यहोसु 6:23 - Sunuwar Bible

²³ मिनु मेको ङोंइती क्‍यारी पाइब ठिटा निक्‍शी मेको आ खिं ओव़शा, राहाब कली ग्रुंइताक्‍स। मेको नु आ आम आफ आ लोक्‍ब नु आ खिं ङा मुर नेल्‍ल आन कली यो ग्रुंइताक्‍स। मिनु मेको आन कली इस्राएली आन बाक्‍तीके आ लाङगाम बाक्‍चा गेम्‍ताक्‍स। गन्‍ती ३१:१९

यहोसु 6:23 ပူးပေါင်းရင်းမြစ်များ

उत्पत्ती 12:2

गो इ रे पा ठेयब जात ङा मुर सेल्‍नुङमी। गो इ कली आसीक गेनन। इ नें ठेयब सेल्‍नुङ। गे अर्को आन कली आसीक दुम्‍नेवे। उत्‍पत्ती २४:१,३५; भजन संग्रह ७२:१७

उत्पत्ती 18:24

मेको सहरमी ५० जना ठीक पाइब मुर बाक्‍तेक्‍म हना, सहर कली क्‍याम्‍नीनी? मेको ५० जना ठीक पाइब मुर आन पर्बम मेको सहर मप्रोंइनीनी?

उत्पत्ती 19:29

मोपा परमप्रभुमी मेको दिंम, सहर निक्‍शी क्‍याम्‍दा बाक्‍त। मेना परमप्रभुमी अब्राहाम आ पुंइशो लोव़ मिम्‍शा, लोत कली मेको सहर रे ग्रुंइशा प्रोना बाक्‍त। नोले मेकोमी मेको सहर नेल्‍ल खतम पोक्‍गा बाक्‍त।

गन्‍ती 31:19

गेपुकी सु सुम मुर साइश्‍शो बाक्‍नी नु बेक्‍शो मुर आन कली थिशो बाक्‍नी मेको नेल्‍ल ७ नाक्‍त सम्‍म इन बाक्‍तीक आ लाङगाम बाक्‍कीन। मिनु सां नाक्‍त नु ७ नाक्‍ती गेपुकीमी इन कली ग्रांग्रा मदिशो सेल्‍सीशा, इन ग्‍याइश्‍शो आन कली यो ग्रांग्रा मदिशो सेलीन। गन्‍ती १९:११-२०

प्रेरित 10:28

मिनु पत्रुसमी मेको देल्‍शा बाक्‍ब आन कली “गो आंइ यहूदी अर्को रागी ङा मुरपुकी नु काथा बाक्‍चा, जचा, आन खिं ओव़चा मदुम्‍ब, दे नेल्‍लेमी तुइक्‍नीनी। मोदेंशो बाक्‍त हना यो, परमप्रभु यावेमी आं कली सुइ आन कली आइक्‍च ममिम्‍चा, दे शेंताक्‍यी।

प्रेरित 27:24

मेकोमी ‘पावल, महिनो। गे सिजर पिप आ ङोंइती राप्‍चा माल्‍‍नेवे। ब्‍वाक्‍कुम ग्रुम्‍शा मबेक्‍नेवे। परमप्रभु यावेमी गे नु बाक्‍ब नेल्‍ल यो मबेक्‍थु, इन कली गेप्‍तु’ दे माइक्‍ती। प्रेरित २३:११

१ कोरिन्‍थी 5:12

प्रभु आ मुर मदुम्‍शो आन कली मार निसाफ पाइनुङा ङा? प्रभु आ मुर दुम्‍शो इन दाते ङा आन कली चहिं गेपुकीमीन नाक्‍शा, सजाइ गेचा ममाल्‍नीनी ङा?

एफिसी 2:12

मेना गेपुकी ख्रीस्‍त रे ङोन बाक्‍तीनी। इस्राएल ङा मुरपुकी रे यो ङोन बाक्‍तीनी। मोपा परमप्रभु यावेमी पशो कबल मतुइक्‍थु, आस मपाइश्‍शो नु परमप्रभु यावे कली मतुइक्‍ब मुर बाक्‍तीनी। रोमी ९:४; १थिस्‍सलोनिकी ४:१३

हिब्रू 11:31

ङोंइती राहाब तेल्‍लेममी मोसाम सोइश्‍शो क्‍यारी पाइब आन कली जतीक बाक्‍तीक गेशा मान पशो बाक्‍माक्‍त। मिनु आन देंशो लोव़ थमा सुइक्‍तीके मटीब नेल्‍ल नु मबेक्‍थु, ब्रोंइचा तवा बाक्‍त। याकूब २:२५

हिब्रू 11:7

नोआह यो थमा सुइक्‍ब बाक्‍माक्‍त। यावेमी मेको कली “नोले ओदेंशो दुम्‍ब” मदानु, मेको लोव़ थमा सुइश्‍शा टिशा, ठेयब डोंगा सेल्‍शा, आ खिं ङा मुर आन कली ओंइशा, बेक्‍चा मगेथु प्रोंइमी बाक्‍त। नोआहमी मो पशो तशा यो अरुमी थमा मसुदमे बाक्‍त। मिनु आन थमा मसुइक्‍तीके दोसी दुम्‍शा, नेल्‍ल बेक्‍चा माल्‍मा बाक्‍त। नोआह चहिं थमा सुइश्‍शोमी ब्रोंइचा तांइसीब, दे कोंइब दुम्‍माक्‍त। उत्‍पत्ती ६:८-९,१३-२२

यहोसु 2:13

मिनु आं आम आफ, आं लोक्‍बपुकी नु मेको आन खिं ङा मुर नेल्‍ल आन कली ब्रोंइचा गेन। बेक्‍चा रे प्रोनीन” दे मेकोमी देंमाक्‍त।

यहोसु 2:16

मिनु मेको मीश मुरुमी मेको निक्‍शी आस कली “गे डांडा गे लसे। मेक लाइतीसी हना, खेदा पाइबपुकीमी इस कली मथित्‍नीम। मेको खेदा पाइब एक्‍य मलेम्‍मा सम्‍म, गे सां नाक्‍ती मेकेर ख्रुंइसीस। मिनु नोले इस लां लसे” देंमाक्‍त।

यहोसु 2:18

गो लेंशा एक जाक्‍कानु, गे आंस कली तोइक्‍तीक झेलम मेको लल डोरी फ्रेंशा वोतो। इ आम आफ, इ लोक्‍ब नु इ खिं ङा मुर नेल्‍ल यो इ खिंम बाक्‍चा माल्‍नीम।

न्‍यायाधीस 1:25

मिनु मेको मुरुमी सहर दोपा ओव़चा, मेको नेल्‍ल कोंइदा बाक्‍त। मिनु योसेफ आ थर ङा मुरपुकीमी मेको सहर ओव़शा, मेकेर ङा मुर नेल्‍ल आन कली तरवारमी क्‍योरशा सदमे बाक्‍त। तन्‍न मेको लां शोव़ब नु आ खिं ङा मुर आन कली मारेइ यो मपामे बाक्‍त। यहोसु ६:२५