यहोसु 8:29 - Sunuwar Bible

²⁹ मिनु मेकोमी ऐ ङा पिप कली नां मरिक्‍म सम्‍म रवामी क्‍युक्‍शा वोइक्‍पाइक्‍तु। मिनु नां रिक्‍म नोले यहोसुमी पिप आ रां रवा रे शोल्‍शा, सहर ओव़तीक लाप्‍चोम लाइश्‍शा ताइक्‍पाइक्‍तु। मेको आ तारी शुश फुल्‍लु तेल्‍तेक्‍म। मेको मुल सम्‍म बाक्‍ब। ब्‍यवस्‍था २१:२२-२३

यहोसु 8:29 ပူးပေါင်းရင်းမြစ်များ

२ सामुएल 18:17

मेकोपुकीम अब्‍सालोम आ बेक्‍शो रां लाइश्‍शा, ब्‍वाकी ङा ठेयब ढोडोङगा काम ताइक्‍तमे बाक्‍त। मिनु मेको तार शुश फुल्‍लु पुक्‍गमे बाक्‍त। मिनु इस्राएली नेल्‍ल आन आन खिं प्रोक्‍मा बाक्‍त। यहोसु ८:२९

एस्‍तर 7:10

मिनु मेकोपुकीमी मोरदेकै कली साइक्‍चा, दे ग्रुक्‍शो थाममी, हामान कली लाइश्‍शा क्‍युक्‍तेक्‍म। मिनु पिप आ थुं नांइसाक्‍व।

भजन संग्रह 107:40

मिनु परमप्रभुमी मेकेर ङा हुकुम पाइब आन कली लां मबाक्‍शो गोरशो रागीम गाक्‍पाइक्‍तीमी। अय्‍युब १२:२१

भजन संग्रह 110:5

परमप्रभु इन ग्‍युरा गे बाक्‍ब। मेको गाइक्‍ता नाक्‍ती पिप आन कली खतम पोक्‍ब। भजन संग्रह २:२,५,९

यूहन्‍ना 19:31

मेको पास्‍सा चाड मानेचा कली सा‍तीक नाक्‍त बाक्‍त। मोपतीके बेक्‍शो रां शीमी मबाक्‍मल, दे यहूदीपुकीमी पिलातस कली “मेको आन खोइल जिक्‍शा साइश्‍शा, शी रे शोल्‍शा लदमेक्‍ल” देंतेक्‍म। मारदे हना मेको पास्‍सा आ ङोंइती ङा ठेयब नाक्‍त बाक्‍त। ब्‍‍यवस्‍था २१:२३

प्रेरित 12:23

पिप हेरोदमी परमप्रभु यावे कली मान मपथु, आंमान ठेयब सेल्‍सीतीके परमप्रभु यावे आ स्‍वर्ग ङा गेय पाइबमी मेको कली रोइ पपदा बाक्‍त। मिनु मेको हेरोद लुस्‍पु जोल्‍शा बेक्‍माक्‍त। दानीएल ५:२०

यहोसु 10:30

मिनु परमप्रभु यावेमी मेक ङा मुर नु पिप कली यो यहोसु नु इस्राएली आन गुइमी गेप्‍तु। मेकोपुकीमी लिब्‍ना ङा मुर नेल्‍ल आन कली तरवारमी साइक्‍तेक्‍म। सुइ कली यो मप्रोनेम। यरीको ङा पिप कली पशो खोदेंशो मेकेर ङा पिप कली यो पाम्‍तेक्‍म।

यहोसु 10:33

मेना गेजेर ङा पिप होराम लाकीश कली वारच पथ जाक्‍त। मिनु यहोसुमी मेको नु आ लडाइ पाइब नेल्‍ल आन कली फ्रु‍शा, का कली यो मप्रोंइथु, ग्‍याइश्‍शा साइक्‍तु।

यहोसु 12:9

यरीको ङा पिप, ऐ ङा पिप, मेको बेथेल आ नेक्‍था बाक्‍ब, यहोसु ६:२; यहोसु ८:२९

यहोसु 7:26

मिनु मेको आन तारी शुश फुल्‍लु तेल्‍तेक्‍म। मेको फुल्‍लु तेल्‍तीके मुलाक्‍त सम्‍म बाक्‍ब। मिनु नोले परमप्रभु यावे आ गाइक्‍चा नांइसाक्‍व। मिनु मेको बेंसी आ नें आकोर बेंसी वोइक्‍तेक्‍म। मेको मुल सम्‍म बाक्‍ब। यसैया ६५:१०; होसे २:१७

यहोसु 8:23

मिनु मेकेर ङा पिप कली चहिं सेसीन ग्‍याइश्‍शा, यहोसु आ बाक्‍तीक चाक्‍तेक्‍म।