बिलाप 1:17 - Sunuwar Bible

¹⁷ सियोनमी पुंइचा कली आ गुइ दिंताक्‍व। तन्‍न आ थुं बारपाइक्‍ब सुइ मबाक्‍म। परमप्रभु यावेमी “याकूब आ नेक्‍था ङा मुर आ जोरी सत्रु दुम्‍चा माल्‍नीम” दे अरेप्‍तु। मिनु मेको आन दातेम यरूसलेम ग्रांग्रा दि‍चा ङा दुम्‍त। येरमीया १:८

बिलाप 1:17 ပူးပေါင်းရင်းမြစ်များ

१ राजा 8:22

मिनु सोलोमनम इस्राएल ङा बुक्‍शो मुर नेल्‍ल आन दातेम परमप्रभु यावे कली चढ़ेतीक आ ङोंइती राप्‍शा, आ गुइ सरीङ गे क्‍युक्‍गा बाक्‍त।

१ राजा 8:38

इन मुर इस्राएली सुइम आन थुंम श्‍येत जशा, एको इन खिं गे कोव़शा आन गुइ क्‍युक्‍शा पुन्‍मेनु, इन बाक्‍तीक इर स्‍वर्ग रे मेको आन पुंइशो नेनीन।

२ राजा 25:1

सिदकीयाहम सासन पशो ९ बर्स १० महिना ङा १० नाक्‍त बेबीलोन ङा पिप नेबुकदनेसर आ लडाइ पाइब नेल्‍ल चाक्‍शा यरूसलेम नु लडाइ पथ जाक्‍माक्‍त। मिनु यरूसलेम कली पुम्‍शा एर ओंथ गारो ङोइक्‍तीक सेल्‍मे बाक्‍त। येरमीया ३४:१

उपदेसक 4:1

मिनु गो रागीम कोव़ङुनु, मेकेर थम मरिम्‍शो पशो ताता। गो दिप्‍चा पुंइसीशो आन ङाक्‍शो ताता। मेको आन कली लेम्‍ब सुइ मबाक्‍म। मेको मरिम्‍शो पाइब सक्ति पाइश्‍शो बाक्‍तेक्‍म। दिप्‍चा पुंइसीब आन कली चहिं लेम्‍ब सुइ मबाक्‍म।

यसैया 1:15

इन गुइ क्‍युक्‍शा, गो नु लोव़ पनीनु, आं कुल ख्रुइक्‍नुङ। गेपुकीम शुश पुंइतीनी हना यो, गो मनेंनुङ। मारदे हना इन गुइम हुश ख्राक्‍श पशो बाक्‍ब। हितोपदेस १:२८; हितोपदेस १५:२९; यूहन्‍ना ९:३१

यसैया 54:11

मिनु लेंशा “गे श्‍येत जाइब, फश गिवारम राप्‍चा पुंइसीशा, थुं बारपाइक्‍चा मपुंइसीशो, गो इ गारो बोल्‍यो सेल्‍नुङ। मिनु इ जग साफीर माइश्‍शो नीलो हीरा के सेल्‍नुङ। प्रकाश २१:१८-२१

येरमीया 12:9

मार, मेको सिवार आं थेरशो रू तशा गेहे पाइबा ङा? आं ङोंइती छिर छिर पाइश्‍शो सिखारी चिक्‍ब खोदेंशो मदुम ङा? मेको कली अर्को सिखारी चिक्‍बपुकीम पुम्‍शा राम्‍शी तोव़मेक्‍ल। लावो, लशा ब्‍वाकी ङा जन्‍तु नेल्‍ल आन कली पुक्‍मी। मिनु मेको कली ब्‍वपाइक्‍चा कली चाक्‍मी। यसैया ५६:९

येरमीया 15:5

गे यरूसलेम, सुमी इ कली शिशी पाइबा? इ पर्बम सुम रोंका पाइबा? गे दोदेंशो बाक्‍नी? दे हिल्‍लो पचा कली सु दिक्‍बा?

येरमीया 16:6

एको रागीम आइक्‍च नु ठेयब नेल्‍ल बेक्‍नीम। मेको आन कली सुइम मथिम्‍नीम। मेको आन पर्बम सुइम रोंका मपाइनीम। आंम रां रिक्‍सीब नु चां प्रेक्‍ब सुइ मबाक्‍नीम। येरमीया ४१:५; येरमीया ४७:५; येरमीया ४८:३७८; लेवी १९:२७-२८; ब्‍यवस्‍था १४:१

येरमीया 34:22

परमप्रभु यावेमी “गो मेको आन कली अरेनुङमी। मिनु गो मेको आन कली एको सहरमी लेश्‍शा चाक्‍नुङमी। मेकोपुकीमी एको सहर नु लडाइ पा ग्रानीम। मिनु एको कली क्रोइक्‍नीम। मिनु गो यहूदा ङा सहर कली मुर मबाक्‍शो सेल्‍नुङ” देंत। येरमीया ३७:८

येरमीया 4:31

गो सुत्‍केरी रोइ पशो मीश मुर आ सेंदा खोदेंशो नेंता। मेको ङोंइती ङा आल थिचा चिक्‍शो मीश मुर आ सेंदा खोदेंशो बाक्‍त। सियोन आ तमीमी आ गुइ दिंशा आ सास कीशा ‘आबी, आं कली साइक्‍ब आन ङोंइती थाइनुङ’ देंत” दे परमप्रभु देंत।

