यहोसु 8:8 - Sunuwar Bible

⁸ परमप्रभु यावेमी आ देंशो खोदेंशो पा, सहर इन गुइमी गेवा नोले, मेको कली मी सुइक्‍तीन” दे मेको आन कली देंत।

यहोसु 8:8 ပူးပေါင်းရင်းမြစ်များ

२ सामुएल 13:28

मेकोम आ गेय पाइब आन कली “रिम्‍शा बाक्‍कीन। अम्‍नोन अङगुर शांबुम दुक्‍त हना, गो ‘मेको कली सतीन’ देंनुङ। मिनु गे मेको कली सतीन। मारेइ हिंचा ममाल्‍नीनी। एको आं हुकुम बाक्‍ब। महिंथु बाक्‍कीन” दे माइक्‍मी बाक्‍त। लेवी २०:१७

ब्‍यवस्‍था 20:16

तन्‍न परमप्रभु यावे, इन परमप्रभुमी मेको जात जात ङा मुर आन सहर इन कली गेशो सहरम मार मार सेस बाक्‍मे, मेको साइक्‍चा माल्‍नीनी। गन्‍ती २१:१-३; यहोसु १०:४०

यहोसु 1:16

मिनु मेकोपुकीमी यहोसु कली “गे आंइ कली मार मार अरेनी, गो मेको नेल्‍ल पाइनीकी। मिनु गे आंइ कली ते ते सोइक्‍नीनी, गो मेक मेक लाइनीकी।

यहोसु 1:9

गो इ कली ‘बोल्‍यो नु महिंब दुमो’ देंती। इ थुं लुक्‍च मलल। गे गेनायो हिंशा ख्रिंख्रि मपावो। मारदे हना गे ते लते हना यो, गो, परमप्रभु यावे, इ परमप्रभु, गे नु बाक्‍नुङ” दे परमप्रभु यावेमी यहोसु कली देंत।

यहोसु 6:24

मिनु मी सुइश्‍शा, मेको सहर नु आगा ङा थोव़क नेल्‍ल क्रोइक्‍तेक्‍म। सुन चांदी, कांसा नु फलाम के सेल्‍शो थोव़कपुकी ला परमप्रभु यावे आ खिं ङा शोंप वोइक्‍तीकेमी वोइक्‍तेक्‍म।

यहोसु 8:13

मोपा ऐ सहर आ उत्तर गे शुश लडाइ पाइब आन बाक्‍तीकेमी बाक्‍मानु, पच्‍छिम गे मेको बाप्‍शो ५ हजार लडाइ पाइब बाक्‍तेक्‍म। मेको नाक्‍दो यहोसु नु आ मुरपुकी बेंसीम बाक्‍तेक्‍म।

यहोसु 8:2

गे यरीको नु मेकेर ङा पिप कली मार मार पवी, ऐ सहर नु मेकेर ङा पिप कली यो मोदेंशो पावो। मेक ङा मारेइ मारेइ, बी ब्‍यफ क्‍यारश भेडा नेल्‍ल गे इन कली लांइसीन। मिनु सहर आ नोले गे हुल का मुर बाप्‍पाइश्‍शा, वोतीन” देंत। यहोसु ६:२१; ब्‍यवस्‍था २०:१०-१८

यहोसु 8:22

मिनु ङोंइती बाप्‍शा बाक्‍बपुकी सहर रे ग्रूतेक्‍म। मोपा इस्राएलीपुकीमी ऐ सहर ङा मुर आन कली आन दाते पा आन एर ओंथ बाक्‍शा, का कली यो प्रोक्‍चा मगेम। नेल्‍ल आन कली साइक्‍तेक्‍म।

यहोसु 8:28

मिनु यहोसुमी ऐ सहर कली चोशा, गेनायो मसेल्‍चा ङा पा खतम सेल्‍तु। मोदेंशो मुल सम्‍म बाक्‍ब।

यहोसु 8:7

गेपुकी इन बाप्‍तीके रे बोक्‍शा ग्रूशा, सहर आंम के सेलीन। मिनु परमप्रभु यावे, इन परमप्रभुमी मेको सहर इन कली गेब।

यहोसु 8:9

मिनु यहोसुमी मेको आन कली सोइक्‍ताक्‍व। मिनु मेकोपुकी ऐ क्‍येङा पच्‍छिम बेथेल नु ऐ आस दातेम बाप्‍शा बाक्‍तेक्‍म। मिनु यहोसु मेको नाक्‍दो आ मुर आन दातेमी बाक्‍त।

न्‍यायाधीस 4:6

मेकोमी अबीनोअम आ तौ बाराक कली नाप्‍ताली ङा केदेश सहर रे ब्रेत्‍थ सोइक्‍ता बाक्‍त। मिनु मेको कली परमप्रभु यावे, इस्राएली आन परमप्रभुम इ कली “गे लशा, नाप्‍ताली नु जबूलून आस थर ङा १० हजार मुर आन कली योव़शा, मेको आन कली ताबोर डांडामी पिश्‍शा पिवो। यहोसु २१:३२