बिलाप 1:2 - Sunuwar Bible

² मेको नाक्‍दो हिशेक पा ङाक्‍ब। आ प्रेक्‍क यिना यिन बाक्‍नीम। मेको आ दाक्‍शो मुर आन दाते ङा सुइम मेको कली आ थुं बारपाइक्‍चा ङा लोव़ मपाइनीम। आ वारच नेल्‍लेम मेको कली प्रोंइतेक्‍म। मुल मेको आ जोरी सत्रु दुम्‍तेक्‍म। भजन संग्रह ६९:२१

बिलाप 1:2 ပူးပေါင်းရင်းမြစ်များ

अय्‍युब 6:15

आं लोक्‍बपुकी बारशा यीब खोला खोदेंशो बाक्‍नीम। सोव़शो खोला खोदेंशो बाक्‍नीम। भजन संग्रह ३८:१२

अय्‍युब 7:3

गो महिना नेल्‍ल मोशीन सोइक्‍ताक्‍ङमी। नाक्‍दो कुस कुस श्‍येत जतीके आं भाग बाक्‍ब।

भजन संग्रह 126:5

मिनु ङाक्‍ना ङाक्‍न शोक्‍बपुकीमी ग्‍येरसीशा खुप्‍नीम। मत्ती ५:४

भजन संग्रह 31:11

आं जोरी सत्रु आन क्‍येङा आं नेक्‍था ङा मुरपुकीमी शुश शुक्‍शी पाइक्‍चा पुंइसीब दुम्‍ती। आं तुइश्‍शो मुर आं कली तशा हिंनीम। आं कली लांम ग्रुम्‍ब मुरपुकी आं कली तशा हिंशा प्रोक्‍नीम।

भजन संग्रह 6:6

गो थुं खाइश्‍शा, ङाक्‍शा दती। गो नाक्‍दो आं खाट नेल्‍ल प्रेक्‍कुमी जिप्‍पाइक्‍नुङ। आं इप्‍तीकेमी ङाक्‍शा ला बाक्‍नुङ।

भजन संग्रह 69:21

मेकोपुकीमी आं जचा थोव़कमी खाइल कुर पा गेतीमी। गो तूतू दाक्‍ङानु, ग्‍युरशो तूचा थोव़‍क गेतीमी। मत्ती २७:३४,४८

हितोपदेस 19:7

प्रुङग मुर कली आ लोक्‍बपुकीमी यो पोंइनीम। मेको आन क्‍येङा आ वारचपुकीमी प्रोंइनीम। मेकोमी मेको आन कली ब्रेप्‍ब, तन्‍न सुइम मनेंनीम।

येरमीया 13:17

तन्‍न गेपुकीम मेको मनेंतीनी हना, गो इन ठेयब लेश्‍शो आ पतीके, गो आं थुंम सुइ आन मतुइक्‍चा ङा पा ङाक्‍नुङ। परमप्रभु यावे आ हुल ग्‍याइश्‍शा लाइक्‍चा पुंइसीतीके गो हुइ हुइ पा ङाक्‍नुङ। मिनु आं मिक्‍च रे प्रेक्‍कु दोक्‍ब। येरमीया ८:२३; येरमीया १४:१७; लूका १९:४१

येरमीया 2:25

इ खोइल शिश्रा मगाक्‍को। गे तूतू दाक्‍शा खिं रे मलावो। तन्‍न गे ‘एको मोशा बाक्‍ब। मारदे हना गो अर्को रागी ङा देवता आन कली दाक्‍ताक्‍ङ। मिनु मेको आन नोले खोइक्‍नुङ’ देंते।

येरमीया 3:1

मिनु परमप्रभु यावेमी “वोंइश मुरुमी आ मीश कली प्रोंइ‍शा, छोड पत्र गेप्‍तु हना, मेको मीश मुर अर्को वोंइश मुर आ मीश दुम्‍त हना, मेको वोंइश मुरुम लेंशा आ मीश कली चाक्‍बा कों? मो दुम्‍त हना मेको रागी ग्रांग्रा दिशो मदुम्‍बा ङा? गे चहिं तेल्‍ले‍म का खोदेंशो पा शुश आन बाक्‍तीके जाक्‍दीश्‍शो बाक्‍ते। मिनु मार, गे आं गे लेश्‍शा जाक्‍नेवे?” दे परमप्रभु यावेमी देंत। ब्‍यवस्‍था २४:१-४

येरमीया 30:14

इ वारच नेल्‍लेम इ कली प्रेंने थुम्‍तेक्‍म। मेकोपुकीमी इ कली गेनायो ममिम्‍नीम। गो इ ठेयब दोस तशो नु इ शुश पाप आ पर्बम पतीके जोरी सत्रुम खोदेंशो पा तुप्‍तन। मिनु शिशी मपाइक्‍बम खोदेंशो पा गो इ कली सजाइ गेतन।

