यहोसु 7:26 - Sunuwar Bible

²⁶ मिनु मेको आन तारी शुश फुल्‍लु तेल्‍तेक्‍म। मेको फुल्‍लु तेल्‍तीके मुलाक्‍त सम्‍म बाक्‍ब। मिनु नोले परमप्रभु यावे आ गाइक्‍चा नांइसाक्‍व। मिनु मेको बेंसी आ नें आकोर बेंसी वोइक्‍तेक्‍म। मेको मुल सम्‍म बाक्‍ब। यसैया ६५:१०; होसे २:१७

यहोसु 7:26 ပူးပေါင်းရင်းမြစ်များ

२ सामुएल 18:17

मेकोपुकीम अब्‍सालोम आ बेक्‍शो रां लाइश्‍शा, ब्‍वाकी ङा ठेयब ढोडोङगा काम ताइक्‍तमे बाक्‍त। मिनु मेको तार शुश फुल्‍लु पुक्‍गमे बाक्‍त। मिनु इस्राएली नेल्‍ल आन आन खिं प्रोक्‍मा बाक्‍त। यहोसु ८:२९

२ सामुएल 21:14

मेकोपुकीम सावल नु आ तौ योनाथन आस रुश बेन्‍यामीन आ थर आन रागी ङा जेला सहर सावल आ आफ कीश आ तुरसुम थिम्‍मे बाक्‍त। पिपमी मेको आन कली मार मार देंमे, मेको पामे बाक्‍त। मेको नोले परमप्रभुम रागी आ पर्बम पुंइशो लोव़ नेना बाक्‍त। २सामुएल २४:२५

२ इतिहास 29:10

मिनु मुल गो परमप्रभु यावे, इस्राएली आन परमप्रभु नु कबल पचा थुं पशो बाक्‍नुङ। मोपा इं पर्बम गाइश्‍शो बेक्‍बा कों?

एज्रा 10:14

गे आंइ ठेयब मुरपुकीमी यरूसलेमम मेको लोव़ नेंपतीन। मिनु सु सुमी आंइ सहरम अर्को जात ङा मीश चाक्‍गमे, मेको सहर ङा खाल्‍पा नु निसाफ पाइब आन ङोंइती देंशो ना जाक्‍चा माल्‍नीम। आंइ परमप्रभु आ थाम्‍पा गाइश्‍शो मनांइसे सम्‍म मोदेंशो पने” दे ठेयब सेंदामी लोव़ लेत्‍ताक्‍म।

भजन संग्रह 85:4

आंइ कली पाप रे प्रोंइब परमप्रभु, आंइ कली लेंशा ङोंइती ङा खोदेंशो सेल्‍की। मिनु इन आंइ कली मदाक्‍तीके समीन।

प्रस्‍थान 32:12

मो पाइतीनी हना इजीप्‍त रागी ङा मुरपुकीमी ‘परमप्रभुमी मेको आन कली पहाडमी साइश्‍शा, रागी रे क्‍याम्‍चा कली एक रे ग्रुंइताक्‍व’ देंनीम। मोपतीके इन ठेयब गाइक्‍तीक प्रोनीन। इन मुर आन कली मसतीन। ब्‍यवस्‍था ९:२८; यहोसु ७:९

यसैया 40:2

यरूसलेम कली आ थुं बारपाइक्‍तीके लोव़ पने। आ श्‍येत नुप्‍त। आ मरिम्‍शो पशो क्‍याम्‍शो बाक्‍ब। मारदे हना परमप्रभु यावे रे पा आ मरिम्‍शो पशो आ पर्बम निक्‍शी खेयप सजाइ ताप्‍तु” देंत। होसे २:१६; येरमीया १६:१८

यसैया 65:10

मिनु शारोन आं मुर आन क्‍यारश भेडा योव़तीके नु आकोर माइश्‍शो दिंमम बी ब्‍यफ जोपाइक्‍तीके दुम्‍ब। मेको आं कली माल्‍ब आन कली दुम्‍ब। यसैया ३३:९; यहोसु ७:२६

बिलाप 3:53

मेकोपुकीमी आं कली सेसीन खाल्‍टामी ताइक्‍ताक्‍यीमी। आं कली फुल्‍लुमी यो आप्‍तीमी।

होसे 2:15

मेकेर गो मेको कली आ अङगुर रू लेश्‍शा गेनुङ। गो आकोर माइश्‍शो दिंम कली चहिं आस पतीक रागी सेल्‍नुङ। मेकेर मेकोमी आ ठिटी बाक्‍ची ना ङा खोदेंशो नु इजीप्‍त रागी रे जाक्‍शो खोदेंशो पा कुम्‍सो पाइब” देंत। यहोसु ७:२४-२६

