बिलाप 1:6 - Sunuwar Bible

⁶ सियोन आ तमी रे पा आ मान पचा पुंइसीतीके नेल्‍ल लने थुम्‍तु। आ पिप आ तौपुकी जोतीकेम थिश्‍‍शो रोको‍श खोदेंशो दुम्‍तेक्‍म। मेको बोल मपाइश्‍शो दुम्‍शा, आन कली खेदा पाइब आन ङोंइती प्रोक्‍ना प्रोक्‍न बाक्‍नीम।

बिलाप 1:6 ပူးပေါင်းရင်းမြစ်များ

२ राजा 19:21

सन्‍हेरीब आ पर्बम परमप्रभु यावे आ देंशो लोव़ मार बाक्‍ब देंशा हना ‘सियोन ङा तमीमी इ कली शुक्‍शी पाइब। मिनु गे प्रोक्‍शा लवेनु, यरूसलेम ङा तमीमी आ पिया हिक्‍ब।

२ राजा 25:4

मेना पिप नु लडाइ पाइब नेल्‍ल गारो होइश्‍शा, नाक्‍दो प्रोक्‍मा बाक्‍त। मेको पिप आ रू रे गारो निक्‍शी आस दाते ङा लाप्‍चो रे कल्‍दीपुकी सहर आ एर ओंथ बाक्‍तेक्‍म हना यो, प्रोक्‍मा बाक्‍त। मोपा मेकोपुकी अराबाह गे प्रोक्‍मा बाक्‍त।

२ राजा 25:5

तन्‍न कल्‍दी ङा लडाइ पाइबपुकीम पिप कली खेदा पामे बाक्‍त। मिनु मेको कली यरीको ङा दिंममी थि‍त्‍मे बाक्‍त। आ लडाइ पाइब नेल्‍ल मेको कली प्रोंइशा एर ओंथ ब्रमा बाक्‍त।

भजन संग्रह 50:2

परमप्रभु सियोन रे आ दारसम ग्‍योम्‍सीशा छेङछेङ दुम्‍शा, ग्रूशो बाक्‍ब। यसैया ६२:१

भजन संग्रह 96:9

रिम्‍शो पतीकेमी ग्‍योम्‍सीशा, परमप्रभु यावे कली “गे ठेयब बाक्‍नीनी” दे लोव़ पने। रागी ङा मुर नेल्‍ले मेको आ ङोंइती मेको कली मान पा ख्रिंख्रि पने।

यसैया 1:21

परमप्रभु यावेमी “आं थमा सुइश्‍शो सहर दोपा तेल्‍लेम दु‍म्‍मे? ठीक निसाफ नु ठीक पतीके मेको नु बाक्‍त। मुल मेको मुर साइक्‍ब मुरुम ब्रीतेक्‍म।

यसैया 12:6

सियोनम बाक्‍बपुकी ठेयब सेंदा पा ग्‍येरशा परमप्रभु कली ठेयब सेल्‍शा कुम्‍सो पने। मारदे हना इस्राएली आन का ला बाक्‍शो परमप्रभु इन दातेमी ठेयब बाक्‍ब।

यसैया 4:5

मेना परमप्रभु यावेमी सियोन डांडाम आ बाक्‍तीके खिं नु आ मुर ग्रुम्‍तीक सेल्‍ब। मेकेर नाक्‍ती गोस्‍स नु कुन वोइश्‍शा, नाक्‍दो मी ब्रशो छेङछेङ वोइक्‍ब। मिनु मेको छेङछेङम रागी नेल्‍ल कली सुम्‍ब। प्रस्‍थान १३:२१

येरमीया 13:18

पिप नु पिप आ ममा आस कली ‘इन नित्‍तीक रे उइ तोंइ‍सीन। मारदे हना इन पिया रे इन ठेयब दुम्‍तीक सिरपेच दोक्‍ब’ माइक्‍सी” देंत। २राजा २४:१-१६; यसैया ६२:३; बिलाप ५:१६

