यहोसु 9:1 - Sunuwar Bible

¹ मिनु यर्दन आइक्‍ची हांबु पहाड नु दिंममी, ठेयब समुन्‍द्र आ नेक्‍था नु लेबानोन गे बाक्‍ब हित्ती, एमोरी, कनानी, परिज्‍जी, हिव्‍वी नु यबुसी आन पिपपुकीमी एको लोव़ नेंशा,

यहोसु 9:1 ပူးပေါင်းရင်းမြစ်များ

२ सामुएल 24:7

मिनु नोले गारो हिरशो सहर टायर, हिव्‍वी नु कनानी आन सहर नेल्‍ल लमा बाक्‍त। नोले यहूदा ङा नेगेब ङा बेयर-शेबा सहर सम्‍म लमा बाक्‍त।

प्रस्‍थान 23:23

आं स्‍वर्ग ङा गेय पाइब थमा पा इन ङोंइती लाइब। मिनु इन कली एमोरी, हित्ती परिज्‍‍जी, नानी, हिव्‍वी नु यबुसी कनानी आन रागी चोव़दीब। मिनु गो मेको नेल्‍ल आन कली क्‍याम्‍नुङ।

प्रस्‍थान 23:31

गो इन रागी लल समुन्‍द्र रे पलिस्‍ती आन ठेयब समुन्‍द्र सम्‍म नु गोरशो रागी रे युफ्रेटीस खोला सम्‍म दुम्‍पाइक्‍नुङ। मिनु गो मेको रागी ङा मुर इन कली जिम्‍मा गेनुङ। मिनु गे मेको आन कली खेरनीनी। उत्‍पत्ती १५:१८

प्रस्‍थान 3:17

गो इन कली इजीप्‍त रागी ङा मुर आन गेशो श्‍येत रे प्रोंइनुङ। गो इन कली कनानी, हित्ती, एमोरी, परि‍ज्‍जी, हिव्‍वी नु यबुसी आन बाक्‍शो रागी गेनुङ। मेको रागीम दूध नु खुदो शुश बाक्‍ब, अन्‍न यो शुश ग्रेल्‍ब। गो आं देंशो लोव़ खाप्‍नुङ’ देंत, देंचा माल्‍नेवे।

प्रस्‍थान 34:11

गो मुलाक्‍ती मार देंनुङा, मेको लोव़ टिचा माल्‍नेवे। नेनो, गो इ ङोंइती रे एमोरी, कनानी, हित्ती, परि‍ज्‍जी, हिव्‍वी नु यबुसी आन कली खेरनुङमी।

गन्‍ती 13:29

मिनु अमालेक आ मुर नेगेब रागीम बाक्‍बाक्‍तेक्‍म। मिनु हित्ती, यबुसी नु एमोरी पहाडम बाक्‍बाक्‍तेक्‍म। मिनु कनानी ठेयब समुन्‍द्र आ नेक्‍था नु यर्दन खोला आ नेक्‍था बाक्‍बाक्‍तेक्‍म” देंतेक्‍म।

गन्‍ती 34:6

मिनु पच्‍छिम ङा सांद ठेयब समुन्‍द्र बाक्‍ब। मेको ठेयब समुन्‍द्र आ शुंइच इन पच्‍छिम गे ङा सांद बाक्‍ब।

ब्‍यवस्‍था 1:7

मुल गे गाक्‍चा गोने। कनानी आन रागी लने। एमोरी आन पहाड नु दिंमम लने। मेको आ नेक्‍था ङा अराबाह माइक्‍तीके यो लने। मेको पहाड बाक्‍ब। मेको शेफेलाह, नेगेब नु समुन्‍द्र आ नेक्‍था ङा कनानी आन रागी बाक्‍ब। गे लेबानोन नु युफ्रेटीस माइश्‍शो ठेयब खोला सम्‍म लने’ देंत।

