यहोसु 7:9 - Sunuwar Bible

⁹ मारदे हना कनानीपुकी नु एको रागी ङा मुर नेल्‍लेमी एको लोव़ नेंशा, आंइ कली पुम्‍नीम। मिनु आंइ नें रागी रे पा क्‍याम्‍नीम। मिनु गे इन ठेयब नें आ पर्बम मार पाइनीनी?” दे परमप्रभु यावे कली लोव़ पाप्‍तु। प्रस्‍थान ३२:१२

यहोसु 7:9 ပူးပေါင်းရင်းမြစ်များ

भजन संग्रह 115:1

परमप्रभु यावे, आंइ कली ममाइ, इन नें ठेयब सेल्‍चा गेने। इन गेना हना यो दाक्‍तीके नु दाक्‍शा मप्रोंइतीके आ पर्बम इन नें ठेयब सेल्‍चा माल्‍शो बाक्‍ब।

भजन संग्रह 48:10

परमप्रभु इन नें नु इन कली ठेयब सेल्‍तीके रागी आ सुर सम्‍म बाक्‍ब। गे इन सक्तिमी ग्राना ग्रान बाक्‍नीनी।

भजन संग्रह 79:9

आंइ कली श्‍येत रे प्रोंइब परमप्रभु, इन नें ङा सक्तिमी आंइ कली वारच पने। इन नें आ पर्बम आंइ कली प्रोनीन। मिनु आंइ पाप क्‍याम्‍दीने।

भजन संग्रह 83:4

मेकोपुकीमी ‘जाक्‍कीन, गो मेको आन रागी मलीचा ङा पा क्‍याम्‍दय। मिनु इस्राएल आ नें मलील’ देंनीम।

भजन संग्रह 83:5

मेकोपुकी थुं का दुम्‍शा, इन कली मरिम्‍शो पचा कली लोव़ गारपाइक्‍नीम।

प्रस्‍थान 32:12

मो पाइतीनी हना इजीप्‍त रागी ङा मुरपुकीमी ‘परमप्रभुमी मेको आन कली पहाडमी साइश्‍शा, रागी रे क्‍याम्‍चा कली एक रे ग्रुंइताक्‍व’ देंनीम। मोपतीके इन ठेयब गाइक्‍तीक प्रोनीन। इन मुर आन कली मसतीन। ब्‍यवस्‍था ९:२८; यहोसु ७:९

इजीकीएल 20:9

तन्‍न गो आं नें रागी रागी ङा मुर आन ङोंइती मरिम्‍शो मदुम्‍ल, दे गो इन कली इजीप्‍त रागी रे ग्रुंइताक्‍ङ। इन बाक्‍शो रागी ङा मुर आन कली यो आं नें तुइक्‍पाइक्‍ताक्‍मी। इजीकीएल २०:१४; इजीकीएल ३६:२१-२२; प्रस्‍थान ३२:१२

योएल 2:17

परमप्रभु यावे आ ङोंइती गेय पाइब चढ़ेबपुकी परमप्रभु यावे आ खिं ङा पिंडी नु चढ़ेतीक आ दातेम ङाक्‍म‍ल” देंत। मेकोपुकीमी “परमप्रभु यावे इन मुर आन कली सजाइ मगेने। रागी रागी ङा मुर आन ङोंइती इन मुर आन कली शुक्‍शी नु तोक्‍शा लोव़ पाइक्‍तीक दुम्‍चा मगेने। मिनु जात जात ङा मुरपुकीमी ‘मार, मेको आन परमप्रभु ते बाक्‍म?’ देंचा मतामेक्‍ल” देंतेक्‍म। भजन संग्रह ७९:१०

मीका 7:10

मेना आं जोरी सत्रुम मेको ताइनीम। मिनु मुने दोक्‍नीम। मारदे हना मेकोपुकीमी ङोंइती ‘परमप्रभु यावे, इ परमप्रभु ते बाक्‍‍म?’ देंशो बाक्‍तेक्‍म। गो मेको आन खतम दुम्‍शो ताइनुङ। मुल यो मेकोपुकी लां ङा हिलो खोदेंशो पा दिम्‍चा पुंइसीशो बाक्‍नीम। भजन संग्रह ७९:१०

गन्‍ती 14:13

मिनु मोसामी परमप्रभु यावे कली “मोदेंशो पाइतीनी हना, इजीप्‍त ङा मुरपुकीमी एको लोव़ नेंनीम। मारदे हना गे मेको आन कली इन सक्तिमी मेकेर रे ग्रुंइताक्‍नी।

यूहन्‍ना 12:28

आं आफ, इन सक्ति कोंइदीन” दे येसुमी देंत। मिनु सरीङ रे “गो आं सक्ति कोंइताक्‍ङ। लेंशा चिनु कोंइनुङ” देंशो सेंदा का नेंसाक्‍व। यूहन्‍ना १३:३१; मत्ती ३:१७; मत्ती १७:५

ब्‍यवस्‍था 9:28

गे मेको आन कली क्‍याम्‍ताक्‍नी हना, आंइ कली ग्रुंइशो रागी ङा मुरपुकीमी “परमप्रभु यावेमी मेको आन कली देंशो रागी चाक्‍दीन्‍ने मचाप्‍तीके, मेको आन कली मदाक्‍तीके गोरशो रागीम साइक्‍चा कली एक रे ग्रुंइशा लाइक्‍तु” देंनीम। गन्‍ती १४:१६

यहोसु 7:10

मिनु परमप्रभु यावेमी यहोसु कली “बोक्‍को। गे मारदे इ कुल खुक्‍शा, बाप्‍शा बाक्‍नेवे?

यहोसु 7:8

परमप्रभु, इस्राएली आन जोरी सत्रु रे प्रोक्‍चा माल्‍तेक्‍म। गो मुल मार पाइनुङा ङा?

१ सामुएल 12:22

मारदे हना परमप्रभु यावेमी आ ठेयब नें आ पर्बम आ मुर आन कली कोव़शा मप्रोंइब। परमप्रभु यावेमी इन कली आंम आ मुर सेल्‍चा कली ग्‍येरसाक्‍व। प्रस्‍थान १९:६