यहोसु 6:9 - Sunuwar Bible

⁹ मिनु या कुरब चहिं ग्रोव़ ताप्‍ब चढ़ेब आन ङोंइङोंइती गाक्‍तेक्‍म। मिनु मुर नेल्‍ल सन्‍दोस आ नोनोले गाक्‍तेक्‍म। चढ़ेबपुकी ताप्‍तीक ग्रोव़ ताम्‍ना ताम्‍न गाक्‍तेक्‍म।

यहोसु 6:9 ပူးပေါင်းရင်းမြစ်များ

यसैया 58:8

मो पाइतीनी हना, गे सुनी ङा नां दाप्‍शो खोदेंशो दुम्‍नीनी। मिनु गे रीब पा सानीनी। इन कली वारच पाइब इन ङोंइती गाक्‍ब। परमप्रभु यावे आ छेङछेङमी इन नोले खोइक्‍ब। भजन संग्रह ३७:६; यसैया ५२:१२

गन्‍ती 10:25

मिनु नेल्‍ल आन क्‍येङा नोले दान आ बाक्‍तीक ङा मुर हुल हुल पा आन छेदर कुरशा, गाक्‍तेक्‍म। मेको आन ठेयब मुर अम्‍मी-शदै आ तौ अही-एजेर बाक्‍त।

यहोसु 6:10

मिनु यहोसुमी नोनोले गाक्‍ब मुर आन कली “गे काइ मग्रीङीन। इन सेंदा काइ मनेंसेक्‍ल। सिक्‍सी पा गाक्‍कीन। तेको नाक्‍त गो इन कली ‘ग्रीङीन’ देंनुङा, मेको नाक्‍त ला वाइ ब्रेश्‍शा ग्रीचा माल्‍नीनी” दे माइक्‍तु।

यहोसु 6:13

मिनु परमप्रभु यावे आ कबल पशो सन्‍दोस आ ङोंइती गाक्‍ब ताप्‍तीक ग्रोव़ कुरब ७ जना चढ़ेबपुकीमी ग्रोव़ ताम्‍ना ताम्‍न गाक्‍तेक्‍म। या कुरब मेको आन ङोंइङोंइती गाक्‍तेक्‍म। अर्को नेल्‍ल परमप्रभु यावे आ कबल पशो सन्‍दोस आ नोले मेको ताप्‍शो नेंना नेंन खोइक्‍तेक्‍म।

यहोसु 6:8

मिनु यहोसुमी देंशो खोदेंशो पा मेको ७ जना चढ़ेब परमप्रभु यावे आ ङोंइती ताप्‍तीक ग्रोव़ कुरशा, ताम्‍ना ताम्‍न गाक्‍तेक्‍म। मिनु परमप्रभु यावे आ कबल पशो सन्‍दोस कुरबपुकी मेको आन नोले खोइक्‍तेक्‍म।