येरमीया 6:3

गोठला आन हुल सुन्‍दा मेको नु लडाइ पचा कली जाक्‍‍नीम। मेकोपुकीमी आन ताम्‍बु आ एर ओंथ कीनीम। मिनु नेल्‍लेम मेको आन हुल योव़शा खतम सेल्‍नीम” देंशो बाक्‍ब। येरमीया ४:१७

येरमीया 8:18

मिनु “गो आं ग्‍येरसीतीक नेल्‍ल जाम्‍त। गो आं थुं खाइक्‍ती। येरमीया ४:१९

बिलाप 1:16

गो मार कली ङाक्‍नुङा, मार कली आं प्रेक्‍क यीनीम देंशा हना, आं कली लेम्‍ब नु आं थुं बारपाइक्‍ब आ क्‍येङा ङोन बाक्‍नीम। आं आल लने थुम्‍तेक्‍म। मारदे हना आं जोरी सत्रु आं क्‍येङा बोल्‍यो बाक्‍तेक्‍म।

बिलाप 1:19

गो आं दाक्‍शो मुर आन कली ब्रेत्‍ताक्‍ङ। तन्‍न मेकोपुकीमी आं कली प्रोंइतीमी। आं चढ़ेब नु खाल्‍पा आन बोल लेप्‍पाइक्‍चा कली जचा थोव़क माल्‍न माल्‍ना सहरम बेक्‍तेक्‍म।

बिलाप 1:2

मेको नाक्‍दो हिशेक पा ङाक्‍ब। आ प्रेक्‍क यिना यिन बाक्‍नीम। मेको आ दाक्‍शो मुर आन दाते ङा सुइम मेको कली आ थुं बारपाइक्‍चा ङा लोव़ मपाइनीम। आ वारच नेल्‍लेम मेको कली प्रोंइतेक्‍म। मुल मेको आ जोरी सत्रु दुम्‍तेक्‍म। भजन संग्रह ६९:२१

बिलाप 1:21

मुरपुकीमी आं हुकयी पशो नेंतेक्‍म। आं कली थुं बारपाइक्‍ब सुइ मबाक्‍नीम। आं जोरी सत्रु नेल्‍लेमी आं श्‍येत जशो आ पर्बम नेंतेक्‍म। आं कली मोदेंशो दुम्‍शो तशा ग्‍येरसाक्‍म। गे इन देंशो नाक्‍त जाक्‍ल। मेकोपुकी यो आं खोदेंशो पा श्‍येत जामेक्‍ल। येरमीया ४:२१

बिलाप 1:8

यरूसलेममी ठेयब पाप पाप्‍तु। मोपतीके मेको शुक्‍शी पाइक्‍चा पुंइसाक्‍व। ङोंइती मेको कली मान पाइब नेल्‍ले मुल महिक्‍नीम। मारदे हना मेकोपुकीमी मेको कली शिश्रा ताम्‍तेक्‍म। मेको आंमान हुकयी पा आ कुल ख्रुइक्‍ब।

बिलाप 1:9

मेको आ ग्रांग्रा दितीके आ गुनेमी केम्‍साक्‍व। मेकोमी नोले ङा नाक्‍त ममिम्‍त। मेको आ तशो श्‍येत हिंचा ङा बाक्‍त। आ थुं बारपाइक्‍ब सुइ मबाक्‍म। मेकोमी “परमप्रभु यावे, आं श्‍येत कोव़ङीन। आं जोरी सत्रुमी आं कली ग्रातेक्म।

बिलाप 4:15

मुरपुकीमी मेको आन कली “लने, ए ग्रांग्रा दिशो मुर आंइ कली मथिने” दे ग्रीनीम। मोपतीके मेकोपुकी प्रोक्‍ब नु हिरब मुर दुम्‍तेक्‍म। रागी रागी ङा मुरपुकीमी “मुल मेको गोपुकी नु बाक्‍चा मताइ‍नीम” देंतेक्‍म। लेवी १३:४५

इजीकीएल 36:17

मार लोव़ पाप्‍तु देंशा हना “ए मुर, इस्राएली आंम आन रागीमी बाक्‍शो बाक्‍मानु, मेकोपुकीम मेको रागी कली आन पतीक नु आन गेयम ग्रांग्रा दिशो सेल्‍तेक्‍म। मेको आन मरिम्‍शो पशो मीश मुर आ रां ब्रोल्‍शो ग्रांग्रा खोदेंशो बाक्‍त। मेकोपुकीम रागीम हुश शाइक्‍पाइक्‍तीके नु आन मूर्तिम मेको रागी ग्रांग्रा दिशो सेल्‍तेक्‍म। मेको आन पतीके आं ङोंइती रां ब्रोल्‍शो मीश मुर खोदेंशो ग्रांग्रा बाक्‍त। लेवी १८:२४-२५

होसे 8:8

इस्राएल खतम पोक्‍चा पुंइसाक्‍व। मुल मेकोपुकी रागी रागी ङा मुर आन दातेमी शोर गाक्‍‍शो मुर खोदेंशो दुम्‍शो बाक्‍नीम। येरमीया २२:२८