ब्‍यवस्‍था 3:25

मेको यर्दन आइक्‍ची हांबु ङा रिम्‍शो रागी, ठेयब पहाड नु लेबानोन तङल, दे आं कली यर्दन खोला आइक्‍ची हांबु शोक्‍चा गेयीनी” दे पुंइता।

ब्‍यवस्‍था 4:49

मिनु यर्दन आ ओंथ हांबु नां दाप्‍तीके गे अराबाह नेल्‍ल पिस्‍गा डांडा नु आ दिंमम अराबाह समुन्‍द्र माइश्‍शो, हिक्‍सी समुन्‍द्र सम्‍म इस्राएलीपुकीमी आंम रागी सेल्‍ने थुम्‍शो बाक्‍तेक्‍म।

ब्‍यवस्‍था 7:1

मिनु मोसामी “परमप्रभु यावे, इन परमप्रभुमी इन कली गेशो रागीम चाक्‍दीत्ची ना, इन ओव़चा क्‍येङा ङोंइती हित्ती, गिरगाशी, एमोरी, कनानी, परि‍जी, हिव्‍वी नु यबुसी आन कली खेरब। मेको नेल्‍ल इन क्‍येङा बोल्‍यो नु शुश मुर पाइश्‍शो ७ रागी ङा मुर बाक्‍नीम। ब्‍यवस्‍था ३१:३

यहोसु 1:15

मिनु परमप्रभु यावेमी इन लोक्‍ब आन कली, इन कली खोदेंशो पा नाइक्‍चा मगेवा सम्‍म, मेको रागी आंम के मसेल्‍मे सम्‍म नु परमप्रभु यावे, इन परमप्रभुमी मेको आन कली गेचा चिक्‍शो रागी मग्रामा सम्‍म मेको आन कली वारच पचा माल्‍नीनी। मिनु नोले परमप्रभु यावे आ गेय पाइब मोसामी यर्दन आ पूर्ब गे इन कली गेशो रागीमी लेश्‍शा, बाक्‍ने चाप्‍नीनी” देंत।

यहोसु 1:4

गोरशो रागी नु लेबानोन रे ठेयब युफ्रेटीस खोला सम्‍म, हित्ती आन रागी नेल्‍ल, पच्‍छिम गे ङा ठेयब समुन्‍द्र सम्‍म इन रागी दुम्‍ब।

यहोसु 10:23

मिनु मेकोपुकीमी मेको ५ जना पिप आन कली चाक्‍तेक्‍म। यरूसलेम ङा पिप, हेब्रोन ङा पिप, यरमुथ ङा पिप, लाकीश ङा पिप नु एग्‍लोन ङा पिप कली पुक्‍खी रे ग्रुंइ‍शा, यहोसु आ बाक्‍तीकेम चाक्‍तेक्‍म।

यहोसु 11:17

सेइर ग्‍येत्‍थ लाइब हालाक माइश्‍शो डांडा रे पा लेबानोन ङा बेंसी हेरमोन डांडा आंइदी बाल-गाद सम्‍म ग्राशा, आंम के सेल्‍तु। मिनु मेकेर ङा पिप नेल्‍ल आन कली ग्‍याइश्‍शा साइक्‍तु।

यहोसु 13:5

गेबाली आन रागी, लेबानोन नेल्‍ल नु पूर्ब गे ङा हेरमोन डांडा दी ङा बाल-गाद रे लाइश्‍शा, लेबो-हमाथ सम्‍म लीशो बाक्‍नी‍म।

यहोसु 15:12

पच्‍छिम ङा सांद चहिं ठेयब समुन्‍द्र सम्‍म बाक्‍त। यहूदा आ थर आन खिं खिं ङा मुर आन रागी एर ओंथ ङा सांद एकोन बाक्‍नीम। यहोसु १४:६-१५; न्‍यायाधीस १:१०-१५

