यहोसु 7:2 - Sunuwar Bible

² मिनु यहोसुमी यरीको रे बेथेल आ पूर्ब बेथ-आवेन आ नेक्‍था ऐ सहरमी मुर आन कली सोइक्‍ताक्‍व। मिनु मेको आन कली “गेपुकी मेक लशा, मेको रागी कली क्‍यारी पन” दे माइक्‍तु। मिनु मेको मुरपुकी लशा, मेको ऐ सहर कली क्‍यारी पाम्‍तेक्‍म।

यहोसु 7:2 ပူးပေါင်းရင်းမြစ်များ

उत्पत्ती 12:8

मेकेर रे लशा, बेथेल सहर आ पूर्ब गे ङा डांडामी आ ताम्‍बु याक्‍शा कीङा बाक्‍त। बेथेल सहर पच्‍छिम गे नु ऐ सहर पूर्ब गे बाक्‍शा, मेकेर यो परमप्रभु यावे कली चढ़ेतीक का सेल्‍शा, परमप्रभु यावे कली लोव़ पा ठेयब सेला बाक्‍त। उत्‍पत्ती ४:२६

उत्पत्ती 28:19

मिनु मेको बाक्‍तीके कली बेथेल नें वोदा बाक्‍त। ङोंइती मेको सहर आ नें लूज बाक्‍माक्‍त।

१ राजा 12:29

मिनु मेकोमी मेको बाछा का बेथेल सहरम नु का चहिं दानम वोदा बाक्‍त। न्‍यायाधीस १८:३०

नेहेम्‍याह 11:31

बेन्‍यामीन आ चच युइ गेबा सहर रे मिकमाश, अय्‍या, बेथेल नु मेको मेर ङा गाउंपुकीम, यहोसु १८:२२

हितोपदेस 20:18

अर्ती नेंब मुर आ मिम्‍शो रिम्‍शो दुम्‍ब। जोक्‍ब तुइक्‍ब आन लोव़ नेंशा ला लडाइ पावो। हितोपदेस २४:६

हितोपदेस 24:6

मारदे हना रिम्‍शो लां कोंइब बाक्‍त हना, लडाइ पने चाप्‍नीनी। अर्ती गेब शुश बाक्‍तेक्‍म हना, लडाइ ग्रा‍नीनी। हितोपदेस २०:२८; हितोपदेस ११:१४

यसैया 10:28

इन जोरी सत्रु रिम्‍मोन रे जाक्‍शो आइयाथम जाक्‍दीत्‍तेक्‍म। मिग्रोन लशा, मिकमाश सहरम आन मार मार वोइक्‍नीम।

येरमीया 49:3

परमप्रभु यावेमी “हेश्‍बोन रोंका पावो। मारदे हना ऐ सहर खतम पोक्‍शो बाक्‍ब। गे रब्‍बाह ङा तमी, वाइ ब्रेश्‍शा ङाक्‍कीन। भाङग्रा फेंसी‍शा रोंका पने। वाम ग्‍याम दुम्‍शा एर ओंथ दोरीन। मारदे हना मिल्‍कोम, आ चढ़ेबपुकी नु आ नोले खोइक्‍ब ग्‍याइश्‍शा लाइक्‍चा पुंइसाक्‍म।

होसे 4:15

गे इस्राएलीपुकी, तेल्‍लेम पाइतीनी हना यो, यहूदा ङा मुर आन कली हेंथे मगाक्‍पतीन। गेपुकी गिल्‍गालमी नु बेथ-आवेनमी मलन। मिनु ‘परमप्रभु यावे ब्रोंइशा बाक्‍शो खोदेंशो पा’ दे कसम मजने” दे परमप्रभुमी देंत। आमोस ५:५; होसे १०:५; आमोस ८:१४

मत्ती 10:16

भेडा आन कली फर आन दातेम सोइश्‍शो खोदेंशो पा सोइक्‍नन्‍नी। बुस्‍स खोदेंशो पा निप्‍स पाइश्‍शो दुमीने। मिनु परवा खोदेंशो दुम्‍शा, सुइ कली मरिम्‍शो मपने। लूका १०:३; रोमी १६:१९; एफिसी ५:१५

एफिसी 5:15

मोपतीके होस पा बाक्‍कीन। मतुइक्‍ब ममाइ, तुइक्‍ब मुर दुम्‍शा बाक्‍कीन। मत्ती १०:१६; कलस्‍सी ४:५

यहोसु 12:9

यरीको ङा पिप, ऐ ङा पिप, मेको बेथेल आ नेक्‍था बाक्‍ब, यहोसु ६:२; यहोसु ८:२९

यहोसु 18:12

मेको सांद उत्तर गे यर्दन रे पा लाइश्‍शा यरीको आ उत्तर ङा देम्‍सीलो लाक्‍शा, पच्‍छिम गे ङा पहाड लाक्‍शा गोरशो रागी बेथ-आवेन सम्‍म जाक्‍दीश्‍शो बाक्‍त। यहोसु ७:२

यहोसु 2:1

मिनु नून आ तौ यहोसुमी, सुइम मतुइक्‍चा ङा पा, शित्तीम रे मुर निक्‍शी क्‍यारी पथ सोइक्‍ताक्‍व। मिनु यहोसुमी मेको आस कली “मेको रागी नु यरीको नेल्‍ल क्‍यारी पथ लस” देंत। मिनु मेको निक्‍शी मेकेर जाक्‍दीश्‍शा, राहाब माइश्‍शो तेल्‍लेम आ खिंमी बास बाक्‍सा बाक्‍त। मत्ती १:५; हिब्रू ११:३१; याकूब २:२५

यहोसु 7:3

मिनु मेकोपुकीमी यहोसु बाक्‍तीक लेश्‍शा जाक्‍शा “मुर नेल्‍ल ऐ सहरम लचा ममाल्‍नीम। निक्‍शी सां हजार मुर ला लशा, लडाइ पाम्‍तेक्‍म हना, ग्रा‍नीम। नेल्‍ल कली श्‍येत मगेन। मारदे हना मेकेर शुश मुर मबाक्‍म” देंतेक्‍म।

१ सामुएल 13:5

मिनु पलिस्‍तीपुकी इस्राएली नु लडाइ पचा कली बुक्‍मा बाक्‍त। मेकोपुकी नु ३० हजार बग्‍गी, ६ हजार शारा ङोइक्‍बपुकी नु समुन्‍द्र ङा बाल्‍वा खोदेंशो पा हिक्‍ने मचाप्‍चा ङा पा खोइलीम गाक्‍ब लडाइ पाइब मुर बाक्‍मा बाक्‍त। मेकोपुकी इर ग्रूशा, बेथ-आवेन आ पूर्ब गे मिकमाशम आन बाक्‍तीके सेल्‍मे बाक्‍त।

१ सामुएल 14:23

मेको नाक्‍ती परमप्रभु यावेमी इस्राएली आन कली ग्रापदा बाक्‍त। मिनु मेको लडाइ बेथ-आवेन आ आइक्‍ची सम्‍म दुम्‍माक्‍त। सावल आ लडाइ पाइब १० हजार खोइ दुम्‍मा बाक्‍त। मेको लडाइ एफ्राइम ङा पहाड नेल्‍लेम दुम्‍माक्‍त।

१ सामुएल 30:27

मेकोमी सु सु आन कली कोसेली सोइक्‍ता बाक्‍त देंशा हना, बेथेल सहर, नेगेब ङा रामोथ सहर, यत्तीर, सहर