यहोसु 9:11 - Sunuwar Bible

¹¹ मोपतीके आंइ ठेयब मुरपुकी नु आंइ रागी ङा मुर नेल्‍लेमी ‘गेपुकीमी लांम जतीक बुत कुरशा, मेको आन कली ग्रुम्‍थ लने’ देंतेक्‍म। मेको आन कली ‘गो इन गेय पाइब नकी। गे गो नु कबल पा आंइ कली ब्रने, दे देनीन’ देंतेक्‍म।

यहोसु 9:11 ပူးပေါင်းရင်းမြစ်များ

उत्पत्ती 43:12

मिनु इन क्‍येट नु ङोंइती ङा इन धोक्रोम बाक्‍शो क्‍येट यो लतीन। प्रेंशा मो दुम, कों? मार दुम्‍मे? उत्‍पत्ती ४२:२७, ३५

२ राजा 10:5

मोपतीके पिप आ खिं ङा खाल पाइबपुकी, सहर ङा हुकुम पाइबपुकी, खाल्‍पापुकी नु आहाब आ तौ आन कली कोव़ब नेल्‍ल गारशा येहू कली “गोपुकी इन गेय पाइब नकी। गे आंइ कली मार देंनीनी, गो मेको पाइनीकी। गो सुइ कली पिप मसेल्‍नीकी। गे मार पचा दाक्‍नीनी, मेको पने” दे लोव़ कुरब मुर सोइक्‍तमे बाक्‍त।

एस्‍तर 8:17

मिनु पिप आ ब्रेक्‍स नु आ हुकुम जाक्‍दीशो नेल्‍ल रागी नु सहर नेल्‍लेमी यहूदी साप्‍पा ग्‍येरसाक्‍म। मिनु मेको नाक्‍त चाड सेल्‍शा, भोज जाम्‍तेक्‍म। मिनु मेको रागी ङा शुश मुर यहूदी दुम्‍तेक्‍म। मारदे हना मुर नेल्‍ल यहूदी आन कली तशा हिंतेक्‍म।

लूका 9:3

मिनु लचामेनु, येसुमी मेको आन कली “कोक्‍के, झोला, जचा थोव़क, क्‍येट मारेइ मलाइक्‍चा। फेक्‍तीक यो मकुरसीचा।

यहोसु 1:11

‘बुत लाम्‍ज कुरशा सासीन। मारदे हना सांबु नाक्‍ती परमप्रभु यावे, इन परमप्रभुमी गेशो रागी आंम के सेल्‍चा कली यर्दन खोला शोक्‍सीचा माल्‍नय’ देनीन” दे अरेप्‍तु।

यहोसु 9:10

यर्दन आइक्‍ची हांबु ङा एमोरी आन पिप निक्‍शी, हेश्‍बोन ङा पिप सीहोन कली नु अश्‍तारोथम बाक्‍ब बाशान ङा पिप ओग कली मार मार पनी मेको नेल्‍ल नेंतक। गन्‍ती २१:२१-३५

यहोसु 9:12

इन कली ग्रुम्‍थ गाक्‍शो नाक्‍ती गोपुकीमी आंइ खिं रे एको शोब्‍ले होश कुरशो नकी। मुल सोव़शा बुंखी ङाइश्‍शो बाक्‍ब।

यहोसु 9:8

मिनु मेकोपुकीमी यहोसु कली “गो इन गेय पाइब नकी” दे लोव़ लेत्‍ताक्‍म। मिनु यहोसुमी मेको आन कली “गे सु ननी? ते रे जाक्‍शो ननी” दे हिल्‍लो पाप्‍तु।