यहोसु 9:25 - Sunuwar Bible

²⁵ मुल गो इन गुइमी बाक्‍नीकी। आंइ कली मार पशो नु रिम्‍शो लाक्‍नीनी, मोदेंशोन पन” देंतेक्‍म।

यहोसु 9:25 ပူးပေါင်းရင်းမြစ်များ

उत्पत्ती 16:6

मिनु अब्राममी “नेनो, इ वाइलीम इ गुइमी बाक्‍ब। मेको कली इ दाक्‍शो पावो” दे साराइ कली देंमाक्‍त। मिनु साराइमी हागार कली हुइक्‍तानु, मेको प्रोक्‍माक्‍त।

२ सामुएल 15:26

तन्‍न परमप्रभु यावेमी ‘गो इ कली शिशी मपाइनुङ’ देंत हना, गो एक उइ बाक्‍नुङ। मेकोम आं कली आ दाक्‍शो पवल।

२ सामुएल 24:14

मिनु दाऊदम गाद कली “गो शुश श्‍येत जशो बाक्‍नुङ। आंइ कली परमप्रभु यावे आ गुइम दुम्‍चान रिम्‍शो बाक्‍ब। मारदे हना आ शिशी ठेयब बाक्‍ब। गो मुर आन गुइम मदुम्‍ङल” देंमाक्‍त।

२ राजा 10:5

मोपतीके पिप आ खिं ङा खाल पाइबपुकी, सहर ङा हुकुम पाइबपुकी, खाल्‍पापुकी नु आहाब आ तौ आन कली कोव़ब नेल्‍ल गारशा येहू कली “गोपुकी इन गेय पाइब नकी। गे आंइ कली मार देंनीनी, गो मेको पाइनीकी। गो सुइ कली पिप मसेल्‍नीकी। गे मार पचा दाक्‍नीनी, मेको पने” दे लोव़ कुरब मुर सोइक्‍तमे बाक्‍त।

यसैया 47:6

गो आं मुर आन कली तशा गाइश्‍शा, मेको आन कली ‘आं मुर मनम’ खोदेंशो सेल्‍ता‍मी। मेना इ गुइमी गेता‍मी। मिनु गे मेको आन कली काइ शिशी मपदी। खूशो आन कली यो श्‍येत गेशा, हेल्‍शो जवा लाप्‍ताक्‍वी। जकरिया १:१५

येरमीया 26:14

गो इन गुइम बाक्‍शो बाक्‍नुङ। इन कली मार रिम्‍शो नु ठीक दुम्‍बा, मेको पाइय्‍यीनी।

येरमीया 38:5

मिनु पिप सिदकीयाहम “मेको इन गुइमीन बाक्‍ब। गो इन कली मारेइ पने मचाप्‍नुङ” दे माइक्‍तीमी।

मत्ती 11:26

आं आफ, गे मोदेंशो पचा दाक्‍ताक्‍नी।

यहोसु 9:26

मोपा यहोसुमी मेको आन कली इस्राएली आन गुइ रे पा प्रोंइतु। मिनु इस्राएलीपुकीमी मेको आन कली साइक्‍चा मतामे।

न्‍यायाधीस 10:15

तन्‍न इस्राएलीपुकीमी परमप्रभु यावे कली “गोपुकीमी पाप पाइतक। मोपतीके गे आंइ कली मार पचा दाक्‍नीनी, मेको पन। तन्‍न मुल आंइ कली प्रोनीन” दे पुन्‍मे बाक्‍त।

न्‍यायाधीस 8:15

मिनु नोले गिदोन सुक्‍कोथ सहरम जाक्‍शा, मेकेर ङा मुर आन कली “जेबाह नु साल्‍मुन्‍ना एकेर बाक्‍नीस। मेको आस पर्बम गेपुकीमी आं कली ‘मार, जेबाह नु साल्‍मुन्‍ना आस कली ग्‍याइक्‍ने थुमी ङा? इ लडाइ पाइब आन कली गो मारदे शोब्‍ले गेनीकी ङा?’ दे शुक्‍शी पाइतीनी” देंमाक्‍त।

१ सामुएल 3:18

मिनु सामुएलम परमप्रभु यावे आ देंशो लोव़ नेल्‍ल शेंदा बाक्‍त। तेकोइ लोव़ मख्रुइक्‍ता बाक्‍त। मिनु एलीमी “मेको परमप्रभु यावे बाक्‍ब। मेकोम आ दाक्‍शो पवल” देंमाक्‍त। २सामुएल १५:२६