यहोसु 6:7 - Sunuwar Bible

⁷ मिनु मेकोमी मुर आन कली “गे यो सहर एर ओंथ हिरसीन। मिनु या कुरशो मुरपुकी परमप्रभु यावे आ कबल पशो सन्‍दोस आ ङोंइङोंइती गाक्‍चा माल्‍नीम” देंत।

यहोसु 6:7 ပူးပေါင်းရင်းမြစ်များ

यहोसु 1:14

इन मीश नु आलपुकी, बी ब्‍यफ, क्‍यारश भेडा नेल्‍ल मोसामी इन कली गेशो रागी यर्दन ओंथ हांबुम बाक्‍चा माल्‍नीम। तन्‍न गे लडाइ पाइब वोंइश मुरपुकी या कुरशा इन लोक्‍ब आन कली वारच पचा कली मेको आन क्‍येङा ङोंइती आइक्‍ची हांबु लचा माल्‍नीनी।

यहोसु 4:13

मिनु परमप्रभु यावे आ ङोंइती हेररा ४० हजार लडाइ पाइब, या कुरशो वोंइश मुरपुकी शोक्‍शा, लडाइ पचा कली यरीको ङा दिंम गे लाम्‍तेक्‍म।

यहोसु 6:3

मोपतीके ६ नाक्‍त सम्‍म, नाक्‍तीमी खेयप का इ लडाइ पाइब वोंइश मुर नेल्‍ल आन कली मेको यरीको सहर एर ओंथ हिरपतो।

यहोसु 6:6

मिनु नून आ तौ यहोसुमी चढ़ेब आन कली ब्रेश्‍शा, मेको आन कली “परमप्रभु यावे आ कबल पशो सन्‍दोस कुरीन। मेको ७ जना अरु चढ़ेबपुकी चहिं ७ ओटा ताप्‍तीक ग्रोव़ कुरशा, परमप्रभु यावे आ कबल पशो सन्‍दोस कुरब आन ङोंइती गाक्‍पतीन” देंत।

यहोसु 6:8

मिनु यहोसुमी देंशो खोदेंशो पा मेको ७ जना चढ़ेब परमप्रभु यावे आ ङोंइती ताप्‍तीक ग्रोव़ कुरशा, ताम्‍ना ताम्‍न गाक्‍तेक्‍म। मिनु परमप्रभु यावे आ कबल पशो सन्‍दोस कुरबपुकी मेको आन नोले खोइक्‍तेक्‍म।