बिलाप 1:13 - Sunuwar Bible

¹³ मेकोमी इर रे मी सोइक्‍ताक्‍व। मिनु आं रुश आगा ओव़पाइक्‍ती। आं खोइल कली ग्‍याइल दाइश्‍शा रेप्‍पाइक्‍ती। आं कली आ ङोंइती रे तिल्‍ती। मेकोमी नेल्‍ल नाक्‍त आं कली मुर मबाक्‍तीके नु बोल मपाइश्‍शो सेल्‍ती।

बिलाप 1:13 ပူးပေါင်းရင်းမြစ်များ

अय्‍युब 18:8

आंम खोइलीम मेको आन कली ब्‍वारदम लपाइक्‍‍ब। मेको ब्‍वारदम गिल्‍सीशा बिक्‍तीकेमी दोक्‍नीम।

अय्‍युब 19:6

परमप्रभुमी आं कली मोशा श्‍येत गेती। आं एर ओंथ नेल्‍ल ब्‍वारद दाइश्‍शो बाक्ब।

अय्‍युब 30:30

आं कुशुल क्‍येर दुम्‍शा, आं रुश नेल्‍ल चोइनीम।

भजन संग्रह 129:5

सियोन कली काइ मदाक्‍बपुकी मुने दोक्‍शा, लेश्‍शा लमल।

भजन संग्रह 140:5

ठेयब लेश्‍शो मुरपुकीमी ख्रुइश्‍शा आं कली ब्‍वारद दाइक्‍ताक्‍म। डोरी के ब्‍वारद दाइक्‍ताक्‍म। मेकोपुकीमी आं लांमी ब्‍वारद दाइक्‍ताक्‍म। ठेयब सेंदा पा

भजन संग्रह 22:14

गो लुक्‍शो ब्‍वाक्‍कु खोदेंशो दुम्‍ती। आं रुश नेल्‍ल गलाक गुलुक दुम्‍तेक्‍म। आं लुङगीर मयीन खोदेंशो दुम्‍शा, यशो बाक्‍ब।

भजन संग्रह 31:10

आं थुं ग्‍येत्‍थ लुक्‍च लतीके, गो बेक्‍चा चिक्‍शो बाक्‍ती। हुक‍यी पतीकेमी आ ब्रोंइतीक नाक्‍ती योल्‍तेक्‍म। आं ठीक मपशोमी आं बोल नेल्‍ल ग्‍युम्‍शो बाक्‍ब। मिनु आं रुश नेल्‍ल मुक्‍शो बाक्‍नीम।

भजन संग्रह 35:4

आं कली साइक्‍चा माल्‍बपुकी खतम दुम्‍शा, मुने दोक्‍मल। आं कली मरिम्‍शो पाइक्‍चा, दे मिम्‍बपुकी नोले लेश्‍शा, मुने दोक्‍मल।

भजन संग्रह 38:8

गो गलाक गुलुक दुम्‍शा, काइ सक्ति मपाइश्‍शो दुम्‍शो बाक्‍ती। आं थुं ङा श्‍येतम शुश हुक‍यी पाइनुङ।

भजन संग्रह 66:11

गे आंइ कली जेल्‍खानम चोक्‍पाइक्‍तीनी। मिनु हेल्‍शो भारी कुरपाइक्‍तीनी।

प्रस्‍थान 12:9

मेको श्‍ये क्‍येख ब्‍वचा मदुम्‍ब, लोप्‍शा ब्‍वचा यो मदुम्‍ब। आ पिया, खोइली क्‍यी नेल्‍ल मी तारी चोचा माल्‍नीनी। ब्‍यवस्‍था १६:७

यसैया 42:17

मुशा सेल्‍शो मूर्ति नु चेम्‍शा सेल्‍शो मूर्ति आन कली थमा सुइश्‍शा ‘गे आं देवी देवता बाक्‍नीनी’ देंबपुकी गिम्‍सीशा, मुने दोक्‍नीम” देंत।

येरमीया 44:6

मोपतीके गो यहूदा ङा सहर नु यरूसलेम ङा लांम आं शुश गाइश्‍शो नु चुरशो मोइक्‍ता। मिनु मेको सहर ब्रेश्‍शो नु मुर मबाक्‍तीके दुम्‍तेक्‍म। मुलाक्‍ती मोदेंशो बाक्‍ब” देंत।

