यहोसु 7:6 - Sunuwar Bible

⁶ मिनु यहोसु नु इस्राएल ङा खाल्‍पापुकीम सुर्ता पा आंम वा खाक्‍शा, पियामी फुरक फुइश्‍शा, परमप्रभु यावे आ कबल पशो सन्‍दोस आ नेक्‍था पोक्‍च थेक्‍शा, मेकेर नाक्‍दो सम्‍म बाक्‍तेक्‍म।

यहोसु 7:6 ပူးပေါင်းရင်းမြစ်များ

उत्पत्ती 37:29

मिनु रूबेनमी योसेफ प्रोंइचा कली मेको ढोडोङगा लशा कोव़ङानु, योसेफ कली मथित्‍थु, सुर्ता पा, आ वा खाक्‍गा बाक्‍त।

उत्पत्ती 37:34

मिनु याकूबम आ फेक्‍शो वा खाक्‍शा, अरन्‍डी फेक्‍शा, शुश नाक्‍ती रोंका पवा बाक्‍त।

२ सामुएल 1:11

मेको लोव़ नेंशा, दाऊदम आ वा खाक्‍गा बाक्‍त। मेको नु बाक्‍ब मुर नेल्‍लेमी यो मो पामे बाक्‍त। १सामुएल ४:१२

२ सामुएल 1:12

मेकोपुकी नां मरिक्‍म सम्‍म सावल नु आ तौ योनाथन आस पर्बम ङाक्‍शा रोंका पा माइजा बाक्‍मा बाक्‍त। मारदे हना परमप्रभु यावे आ लडाइ पाइबपुकी नु इस्राएल आ खिं ङा मुरपुकी तरवारम साइक्‍चा पुंइसमा बाक्‍त। १सामुएल ३१:१३

२ सामुएल 1:2

मिनु आ नित्‍थ नाक्‍ती, आ वा खाक्‍शो नु पियाम खप फुंइसीशो मुर का सावल आ बाक्‍तीक रे जाक्‍माक्‍त। मिनु मेको दाऊद आ बाक्‍तीक जाक्‍शा, मेको आ ङोंइती खुम्‍की पा बाम्‍‍माक्‍त।

२ सामुएल 12:16

मोपतीके दाऊदम मेको आल आ पर्बम परमप्रभु कली पुना बाक्‍त। मेको मारेइ मजथु खिंङगा लशा खपीम गोल्‍शा नां सोंइदा बाक्‍त।

२ सामुएल 13:19

मिनु तामारमी आ पियाम पुलु फुंइसीशा, आ लाइश्‍शो वा खाक्‍गा बाक्‍त। मिनु आ पियाम गुइ वोइश्‍शा ठेयब सेंदा पा ङाक्‍ना ङाक्‍न ल‍माक्‍त।

२ सामुएल 13:31

मिनु पिप बोक्‍शा आ वा खाक्‍गा बाक्‍त। मिनु खपीम निस्‍से बाक्‍त। मेको आ एर ओंथ बाक्‍ब आ गेय पाइब नेल्‍लेमी यो आन वा खाक्‍गमे बाक्‍त।

२ राजा 22:11

मिनु पिपमी मेको कागज ङा लोव़ नेंशा, आ वा खाक्‍गा बाक्‍त।

२ इतिहास 34:19

मिनु पिपम मेको अरेशो लोव़ ब्रेक्‍शो किताबम ब्रेक्‍शो लोव़ नेना नोले थुं खाइश्‍शा, आ वा खाक्‍गा बाक्‍त।

एज्रा 10:1

एज्रा परमप्रभु आ खिं आ ङोंइती गु बाप्‍शा, आन मरिम्‍शो पशो नेल्‍ल शोव़शा, ङाक्‍ना ङाक्‍न बाक्‍शो बाक्‍त। मिनु ठेयब हुल का इस्राएली वोंइश मुर, मीश मुर नु आलपुकी एज्रा आ एर ओंथ बुक्‍तेक्‍म। मिनु मेको यो शुश ङाक्‍तेक्‍म।

नेहेम्‍याह 9:1

मिनु मेको महिना ङा २४ नाक्‍त नोले इस्राएलीपुकी माइजा बाक्‍शा, अरन्‍डी फेक्‍शा नु आन पियामी फुरक देप्‍शा खुम्‍साक्‍म।

एस्‍तर 4:1

मिनु मोरदेकैमी मेको लोव़ नेल्‍ल तुइश्‍शा, आ वा खाक्‍तु। मिनु अरन्‍डी फेक्‍शा, पुलु मोंइसीशा, ठेयब सेंदामी रोंका पना पन सहरम हिरसाक्‍व।

एस्‍तर 4:3

पिप आ सोइश्‍शो मेको लोव़ नेंशा, रागी नेल्‍ल ङा यहूदी माइजा बाक्‍शा, ङाक्‍शा, रोंका पाम्‍तेक्‍म। मिनु मेको आन दाते ङा शुश मुर अरन्‍डी फेक्‍शा, पुलु तारी निस्‍साक्‍म।

अय्‍युब 1:20

मिनु अय्‍युब बोक्‍शा आ वा खाक्‍गा बाक्‍त। आ चां प्रेक्‍गा बाक्‍त। मिनु खुम्‍की पा बाप्‍शा,

