बिलाप 1:11 - Sunuwar Bible

¹¹ मेको आ मुर नेल्‍ल हुकयी पा, अन्‍न माल्‍ना माल्‍न गाक्‍नीम। लेंशा बोल्‍यो दुम्‍चा कली आन शोंप लेयनीम। परमप्रभु यावे, मुल आं कली कोव़ङीन। गो महिक्‍सीशो दुम्‍ती” देंती।

बिलाप 1:11 ပူးပေါင်းရင်းမြစ်များ

२ राजा 6:25

मिनु मोपा पुम्‍दमे नोले मेको सहरम थम ठेयब अन्‍काल दुम्‍माक्‍त। मेकेर गधा आ पिया का कली ८० शेकेल चांदी नु काब का ङा ४ भाग, ङा भाग का ढुकुर आन ख्री कली ५ शेकेल चांदी थाप्‍चा माल्‍दा बाक्‍त। शेकेल का ११.५ ग्राम बाक्‍ब। काब का १.२ लिटर खोदेंशो पुक्‍तीके बाक्‍ब। काब ङा ४ भाग ङा भाग का, १/४ लिटर खोदेंशो बाक्‍ब।

अय्‍युब 40:4

“गो शोर गाक्‍शो मुरुम इन कली मार लोव़ लेन्‍ने चाप्‍नुङा ङा? गो आं गुइम आं शोव़ सुम्‍नुङ। उत्‍पत्ती ३२:९; यसैया ६:५; हितोपदेस ३०:३२

भजन संग्रह 79:4

आंइ नेक्‍था बाक्‍ब मुरपुकीमी आंइ कली शुक्‍शी पाइक्‍नीम। मिनु आंइ एर ओंथ ङा मुरपुकीमी आंइ कली रिश्‍शा तोक्‍शा लोव़ पाइनीम। भजन संग्रह ४४:१४

येरमीया 15:19

मोपतीके परमप्रभु यावेम “गे थमा पा लेत्‍ते हना, गो इ कली लेंशा ब्राइनुङ। गे आं ङोंइती रपो। रिम्‍शो लोव़ ला पाप्‍तीवी हना नु फश लोव़ मपाप्‍तीवी हना, गे आं लोव़ पाइब दुम्‍नेवे। मिनु एको मुरपुकी इ गे लेत्‍नीम। तन्‍न गे मेको आन गे मलेतो।

येरमीया 19:9

मेको आन कली आन तमी तौ आन श्‍ये ब्‍वपाइक्‍नुङमी। सहर पुम्‍तीके मुर नेल्‍ल आन नेक्‍था ङा मुर आन श्‍ये ब्‍‍वाइनीम। आन जोरी सत्रु नु मेको आन कली साइक्‍चा माल्‍ब आन गेशो श्‍येतम मोदेंशो पाइनीम। लेवी २६:२९; ब्‍यवस्‍था २८:५३

येरमीया 38:9

“आं प्रभु, आं पिप, एको मुरपुकीम परमप्रभु यावे आ लोव़ पाइब येरमीया कली इनारम तोक्‍शा मरिम्‍शो पाम्‍तेक्‍म। सहरम शोब्‍ले नुम नोले मेको मेकेर शोव़लुम बेक्‍ब” देंत।

येरमीया 52:6

मिनु ४ महिना ङा ९ नाक्‍ती सहरम थम ठेयब अन्‍काल दुम्‍त। मिनु मेको सहर आ आगामी जचा कली मारेइ मबा।

बिलाप 1:8

यरूसलेममी ठेयब पाप पाप्‍तु। मोपतीके मेको शुक्‍शी पाइक्‍चा पुंइसाक्‍व। ङोंइती मेको कली मान पाइब नेल्‍ले मुल महिक्‍नीम। मारदे हना मेकोपुकीमी मेको कली शिश्रा ताम्‍तेक्‍म। मेको आंमान हुकयी पा आ कुल ख्रुइक्‍ब।

बिलाप 1:9

मेको आ ग्रांग्रा दितीके आ गुनेमी केम्‍साक्‍व। मेकोमी नोले ङा नाक्‍त ममिम्‍त। मेको आ तशो श्‍येत हिंचा ङा बाक्‍त। आ थुं बारपाइक्‍ब सुइ मबाक्‍म। मेकोमी “परमप्रभु यावे, आं श्‍येत कोव़ङीन। आं जोरी सत्रुमी आं कली ग्रातेक्म।

बिलाप 2:11

गो ङाक्‍ना ङाक्‍न बाक्‍नुङ। आं थुं चोइब। आं थुं खाइक्‍ब। मारदे हना आं मुर खतम दुम्‍तेक्‍म। आल नु दूध तूब आलपुकी सहर ङा लांम शोव़लु बेक्‍नीम।

बिलाप 2:12

मेकोपुकीमी आन ममा आन कली “जचा तूचा थोव़क ते बाक्‍म” दे हिल्‍लो पाइनीम। मेकोपुकी सहर ङा लांम गार दुम्‍‍शो लडाइ पाइब खोदेंशो पा थाइनीम। मिनु आन ममा आन थुकुम बेक्‍नीम।

बिलाप 2:20

“परमप्रभु यावे कोव़ङीन। गे सु कली ओदेंशो पा श्‍येत गेनी। मार मीश मुरपुकीमी आंम आल आन कली ब्‍वचा माल्‍नीमी? मार इन कली चढ़ेब नु इन लोव़ पाइबपुकी इन बाक्‍तीकेमी साइक्‍चा पुंइसीचा माल्‍नीनी? ब्‍यवस्‍था २८:५३-५७; येरमीया १९:९

बिलाप 5:1

मिनु “परमप्रभु यावे, गो आंइ कली मार दुम्‍शो बाक्‍बा, मेको मिम्‍तीन। आंइ कली मरिम्‍शो पशो कोव़ङीन।