बिलाप 2:11 - Sunuwar Bible

¹¹ गो ङाक्‍ना ङाक्‍न बाक्‍नुङ। आं थुं चोइब। आं थुं खाइक्‍ब। मारदे हना आं मुर खतम दुम्‍तेक्‍म। आल नु दूध तूब आलपुकी सहर ङा लांम शोव़लु बेक्‍नीम।

बिलाप 2:11 ပူးပေါင်းရင်းမြစ်များ

अय्‍युब 16:13

आ लिब्रा आप्‍बपुकीम आं एर ओंथ नेल्‍ल हिरशो बाक्‍नीम। मेकोम आं कली शिशी मपथु, आं चिच ख्रित्‍ताक्‍यी। मेकोम आं खाइल पुक्‍शा खपीम तोक्‍तु।

अय्‍युब 30:27

आं थुं गेना हना यो ग्‍येत्‍थ लुक्‍च दुम्‍ब। गो गेना हना यो श्‍येत जचा माल्‍नुङ।

भजन संग्रह 119:82

गो इन थोक्‍शा पशो लोव़ शुश रिम्‍ना रिम्‍न बाक्‍नुङ। मिनु “आं कली गेना लेम्‍नीनी?” दे हिल्‍लो पाइनुङ।

भजन संग्रह 22:14

गो लुक्‍शो ब्‍वाक्‍कु खोदेंशो दुम्‍ती। आं रुश नेल्‍ल गलाक गुलुक दुम्‍तेक्‍म। आं लुङगीर मयीन खोदेंशो दुम्‍शा, यशो बाक्‍ब।

भजन संग्रह 31:9

परमप्रभु यावे, आं कली शिशी पाइय्‍यीनी। मारदे हना गो श्‍येत जशो बाक्‍नुङ। आं थुं लुक्‍च दुम्‍तीके आं मिक्‍च ओव़शो नु आं रां सोव़शो बाक्‍ब।

भजन संग्रह 38:8

गो गलाक गुलुक दुम्‍शा, काइ सक्ति मपाइश्‍शो दुम्‍शो बाक्‍ती। आं थुं ङा श्‍येतम शुश हुक‍यी पाइनुङ।

भजन संग्रह 6:7

सुर्ता पतीके मिक्‍च मताइब खोदेंशो दुम्‍ती। मारदे हना आं जोरी सत्रु शुश बाक्‍नीम।

भजन संग्रह 69:3

गो ‘वारच पने’ दे प्रवा किवा पा दती। आं सेंदा सोव़ती। आं परमप्रभु कली माल्‍शा आं मिक्‍च ब्राब्रा दुम्‍ती।

यसैया 22:4

मोपतीके गो आं कली मकोव़यीनी। गो हुइ हुइ पा ङाक्‍नुङ। आं कली लेम्‍चा थुं मपने। मारदे हना आं दाक्‍शो मुर खतम दुम्‍तेक्‍म” देंत। येरमीया ८:२३

यसैया 38:14

गो बेल्‍लुम नु बोकुला खोदेंशो पा ग्रीती। ढुकुर खोदेंशो पा रोंका पाता। गो शुश ग्‍येत्‍थ कोव़तीके आ मिक्‍च पारताक्‍यी। आं थुं लुक्‍च लत। गो “परमप्रभु, गो श्‍येत जाइनुङ। आं कली वारच पाइय्‍यीनी।

यसैया 51:20

इ आलपुकी थाम्‍तेक्‍म। मेको लांम गोल्‍शो बाक्‍नीम। मेको ब्‍वारदम रेश्‍शो रोकोश खोदेंशो दुम्‍शो बाक्‍नीम। परमप्रभु यावे आ गाइक्‍तीके नु हुइक्‍तीके मोदेंशो दुम्‍शो बाक्‍नीम। बिलाप २:११,१९

येरमीया 14:17

गे मेको आन कली “आं मिक्‍च रे नाक्‍दो नाक्‍ती प्रेक्‍कु यिशा बाक्‍ल। मारदे हना आं मुर, ग्‍युं‍बे मपशो तमी थाम्‍पा श्‍येत जशो बाक्‍ब। ठेयब गार दुम्‍चा ङा पा मेको तुप्‍चा पुंइसीशो बाक्‍ब। येरमीया१३:१७

येरमीया 4:19

मिनु गो हिंती, हिंती। गो श्‍येत जशा हुकयी पाइनुङ। आं लुङगीर खाइश्‍शा, तुक तुक पाप्‍तु। गो सिक्‍सी पा बाक्‍ने मचाप्‍नुङ। मारदे हना गो तुराही ताप्‍शो नें‍ता। मेको लडाइ ङा रेयके बाक्‍ब।

येरमीया 44:7

मिनु मुल मुर नेल्‍ल आन परमप्रभु यावे, इस्राएली आन परमप्रभुमी “मारदे गेपुकीम आंम इन कली मोदेंशो श्‍येत गेनीनी? यहूदा आ दाते रे मीश मुर, वोंइश मुर, आल नु दूध तूब आल नेल्‍ल आन कली तिल्‍पाइश्‍शा, सुइ इन कली मलीपाइक्‍नी। येरमीया ४२:२२

येरमीया 8:19

श्‍येत जशो आं मुर आन ङाक्‍शो नेनीन। ङोन रागी रे नेनीन। मार, परमप्रभु यावे सियोनम मबाक्‍शो बाक्‍बा ङा? मेको आ पिप मेकेर मबाक्‍शो बाक्‍बा? मारदे मेकोपुकीमी आं कली आन मूर्ति नु आन शोर गाक्‍शो अर्को रागी ङा देवी देवता आन पर्बम गाइक्‍पाइय्‍यीमी?

बिलाप 1:11

मेको आ मुर नेल्‍ल हुकयी पा, अन्‍न माल्‍ना माल्‍न गाक्‍नीम। लेंशा बोल्‍यो दुम्‍चा कली आन शोंप लेयनीम। परमप्रभु यावे, मुल आं कली कोव़ङीन। गो महिक्‍सीशो दुम्‍ती” देंती।

बिलाप 1:16

गो मार कली ङाक्‍नुङा, मार कली आं प्रेक्‍क यीनीम देंशा हना, आं कली लेम्‍ब नु आं थुं बारपाइक्‍ब आ क्‍येङा ङोन बाक्‍नीम। आं आल लने थुम्‍तेक्‍म। मारदे हना आं जोरी सत्रु आं क्‍येङा बोल्‍यो बाक्‍तेक्‍म।

बिलाप 1:20

“परमप्रभु यावे कोव़ङीन, गो शुश श्‍येत जाता। गो इन देंशो मटीब दुम्‍‍तीके आं थुं चोती। आं थुं साप्‍पा सेक्‍बेर पाइब। लाङगाम तरवारमी साइक्‍ब। मिनु खिं आगाम बेक्‍तीक बाक्‍ब।

बिलाप 5:17

मोपतीके आंइ थुं खाइक्‍त। मिनु आंइ मिक्‍च ब्रा ब्रा दुम्‍त।

लूका 23:29

मारदे हना काबु एको सहर ङा मुर शुश श्‍येत जाइनीम। मोपा श्‍येत जाक्‍मेनु, आल मथीब नु दूध मतुंइब मीश मुर ग्‍येरसीनीम। मारदे हना शुश श्‍येत दुम्‍ब। लूका २१:२३

१ सामुएल 30:4

मिनु दाऊद नु मेको नु बाक्‍शो मुरपुकी ङाक्‍ने मचाप्‍थ्री ङाक्‍मा बाक्‍त।