यहोसु 8:35 - Sunuwar Bible

³⁵ मोसामी मार मार लोव़ अरेशा, ब्रेक्‍शो बाक्‍मे, मेको नेल्‍ल यहोसुमी इस्राएली नेल्‍ल कली पढेशा नेंपाइक्‍तु। मेक बाक्‍शो वोंइश मुर, मीश मुर, आलपुकी नु मेकोपुकी नु बाक्‍ब अर्को रागी ङा मुर आन ङोंइती नेल्‍ल पढेशा नेंपाइक्‍तु।

यहोसु 8:35 ပူးပေါင်းရင်းမြစ်များ

एज्रा 10:1

एज्रा परमप्रभु आ खिं आ ङोंइती गु बाप्‍शा, आन मरिम्‍शो पशो नेल्‍ल शोव़शा, ङाक्‍ना ङाक्‍न बाक्‍शो बाक्‍त। मिनु ठेयब हुल का इस्राएली वोंइश मुर, मीश मुर नु आलपुकी एज्रा आ एर ओंथ बुक्‍तेक्‍म। मिनु मेको यो शुश ङाक्‍तेक्‍म।

नेहेम्‍याह 8:2

मिनु ७ महिना ङा ङोंइती ङा नाक्‍तीमी चढ़ेब एज्रामी मेको किताब मुर आन ङोंइती चाक्‍तु। मेकेर वोंइश मुर, मीश मुरपुकी नु सु सु रुप्‍ने चाप्‍ब बाक्‍मा, मेको नेल्‍ल बुक्‍शो बाक्‍तेक्‍म। ब्‍यवस्‍था ३१:१०-१३

नेहेम्‍याह 8:3

मोपा एज्रामी ब्‍वाक्‍कु लाप्‍चो आ नेक्‍था ङा बाक्‍तीकेमी सुनी रे नाक्‍त सम्‍म वोंइश मुर, मीश मुर नु लोव़ रुप्‍ने चाप्‍ब नेल्‍ल आन ङोंइती मेको किताब पढेप्‍तु। मिनु परमप्रभु यावे आ अरेशो लोव़ ङा किताब पढेवानु, नेल्‍लेमी नोफा दाइश्‍शा नेंतेक्‍म।

प्रस्‍थान 12:38

मिनु हिक्‍ने मचाप्‍चा ङा पा इस्राएली खोदेंशो पा परमप्रभु यावे कली टीबपुकी यो, आन बी ब्‍यफ, क्‍यारश भेडा, शुश बस्‍तु भाव खुल्‍शा गाक्‍तेक्‍म।

येरमीया 26:2

परमप्रभु यावेमी मार देंत, देंशा हना “आं खिं ङा लाङगाम रपो। मिनु आं कली ठेयब सेल्‍चा कली जाक्‍ब यहूदा सहर ङा मुर नेल्‍ल आन कली गो इ कली देंशो लोव़ नेल्‍ल मेको आन कली देनो। लोव़ का यो मफेवो।

योएल 2:16

मुर नेल्‍ल आन कली खुप्‍तीन। बुक्‍शो मुर नेल्‍ल आन कली परमप्रभु यावे आ ङोंइती ठीक सेलीन। खाल्‍पा आन कली खुप्‍तीन। आल आन कली खुप्‍तीन। दूध तूब आल आन कली यो खुप्‍तीन। ग्‍युम्‍ले आ कोठा रे ग्रूल। मिनु ग्‍युम्‍ली आ बाक्‍तीक रे जाक्‍ल।

जकरिया 8:23

मुर नेल्‍ल आन परमप्रभु यावेमी मार देंत देंशा हना “मेको नाक्‍ती रागी रागी ङा आन आन लोव़ ब्‍वाक्‍ब १० जना मुरपुकीमी यहूदी का आ वा ग्‍याइश्‍शा ‘गो गे नु लाइनीकी। मारदे हना परमप्रभु यावे गेपुकी नु बाक्‍ब देंशो नेंशो बाक्‍नीक’ देंनीम” दे परमप्रभुमी देंत।

मर्कूस 10:14

मिनु येसुमी मेको तशा, आ थुं मनुथु, हुइक्‍ब आन कली “आल आन कली आं बाक्‍तीके जाक्‍चा गेने, मतेक्‍कीन। मारदे हना परमप्रभु यावे आ राज्‍य आल आन केन बाक्‍ब।

प्रेरित 20:27

मारदे हना परमप्रभु यावेमी शेंपाइश्‍शो लोव़ का यो मख्रुइक्‍थु नेल्‍ल शेंताक्‍न्‍‍नी।

प्रेरित 21:5

साता का नोले “गो आंइ लां खोइक्‍नीकी” देंकानु, मीश मुर वोंइश मुर, आल ब्रेप्‍च नेल्‍लेमी चोव़थ सहर लाक्‍शा समुन्‍द्र आ नेक्‍था सम्‍म चाक्‍तेक्‍म। मिनु पोक्‍च थेक्‍शा प्रार्थना पशा ब्राशा, प्रेरित २०:३६

ब्‍यवस्‍था 29:10

मिनु गे नेल्‍ल परमप्रभु यावे, इन परमप्रभु आ ङोंइती राप्‍शो बाक्‍नीनी। इन थर थर ङा ठेयब मुरपुकी, इन खाल्‍पापुकी, ससान पाइबपुकी नु इस्राएली नेल्‍ल,

ब्‍यवस्‍था 29:11

इन आलपुकी नु इन मीशपुकी, अर्को रागी ङा इन दातेमी बाक्‍शो मुरपुकी, शी चाक्‍ब नु ब्‍वाक्‍कु कुरब नेल्‍ल बाक्‍नीम। यहोसु ९:२७

ब्‍यवस्‍था 29:9

मोपतीके एको कबल पशो लोव़ होस पा पने। मिनु मो पाइतीनी हना, गे मार मार पनी, मेको रिम्‍शो दुम्‍ब।

ब्‍यवस्‍था 31:12

गेपुकीमी वोंइश मुर, मीश मुर, आलपुकी नु इन सहरम बाक्‍शो अर्को रागी ङा मुर नेल्‍ल आन कली खुप्चा माल्‍नीनी। मिनु मेकोपुकीमी मेको अरेशो लोव़ नेंशा, शेंशा, परमप्रभु यावे, इन परमप्रभु कली मान पा हिंब दुम्‍चा माल्‍नीम। मिनु एको अरेशो लोव़ नेल्‍ल तुइश्‍शा पचा माल्‍नीम।

ब्‍यवस्‍था 4:2

मिनु गो इन कली परमप्रभु यावे, इन परमप्रभु आ लोव़ शेंशा ‘परमप्रभु आ शेंशो पचा माल्‍ब’ दे अरेनुङ। गेपुकीमी आं शेंशो लोव़ कली का यो मतेम्‍दीन। का यो मशोलीने। ब्‍यवस्‍था १३:१; हितोपदेस ३०:६; प्रकाश २२:१८-१९