अय्‍युब 2:12

मिनु मेकोपुकीम अय्‍युब कली ङोन रे तशा, अय्‍युब कली मतुइक्‍तमे बाक्‍त। मिनु मेकोपुकीम अय्‍युब कली तुइक्‍तमे नोले वाइ ब्रेश्‍शा ङाक्‍शा, श्‍येत लाक्‍शा आन वा खाक्‍शा, आन पियाम फुरक फुंइस‍मा बाक्‍त।

अय्‍युब 42:6

मोपतीके गो आं कली आइक्‍च मिम्‍ताक्‍ङ। मिनु गो फुरक नु पुलुम बाक्‍शा, माफ पुंइनुङ” दे अय्‍युबमी देंमाक्‍त।

बिलाप 2:10

सियोन ङा खाल्‍पा खपीम निश्‍शा, सिक्‍सी पा बाक्‍नीम। मेकोपुकीमी आन पियामी फुरक फुंइसीनीम। मिनु भाङग्रा फेक्‍शा बाक्‍नीम। यरूसलेम ङा मीश आलपुकीमी आन पिया खप सम्‍म बाप्‍पाइश्‍शो बाक्‍नीम।

गन्‍ती 14:6

मिनु मेको रागीम क्‍यारी पथ लाइब नून आ तौ यहोसु नु यपुन्‍ने आ तौ कालेबमी सुर्ता पा आस आस वा खाक्‍ताक्‍स। गन्‍ती १३:६,८,१६,३०

गन्‍ती 16:22

मिनु मोसा नु हारूनमी खुम्‍की पा “परमप्रभु मुर नेल्‍ल आन कली ब्रोंइचा गेब परमप्रभु, मुर कामी पाप पतीके गे मुर नेल्‍ल नु गाइक्‍नीनी?” देंताक्‍स। अय्‍युब १०:१२; अय्‍युब १२:१०; २सामुएल २४:१७; गन्‍ती २७:१६

गन्‍ती 16:45

“गे मेको मुर आन दाते रे दिलीस। गो मेको आन कली याम कामी रोवल चिवल पोक्‍नुङमी” देंत। मिनु मेको खुम्‍की बाप्‍ताक्‍से।

प्रेरित 14:14

मिनु बारनाबास नु पावलमी मेकोपुकीमी गो इंस कली देवता मानेशा हुश जारशा चढ़ेचशो बाक्‍नीमी, दे तुइश्‍शा, आस वा खाक्‍शा दोरशा लशा, मुर आन दातेमी जाक्‍दीस्‍सा बाक्‍त।

यहोसु 7:7

मिनु यहोसुमी “परमप्रभु, परमप्रभु यावे, मारदे गे मेको मुर आन कली यर्दन खोला शोक्‍चा गेनी? मारदे गे आंइ कली एमोरी आन गुइमी साइक्‍चा कली गेनी? गो यर्दन आइक्‍ची हांबु ठीक पा बाक्‍शो नकी।

प्रकाश 18:19

मिनु मेकोपुकी सुर्ता पशा, रोंका पा ङाक्‍तेक्‍म। मेकोपुकीमी “आबी आबी, मेरे ठेयब सहर। मेरे सहर ङा डोंगा आन होव़पपुकी मेरे सहरमी मार मार लेयशा, शोंप पाइश्‍शो दुम्‍शो बाक्‍तेक्‍म। तन्‍न घन्‍टा कामी मेरे सहर जाम्‍शा लत।

न्‍यायाधीस 11:35

मिनु येफ्‍तामी आ तमी तवा चोटीन आ वा खाक्‍शा “आं तमी, आं थुं जिक्‍‍तीवी। शुश श्‍येत गेप्‍तीवी। गो परमप्रभु यावे कली कसम जाता। मिनु मेको कसम मखाप्‍थु मदुम्‍नुङ” देंमाक्‍त। गन्‍ती ३०:३

न्‍यायाधीस 20:23

मिनु इस्राएलीपुकी लशा, नाक्‍दो सम्‍म परमप्रभु यावे आ ङोंइती ङाक्‍मा बाक्‍त। मिनु मेकोपुकीमी परमप्रभु यावे कली “आंम लोक्‍ब बेन्‍यामीन आ थर ङा मुर नु लेंशा लडाइ तोचा देय मतोचा” दे हिल्‍लो पामे बाक्‍त। मिनु परमप्रभु यावेमी “मेकोपुकी नु लडाइ पचा कली लन” देंमाक्‍त।

न्‍यायाधीस 20:26

मिनु इस्राएली नेल्‍ले बेथेल सहर लमा बाक्‍त। मिनु मेकोपुकीमी नाक्‍दो सम्‍म परमप्रभु यावे आ ङोंइती ङाक्‍शा माइजा बाक्‍मा बाक्‍त। मेकोपुकीमी परमप्रभु यावे कली चोशा चढ़ेतीक नु दुशा बाक्‍चा आ पर्बम चढ़ेतीक चढ़ेमे बाक्‍त। न्‍यायाधीस २०:१८; यहोसु १८:२१-२२

न्‍यायाधीस 21:2

मिनु मुरपुकी बेथेल लशा, नाक्‍दो सम्‍म परमप्रभु आ ङोंइती बाक्‍शा, शुश ङाक्‍मा बाक्‍त। न्‍यायाधीस २०:१८,२३,२६

१ सामुएल 4:12

मिनु मेको नाक्‍ती बेन्‍यामीन आ थर ङा मुर का लडाइ पतीक रे प्रोक्‍शा, खाक्‍शो वा फेक्‍सीशा, आ पियाम फुरक फुंइसीशा, दोरशा शिलोम जाक्‍माक्‍त।