यहोसु 22:4

मुल परमप्रभु यावे, इन परमप्रभुमी आ देंशो खोदेंशो पा इन लोक्‍ब आन कली नाइक्‍चा गेशो बाक्‍त। मुल गेपुकी परमप्रभु यावे आ गेय पाइब मोसामी इन कली यर्दन आइक्‍ची हांबु गेशो इन खिं खिं लेतीन। हिब्रू ४:८

यहोसु 22:7

मनस्‍से आ उइक्‍थ थर कली मोसामी बाशानमी आंम रागी गेप्‍तु। तन्‍न अर्को उइक्‍थ थर कली यहोसुमी यर्दन आ पच्‍छिम गे मेको आन लोक्‍ब नु गेप्‍तु। मिनु यहोसुमी मेको आन कली आंम आंम खिंम सोइक्‍ची ना मेको आन कली आसीक गेप्‍तु।

यहोसु 23:4

गोम योक्‍शा, लीशो रागी इन थर थर ङा मुर आन कली गेता। मिनु गो यर्दन रे पच्‍छिम गे ङा ठेयब समुन्‍द्र सम्‍म रागी नेल्‍ल ग्राती।

यहोसु 24:11

मिनु नोले गेपुकी यर्दन शोक्‍सीशा यरीकोमी जाक्‍तीनी। मिनु यरीको ङा मुरपुकी एमोरी, परिज्‍जी, कनानी, हित्ती, गिरगाशी, हिव्‍वी नु यबुसीपुकीमी गेपुकी नु लडाइ पाम्‍तेक्‍म। तन्‍न गो मेको आन कली इन गुइमी गेता। यहोसु ३:१०; यहोसु ६:१-२१

यहोसु 3:10

मिनु यहोसुमी “ब्रोंइशा बाक्‍ब परमप्रभु इन दातेमी बाक्‍ब, गे तुइक्‍ब दुम्‍नीनी। मिनु मेकोमी कनानी, हित्ती, हिव्‍वी, परिज्‍जी, गिरगाशी, एमोरी नु यबुसी आन कली इन ङोंइती रे थमा पा खेरब।

यहोसु 3:17

मिनु मुरपुकी गाक्‍शा, सोव़शो खपीम यर्दन शोक्‍सीचा गोम्‍तेक्‍म। मिनु परमप्रभु यावे आ कबल पशो सन्‍दोस कुरब चढ़ेबपुकी यर्दन आ दातेमी सोव़शो खपीम राप्‍शा, रिम्‍शा बाक्‍तेक्‍म। मिनु इस्राएली नेल्‍ल सोव़शो खपीम गाक्‍शा, यर्दन आइक्‍ची हांबु जाक्‍दीत्‍तेक्‍म।

यहोसु 5:1

मिनु यर्दन आइक्‍ची हांबु पच्‍छिम गे ङा एमोरी आन पिप नेल्‍ल नु ठेयब समुन्‍द्र आ नेक्‍था ङा कनानी आन पिप नेल्‍लेमी “परमप्रभु यावेमी इस्राएली आन ङोंइती यर्दन खोला मशोक्‍सीमा सम्‍म सोव़पाइक्‍तु” दे नेंशा, मेकोपुकी इस्राएली आन कली तशा, साप्‍पा हिंशा आन थुं लुक्‍च लत। यहोसु ३:१६; यहोसु २:२४

यहोसु 6:27

मिनु परमप्रभु यावेमी यहोसु कली वारच पाप्‍तु। मेको रागी ङा मुर नेल्‍ल मेको तुइश्‍शा, यहोसु तशा हिंतेक्‍म।

यहोसु 9:7

मिनु इस्राएलीपुकीमी मेको हिव्‍वी आन कली “गेपुकी आंइ दातेमी बाक्‍ब मुर बाक्‍नीनी, कों? गोपुकी गेपुकी नु दोपा गारने चाप्‍नीकी ङा?” देंतेक्‍म। यहोसु ११:१९; प्रस्‍थान २३:३२