येरमीया 29:4

मुर नेल्‍ल आन परमप्रभु यावे, इस्राएली आन परमप्रभुमी मार ब्रेक्‍पाइश्‍शो बाक्‍त, देंशा हना “यरूसलेम रे बेबीलोनम ग्‍याइश्‍शा लाइक्‍चा पुंइसीशो नेल्‍ल आन कली

येरमीया 47:3

प्रेक्‍शा दोरशा गाक्‍ब शारा आन खोइली आ रेयके नु जोरी सत्रु आन बग्‍गी आन रेयकेमी आफपुकीम आन आल आन कली वारच पाइक्‍चा कली मलेत्‍नीम। मेको आन गुइ तिक्‍ने मचाप्‍ब दुम्‍शा ग्‍युक्‍शो बाक्‍नीम।

येरमीया 48:41

केरयोथ नु अरु सहर ब्रुइनीम। आन जोरी सत्रुमी मेको आन हिरशो सहर आन के सेल्‍नीम। मेको नाक्‍ती मोआब ङा लडाइ पाइब आन थुं सुत्‍केरी रोइ प‍शो मीश मुर आन थुं खोदेंशो दुम्‍नीम।

येरमीया 52:11

मिनु मेकोमी पिप सिदकीयाह आ मिक्‍च फेत्‍ताक्‍व। मिनु मेको कली कांसा के साङलोमी पाइक्‍ताक्‍म। मिनु मेको कली बेबीलोनमी लाइश्‍शा मबेक्‍म सम्‍म चोक्‍शा वोइक्‍तु। येरमीया ३२:५

येरमीया 52:13

मिनु मेकोमी परमप्रभु यावे आ खिं, पिप आ दरवार नु यरूसलेम ङा खिं नेल्‍लेम मी सुइक्‍ताक्‍व। मेकोमी ठेयब खिं नेल्‍लेम मी सुइक्‍ताक्‍व।

इजीकीएल 24:21

मार लोव़ पाप्‍तु देंशा हना ‘इस्राएल आ खिं ङा मुर आन नेल्‍ल क्‍येङा दाक्‍शो, इन सक्ति, इन कोव़त दाक्‍शो नु थुंम दाक्‍शो आं बाक्‍तीक गो ग्रांग्रा दिशो सेल्‍नुङ। मिनु इन प्रोंइशा वोइश्‍शो इन तमी तौ तरवारम साइक्‍चा पुंइसीनीम

इजीकीएल 24:25

मिनु “ए मुर, मेको नाक्‍ती गो मेको आन ख्रुइश्‍शा बाक्‍तीक, आन नेल्‍ल क्‍येङा दाक्‍शो, आन सक्ति, आन कोव़त दाक्‍शो नु आन थुंम दाक्‍शो नु आन तमी तौ नेल्‍ल आन कली लाइनुङमी।

ब्‍यवस्‍था 28:25

मिनु परमप्रभु यावेमी इन कली इन जोरी सत्रु आन ङोंइती ब्रुपाइक्‍ब। गेपुकी मेकोपुकी नु लडाइ पथ लां कामी लाइनीनी, मिनु ब्रुशा शाउ शिउ ब्रशा ७ ओटा लां रे प्रोक्‍चा माल्‍नीनी। मिनु राज्‍य राज्‍य ङा मुर नेल्‍ल आन ङोंइती ग्रांग्रा दिशो दुम्‍नीनी।

ब्‍यवस्‍था 32:30

मेको आन सेरथे फुल्‍लुम मेको आन कली लेयने थुम्‍शो बाक्‍ब। परमप्रभु यावेमी मेको आन कली प्रोंइने थुम्‍शो बाक्‍ब। मोपतीके मुर कामी हजार का आन कली खेदा पाप्‍तु। मुर निक्‍शीमी १० हजार आन कली खेदा पने चाप्‍नीसी। लेवी २६:३६-३७; यसैया ३०:१७