बिलाप 1:22

मेको आन मरिम्‍शो पशो नेल्‍ल इन ङोंइती बाक्‍ल। मिनु गे आं हेंथे पशो आ पर्बम आं कली पशो खोदेंशो पा मेको आन कली यो पतीन। गो शुश हुकयी पाइक्‍नुङ। आं थुं लुक्‍च लत” देंत।

बिलाप 3:11

मेकोमी आं कली आं लां रे पा लाइश्‍शा, बेदर किदर पोक्‍ती। मेकोमी आं कली सुइ मपाइश्‍शो सेल्‍ती।

बिलाप 5:17

मोपतीके आंइ थुं खाइक्‍त। मिनु आंइ मिक्‍च ब्रा ब्रा दुम्‍त।

इजीकीएल 12:13

गो मेको आ तार आं ग्‍याइल आप्‍नुङ। मिनु मेको आं ग्‍याइलीम बिक्‍ब। मिनु गो मेको कली कल्‍दी आन रागी बेबीलोनम चाक्‍नुङ। तन्‍न मेकोम, मेको रागी मताइब। मिनु मेकेरन बेक्‍ब। इजीकीएल १७:२०; येरमीया ३९:७

इजीकीएल 17:20

गो आं ग्‍याइल मेको तार ब्‍वारनुङ। मिनु मेको आं ग्‍याइलीम रेप्‍ब। मिनु गो मेको कली बेबीलोनम चाक्‍नुङ। मिनु मेकोम आं थुं फाइक्‍तीके गो मेको कली निसाफ पाइनुङ। इजीकीएल १२:१३

इजीकीएल 32:3

मिनु परमप्रभु यावेमी “गो मुर आन ठेयब हुल चाक्‍नुङ। मिनु आं ग्‍याइल इ तार ब्‍वारनुङ। मेकोपुकीम आं ग्‍याइलीम इ कली कीशा रागीम ग्रुंइनीम। इजीकीएल १२:१३

होसे 7:12

मिनु मेकोपुकी लची ना, गो मेको आन तारी आं ग्‍याइल ब्‍वार‍नुङ। गो मेको आन कली सरीङ ङा चिक्‍ब आन कली खोदेंशो पा उइ तोक्‍नुङमी। गो मेको आन मरिम्‍शो पतीके कली सजाइ गेनुङ।

नहुम 1:6

परमप्रभु यावे गाइक्‍तानु, मेको आ ङोंइती सु राप्‍ने चाप्‍‍बा ङा? मेको आ चुरशो सुम फाल्‍ने चाप्‍बा ङा? मेको आ गाइश्‍शो मी खोदेंशो पा ब्राइब। मिनु मेकोमी सेरथे फुल्‍लु आन कली प्रोल्‍ब।

हबकुक 3:16

गो इन सेंदा नेंनुनु, ख्रिंख्रि पाता। आं शोव़ यो ख्रिंख्रि पाप्‍तु। आं रुश आगा नेल्‍ल मुक्‍ताक्‍मे। खोइल ख्रिंख्रि पाप्‍तु। मो हना यो आंइ कली मरिम्‍शो पाइब मुर आन कली श्‍येत दुम नाक्‍ती कली रिम्‍शा बाक्‍ती।

ब्‍यवस्‍था 28:65

मेको रागी रागी ङा मुर आन दातेमी गे नाइक्‍चा मताइनीनी। इन कली गेना हना यो खेरनीमी। मिनु परमप्रभु यावेमी मेकेर इन कली हिंब थुं गेब। मिनु फाल्‍ने मचाप्‍ब नु थुं लुक्‍च लाइब मुर दुम्‍नीनी।

२ थिस्‍सलोनिकी 1:8

मेको नु हुरुर पा ब्रशो मी सरीङ रे यीब। प्रभुमी परमप्रभु यावे कली मतुइक्‍ब नु आ ग्‍येरपाइक्‍ब लोव़ मटीब आन कली क्‍येक्‍क लेप्‍ब। रोमी २:८

हिब्रू 12:29

इं परमप्रभु यावे नेल्‍ल खतम सेल्‍ब मी खोदेंशो बाक्‍ब। हिब्रू १०:३१; ब्‍यवस्‍था ४:२४