यहूदा 1:9 - Sunuwar Bible

⁹ परमप्रभु यावे आ नेल्‍ल क्‍येङा ठेयब स्‍वर्ग ङा गेय पाइब मिकाएलमी चहिं सैतान कली मोसा आ बेक्‍शो रां आ पर्बम लोव़ पशा “परमप्रभुमी इ कली हुइक्‍ब” दे आंमा शुक्‍शी पा निसाफ पचा हिंमाक्‍त। दानीएल १२:१; जकरिया ३:२

यहूदा 1:9 ပူးပေါင်းရင်းမြစ်များ

१ इतिहास 12:17

मिनु दाऊद मेको आन कली ग्रुम्‍थ लशा, मेको आन कली “गे गो नु वारच्‍बु दुम्‍शा, आं कली वारच पाइक्‍थ जाक्‍शो ननी हना, गो इन कली दाक्‍नुङ। तन्‍न गेपुकीम आं कली क्‍यारी पथ नु आं जोरी सत्रु आन कली शेंथ जाक्‍तीनी हना, इं किकी पिपी आन परमप्रभुम एको तशा, इन कली निसाफ पवल” देंमाक्‍त।

प्रस्‍थान 22:28

परमप्रभु आ पर्बम मरिम्‍शो लोव़ मपचा। इन कली सासन पाइब कली सराप मपचा। लेवी २४:१४-१६; प्रेरित २३:५

दानीएल 10:13

तन्‍न पारसी राज्‍य कली कोव़ब सैतान आ गेय पाइबमी गो नु २१ नाक्‍त सम्‍म लडाइ पा तेक्‍ती। मिनु परमप्रभु यावे आ स्‍वर्ग ङा ठेयब गेय पाइब मिकाएल जाक्‍शा, आं कली वारच पाइक्‍ती। मिनु गो जाक्‍चा ताता। यसैया २४:२१

दानीएल 10:21

मिनु गो थमा लोव़ ङा किताबमी मार ब्रेक्‍शो बाक्‍मे, मेको इ कली शोव़थ जाक्‍ती। मेकेर मिकाएल क्‍येङा लाक्‍शा, अरु वारच पाइब सैतान आ गेय पाइब नु लडाइ पचा कली सुइ मबाक्‍नीम। परमप्रभु यावे आ स्‍वर्ग ङा गेय पाइब, मिकाएल चहिं इस्राएली इन कली कोव़ब बाक्‍ब।

दानीएल 12:1

मिनु परमप्रभु यावे आ स्‍वर्ग ङा गेय पाइबमी “मेना नेल्‍ल क्‍येङा ठेयब स्‍वर्ग ङा गेय पाइब मिकाएल जाक्‍ब। मिनु मेकोमी इ रागी ङा मुर आन कली कोव़ब। मेना रागी दुम नोले गेनायो मदुम्‍शो श्‍येत जाक्‍ब। तन्‍न इ मुर श्‍येत रे प्रोंइचा पुंइसीनीम। सु सु आन नें किताबम ब्रेक्‍शो बाक्‍मे, मेको ब्रोंइचा ताइनीम। दानीएल १०:१३; प्रकाश १२:७; मत्ती २४:२१; दानीएल ७:१०

जकरिया 3:2

मिनु परमप्रभु यावेमी सैतान कली “सैतान, परमप्रभु यावेमी इ कली हुइक्‍ब। यरूसलेम कली योव़‍ब परमप्रभु यावेमी इ कली हुइक्‍ब। मार, एको मुर मी रे पा ग्रुंइ‍शो बुल्‍सी खोदेंशो ममाइ ङा?” देंत। यहूदा :९

मर्कूस 15:29

मेकेर कोव़ब शुश मुर बाक्‍मा बाक्‍त। मेकोपुकीम आन पिया हिम्‍शा “परमप्रभु यावे आ खिं प्रेश्‍शा, नाक्‍त सांमी नक सेल्‍नुङ, देंते। खोइ मिनु, सेल्‍ने चबी? मर्कूस १४:५८

ब्‍यवस्‍था 34:6

मिनु परमप्रभुमी मोसा कली मोआब रागी बेथ-पेओर आ ङोंइती दिंम कामी थिम्‍तु। तन्‍न मुल सम्‍म मोसा आ तुरस सुइमी मतुइक्‍नीम।

१ थिस्‍सलोनिकी 4:16

मारदे हना प्रभुमी आ मुर आन कली “कुन” दे ब्रेत्‍तानु, नेल्‍ल क्‍येङा ठेयब परमप्रभु यावे आ स्‍वर्ग ङा गेय पाइबमी यो ब्रेप्‍ब। परमप्रभु यावे आ तुराही ताप्‍शो नेंनीम। मेना प्रभु सरीङ रे यीब। ख्रीस्‍त कली थमा सुइश्‍शा बेक्‍शो मुरपुकी ङोंइती सेंसीनीम।

१ पत्रुस 3:9

इन कली मरिम्‍शो पाइब आन कली मरिम्‍शो मपने। इन कली शुक्‍शी लोव़ पाइब आन कली शुक्‍शी लोव़ मपने, आसीक गेने। मारदे हना गे आसीक ताइब दुम्‍चा कली योव़शो बाक्‍नीनी। १थिस्‍सलोनिकी ५:१५

२ पत्रुस 2:11

तन्‍न परमप्रभु यावे आ स्‍वर्ग ङा गेय पाइबपुकी मेको आन क्‍येङा ठेयब नु सक्ति पाइश्‍शो बाक्‍तेक्‍म हना यो, मेको जोल पा शेंब आन कली प्रभु आ ङोंइती दोस मगेनीम।

प्रकाश 12:7

मिनु नोले स्‍वर्गमी परमप्रभु यावे आ ठेयब स्‍वर्ग ङा गेय पाइब मिकाएल माइश्‍शो नु आ गेय पाइबपुकी गारशा, ठेयब बुस्‍स नु आ गेय पाइबपुकी नु लडाइ पथ लाम्‍तेक्‍म।