बिलाप 1:4 - Sunuwar Bible

⁴ सियोन लतीक लां रोंका पाइनीम। मारदे हना सुइमी चाड मानेचा कली मेकेर रे मगाक्‍नीम। सहर ङा ठेयब लाप्‍चो नेल्‍ल श्‍येत्‍थ बाक्‍नीम। आ चढ़ेबपुकी हुकयी पाइनीम। आ मीश आल सुर्ता पाइनीम। मिनु सहरम श्‍येत जशो बाक्‍ब।

बिलाप 1:4 ပူးပေါင်းရင်းမြစ်များ

यसैया 3:26

सहर ङा लाप्‍चो सुर्ता पा रोंका पाइ‍नीम। सहर श्‍येत्‍थ दुम्‍शा, खपीम निश्‍शो मीश मुर खोदेंशो दुम्‍ब” दे परमप्रभु यावेमी देंत।

येरमीया 10:22

रेयके का जाक्‍शो बाक्‍ब। मेको नेनीन। उत्तर रागी रे ठेयब ग्रांग्‍ये माग्‍ये दुम्‍शो बाक्‍ब। मेकोमी यहूदा इन सहरपुकी मुर मबाक्‍तीके सेल्‍ब। मेको सिवार आन बाक्‍तीक दुम्‍नीम। येरमीया १:१४

येरमीया 14:2

“यहूदा रोंका पाइब। मेको आ सहर ङा ठेयब लाप्‍चोपुकी सक्ति मपाइश्‍शो दुम्‍शो बाक्‍नीम। मेकोपुकी रू आ पर्बम सुर्ता पाइनीम। मिनु यरूसलेम आ वाइ ब्रेश्‍शो सरीङ सम्‍म जाक्‍दीश्‍शो बाक्‍ब।

येरमीया 9:11

गो यरूसलेम कली खिं ब्रेश्‍शा देल्‍तीके सेल्‍नुङ। सिवार आन बाक्‍तीके सेल्‍नुङ। गो यहूदा ङा सहर आन कली मुर मबाक्‍तीके सेल्‍नुङमी। मिनु मेकेर सुइ मबाक्‍नीम। येरमीया २६:१८

बिलाप 1:21

मुरपुकीमी आं हुकयी पशो नेंतेक्‍म। आं कली थुं बारपाइक्‍ब सुइ मबाक्‍नीम। आं जोरी सत्रु नेल्‍लेमी आं श्‍येत जशो आ पर्बम नेंतेक्‍म। आं कली मोदेंशो दुम्‍शो तशा ग्‍येरसाक्‍म। गे इन देंशो नाक्‍त जाक्‍ल। मेकोपुकी यो आं खोदेंशो पा श्‍येत जामेक्‍ल। येरमीया ४:२१

बिलाप 5:13

ठिटापुकीमी श्‍येत पा यात हिल्‍चा माल्‍नीम। वोंइश आलपुकीमी शी कुरशा गोल्‍चा चिक्‍शा गाक्‍नीम।

बिलाप 5:14

खाल्‍पापुकी सहर ङा ठेयब लाप्‍चोमी ग्रुम्‍शा बाक्‍चा प्रोंइतेक्‍म। मिनु ठिटापुकीमी बाजा ताप्‍चा प्रोंइतेक्‍म।

होसे 2:13

गो मेको कली बाल देवता कली धूप चोशो नाक्‍ती सजाइ गेनुङ। मेको नाक्‍त मेको ग्‍योम्‍सीशा वोंइश खोइक्‍तु। आं कली चहिं प्रेंताक्‍यी।

लेवी 26:22

गो इन दातेमी ब्‍वाकी ङा जन्‍तुपुकी सोइक्‍नुङमी। मेकोमी इन आल आन कली ब्‍वाइनीम। मिनु इन बस्‍तु भाव साइक्‍नीम। मिनु गे का निक्‍शी ला दुम्‍तीके इन लां नेल्‍ल श्‍येत्‍थ दुम्‍नीम। इजीकीएल ५:१७

मीका 3:12

मोपा इन पतीके सियोन वाक्‍शो रू दुम्‍ब। यरूसलेम ब्रेश्‍‍शो खिं ङा फुल्‍लु देल्‍तीके दुम्‍ब। परमप्रभु यावे आ खिं ङा डांडा ब्‍वाकी दुम्‍शो बाक्‍ब” देंत। भजन संग्रह ७९:१; येरमीया ९:१०; येरमीया २६:१८