होसे 2:17

गो बाल देवता आन नें यो मेको आ शोव़ रे ग्रुंइ‍नुङ। मिनु लेंशा मेकोमी मेको आन नें गेनायो मथोइब।

योएल 2:13

गे रोंका पा इन वा मखाक्‍कीन। इन थुं खाक्‍कीन। गेपुकी परमप्रभु यावे, इन परमप्रभु गे ले‍तीन। मारदे हना मेकोमी शिशी पा दाक्‍ब। मेको रीब पा मगाइक्‍ब। गेना हना यो दाक्‍ब नु रीब पा सजाइ मगेब बाक्‍ब। प्रस्‍थान ३४:६

योएल 2:18

मिनु परमप्रभु यावेमी आ रागी आ पर्बम रुश पा, आ मुर आन कली शिशी पाप्‍तु।

योना 1:15

मिनु योना कली समुन्‍द्रमी ताइक्‍तमे बाक्‍त। मिनु फश गिवार नु ब्‍वाक्‍कु ख्रा दिम्‍शा, नांइसे बाक्‍त।

जकरिया 6:8

मिनु नोले मेकोमी ठेयब सेंदा पा आं कली “कोव़ङो, मेको उत्तर रागी गे लाइबमी आं सोक्‍त नाइक्‍पाइक्‍तेक्‍म” देंत।

गन्‍ती 25:8

मेको इस्राएली आ नोनोले लशा, आ बाक्‍तीक ओव़शा, मेको इस्राएली नु मेको मीश मुर निम्‍फा आस कली एर ओंथ ख्रिप्‍पाइश्‍शा थोक्‍तीम्‍सी। मिनु इस्राएली आन दाते रे मेको मुर बेक्‍तीक रोइ जाम्‍त।

ब्‍यवस्‍था 13:17

मिनु गेपुकीमी मथिचा देंशो थोव़क मारेइ मलतीन। मिनु परमप्रभु यावे आ गाइश्‍शो नाइक्‍ब कों, इन कली शिशी पा दाक्‍ब। इन किकी पिपी नु कसम जशो खोदेंशो पा इन कली शुश सेल्‍ब।

ब्‍यवस्‍था 13:18

गेपुकी परमप्रभु यावे, इन परमप्रभु आ देंशो टीतीनी, मुलाक्‍ती गो इन कली देंशो आं शेंशो नेल्‍ल पाइतीनी हना, गेपुकी परमप्रभु यावे, इन परमप्रभु आ ङोंइती ठीक पाइब दुम्‍नीनी” देंत। यहोसु ७:-

यहोसु 10:27

मिनु नां रिक्‍ची ना, यहोसुमी “मेको आन कली लाइश्‍शा, ङोंइती आन ख्रुइश्‍शो पुक्‍खीमी वोतीन। मिनु मेको पुक्‍खी आ ओव़तीकेमी ठेयब फुल्‍लुपुकी लाइश्‍शा सुने” दे अरेप्‍तु। मिनु मेको फुल्‍लु मुल सम्‍म बाक्‍नीम। ब्‍यवस्‍था २१:२२-२३

यहोसु 7:24

मिनु यहोसु नु इस्राएली नेल्‍ल गारशा, जेराह आ खिं ङा आकान नु आ खुइ पशो चांदी, फेक्‍तीक वा नु सुन के कोक्‍के, मेको आ तमी तौ मेको आ बी ब्‍यफ, आ गधापुकी, आ भेडापुकी, मेको आ ताम्‍बु नु मेको नु बाक्‍शो मारेइ मारेइ आकोर आ बेंसीमी लाइक्‍तेक्‍म। लेवी २४:१४-१५

यहोसु 8:29

मिनु मेकोमी ऐ ङा पिप कली नां मरिक्‍म सम्‍म रवामी क्‍युक्‍शा वोइक्‍पाइक्‍तु। मिनु नां रिक्‍म नोले यहोसुमी पिप आ रां रवा रे शोल्‍शा, सहर ओव़तीक लाप्‍चोम लाइश्‍शा ताइक्‍पाइक्‍तु। मेको आ तारी शुश फुल्‍लु तेल्‍तेक्‍म। मेको मुल सम्‍म बाक्‍ब। ब्‍यवस्‍था २१:२२-२३