पाइक्‍तीके नु मुने तोक्‍तीके सेल्‍नुङमी। ब्‍यवस्‍था २८:३७

येरमीया 50:17

इस्राएल गुप्‍सपुकीम खेदा पा एर ओंथ ब्रपाइश्‍शो भेडा खोदेंशो दुम्‍शो बाक्‍ब। मेको कली ङोंइती अस्‍सुर ङा पिपम दाक्‍तु। मिनु नेल्‍ल क्‍येङा नोले बेबीलोन ङा पिप नेबुकदरेसरमी मेको आ रुश नेल्‍ल नेक्‍तु” देंत।

येरमीया 50:7

मेको आन कली थिप्‍बपुकीम मेको आन कली नेक्‍तेक्‍म। मिनु मेको आन जोरी सत्रुमी ‘गो दोसी मनकी। मारदे हना मेकोपुकीमी परमप्रभु यावे कली पाप पाम्‍तेक्‍म। मेको आन ठीक पा जोतीके नु आन किकी पिपी आन आस पशो, परमप्रभु यावे बाक्‍त’ देंतेक्‍म।

येरमीया 51:34

सियोनमी “बेबीलोन ङा पिप नेबुकदरेसरमी आं कली दाक्‍ती। आं कली खतम सेल्‍ती। आं कली श्‍येत्‍थ गर खोदेंशो सेल्‍ती। आं कली अजीङगरम खोदेंशो पा दाक्‍ती। मिनु ब्रोव़शो जचा थोव़कम खोदेंशो पा आ कोव़ज प्रिंताक्‍व। मिनु नोले आं कली ताइक्‍ताक्‍यी।

बिलाप 1:21

मुरपुकीमी आं हुकयी पशो नेंतेक्‍म। आं कली थुं बारपाइक्‍ब सुइ मबाक्‍नीम। आं जोरी सत्रु नेल्‍लेमी आं श्‍येत जशो आ पर्बम नेंतेक्‍म। आं कली मोदेंशो दुम्‍शो तशा ग्‍येरसाक्‍म। गे इन देंशो नाक्‍त जाक्‍ल। मेकोपुकी यो आं खोदेंशो पा श्‍येत जामेक्‍ल। येरमीया ४:२१

बिलाप 3:46

आंइ जोरी सत्रु नेल्‍लेम आन शोव़ रोक्‍शा शुक्‍शी पाम्‍तेक्‍म।

इजीकीएल 23:32

परमप्रभु, परमप्रभु यावेमी “गे इ लोक्‍ब आ कचौरा तूचा माल्‍नेवे। मेको ठेयब श्‍येत जतीक बाक्‍ब। गे फाल्‍ने मचाप्‍चा ङा शुक्‍शी पाइक्‍चा पुंइसीब दुम्‍नेवे। मारदे हना इ श्‍येत ठेयब दुम्‍‍ब।

इजीकीएल 25:15

परमप्रभु, परमप्रभु, यावेमी “मारदे हना पलिस्‍तीपुकीम गेना हना यो जोरी सत्रु दुम्‍शा, क्‍येक्‍क लेत्‍ताक्‍म। आन थुंम ईख कुरशा, क्‍येक्‍क लेश्‍शा खतम सेल्‍‍तेक्‍म। यसैया १४:२९-३२; येरमीया ४७:-; आमोस १:६-८; सेफन्‍याह २:४-५

इजीकीएल 25:3

अम्‍मोनी आन कली ‘परमप्रभु यावे आ लोव़ नेनीन। परमप्रभु, परमप्रभु यावेमी इन कली मार देंब देंशा हना, आं बाक्‍तीक ग्रांग्रा दिशो सेल्‍मेनु, इस्राएल रागी मुर मबाक्‍तीके सेल्‍मेनु नु यहूदा आ खिं ङा मुर ग्‍याइश्‍शा लाइक्‍चा पुंइसमानु, गेपुकी ग्‍येरसाक्‍नी। इजीकीएल ३६:२; बिलाप २:१६

इजीकीएल 25:6

मारदे हना परमप्रभु यावेमी “गेपुकी इस्राएल रागी आ पर्बम इन गुइ फ्रोक्‍शा, खोइल थाइश्‍शो बाक्‍तीनी। मिनु इन थुंम ईख कुरशो नेल्‍ल ग्रुंइशा ग्‍येरसाक्‍नी।

इजीकीएल 36:3

मोपतीके आं लोव़ पावो, परमप्रभु, परमप्रभु यावेमी ‘मारदे हना मेकोपुकीम इन कली नेल्‍ल मुर मबाक्‍तीके सेल्‍शा, एर ओंथ रे श्‍येत गेम्‍तेक्‍म। मिनु गे रागी रागी ङा लीशो मुर आन रागी दुम्‍तीनी। मिनु गे मुर आन दातेम शुक्‍शी पाइक्‍तीक दुम्‍शो बाक्‍तीनी।

इजीकीएल 5:15

गो आं गाइक्‍तीक नु चुरतीकेम इ कली निसाफ पाइनुङ। मिनु गे शुक्‍शी पाइक्चा पुंइसीतीके, मुने दोक्‍तीके नु हिंच कोंइतीके नु शुश हिंचा ङा दुम्‍नेवे। गो परमप्रभु यावेमी, एको लोव़ देंती।

होसे 8:8

इस्राएल खतम पोक्‍चा पुंइसाक्‍व। मुल मेकोपुकी रागी रागी ङा मुर आन दातेमी शोर गाक्‍‍शो मुर खोदेंशो दुम्‍शो बाक्‍नीम। येरमीया २२:२८

मीका 4:11

मुल शुश रागी रागी ङा मुर इ पर्बम दूली पा बोक्‍शा ‘सियोन ग्रांग्रा दिशो दुम्‍‍ल। गो मेको कली कोव़ना कोव़न बाक्‍चा तांइसेक्‍ल’ देंनीम” देंत।

प्रेरित 7:54

स्‍तीफानसमी मोदें हुइक्‍तीमीनु, नेल्‍ल गाइश्‍शा, लल गोंगों जिशा, ख्रुइ शेप्‍शा प्रेक्‍मा बाक्‍त।