येरमीया 4:30

गे गोरशो सेल्‍चा पुंइसीशो रागी मार, पना पन बाक्‍ङे? गे लल वाम ग्‍योम्‍सीशा, सुन के गहना पांइसीशा, आंम कली ग्‍योम्‍सीशो आ अर्थ मार, बाक्‍बा? गे मारदे गाजल ख्रेक्‍सीशा इ मिक्‍च ठेयब सेल्‍नेवे? आंम कली दारशो सेल्‍चा मोशान बाक्‍ब। इ कली दाक्‍ब मुरपुकीम इ कली ग्रांग्रा दिश्‍शो बाक्‍नीम। इ कली साइक्‍चा माल्‍शो बाक्‍नीम।

येरमीया 9:1

परमप्रभुमी “आं पिया ब्‍वाक्‍कु बुक्‍तीक दुम्‍शो हना, नु आं मिक्‍ची प्रेक्‍कु बुक्‍तीक दुम्‍शो हना, गो नाक्‍दो नाक्‍ती ङाक्‍ङ वा। श्‍येत जशो साइश्‍शो आं मुर आन पर्बम ङाक्‍ङ वा। येरमीया १३:१७; लूका १९:४१

बिलाप 1:19

गो आं दाक्‍शो मुर आन कली ब्रेत्‍ताक्‍ङ। तन्‍न मेकोपुकीमी आं कली प्रोंइतीमी। आं चढ़ेब नु खाल्‍पा आन बोल लेप्‍पाइक्‍चा कली जचा थोव़क माल्‍न माल्‍ना सहरम बेक्‍तेक्‍म।

बिलाप 1:21

मुरपुकीमी आं हुकयी पशो नेंतेक्‍म। आं कली थुं बारपाइक्‍ब सुइ मबाक्‍नीम। आं जोरी सत्रु नेल्‍लेमी आं श्‍येत जशो आ पर्बम नेंतेक्‍म। आं कली मोदेंशो दुम्‍शो तशा ग्‍येरसाक्‍म। गे इन देंशो नाक्‍त जाक्‍ल। मेकोपुकी यो आं खोदेंशो पा श्‍येत जामेक्‍ल। येरमीया ४:२१

बिलाप 1:9

मेको आ ग्रांग्रा दितीके आ गुनेमी केम्‍साक्‍व। मेकोमी नोले ङा नाक्‍त ममिम्‍त। मेको आ तशो श्‍येत हिंचा ङा बाक्‍त। आ थुं बारपाइक्‍ब सुइ मबाक्‍म। मेकोमी “परमप्रभु यावे, आं श्‍येत कोव़ङीन। आं जोरी सत्रुमी आं कली ग्रातेक्म।

बिलाप 2:11

गो ङाक्‍ना ङाक्‍न बाक्‍नुङ। आं थुं चोइब। आं थुं खाइक्‍ब। मारदे हना आं मुर खतम दुम्‍तेक्‍म। आल नु दूध तूब आलपुकी सहर ङा लांम शोव़लु बेक्‍नीम।

इजीकीएल 16:37

मोपतीके गो इ तेल्‍लेम पशो नु ग्‍येरसीशा बाक्‍शो इ दाक्‍शो मुर नेल्‍ल आन कली इ एर ओंथ रे खुप्‍नुङमी। इ कली दाक्‍ब नु मदाक्‍ब नेल्‍ल आन कली खुप्‍नुङमी। गो मेको नेल्‍ल एर ओं रे खुप्‍नुङमी। मिनु गो मेको आन ङोंइती इ कली शिश्रा सेल्‍नन। येरमीया १३:२२

होसे 2:7

मेकोमी आ दाक्‍शो मुर आन कली माल्‍थ लाइब। तन्‍न मेको आन कली ग्‍याइक्‍ने मचाप्‍ब। मेकोमी आ दाक्‍शो मुर आन कली कोव़ब। तन्‍न मथिप्‍ब। मिनु मेकोमी ‘मुल गो ङोंइती ङा खोदेंशो पा आं वोंइश आ बाक्‍तीक लाइनुङ। मारदे हना गो मुल क्‍येङा मेना ठीक बाक्‍ती’ देंब।

मीका 7:5

इन वारच कली थमा मसुतीन। इन दाक्‍शो मुर कली थमा मसुतीन। गे नु काथा इप्‍शो मीश नु यो होस पा लोव़ पने। येरमीया ९:३-४

प्रकाश 17:13

मेको १० जना पिप थुं का दुम्‍शा, आन सक्ति नु अधिकार ठेयब जन्‍तु कली गेनीम।

प्रकाश 17:16

मेको इ तशो १० ओटा ग्रोव़ नु मेको ठेयब जन्‍तु मेको तेल्‍लेम आ जोरी सत्रु दुम्‍नीम। मेको कली श्‍येत गेशा, आ फेक्‍शो वा प्रुइक्‍नीम। मिनु आ श्‍ये ब्‍वाइनीम। मिनु आ लीशो नेल्‍ले मीम चोइनीम।